اشترك في نشرتنا البريدية ليصلك كل جديد

ibrahem2 · 26-05-2009, 02:51 AM

السلام عليكم

عرض علي فرخ افريقي هولندي

عمرة 6_7 شهور تقريبا

الطير يطلع على اليد وبادي يصفر

واللي ابغا اشاوركم فيه سعره 2000 ريال سعودي بالرياض

هل العمر مناسب ولا لا

هل اشتريه بالقيمه هاذي ولا لا ؟؟

وكم السعر المناسب للمواصفات هاذي ؟؟

احساس طفل · 26-05-2009, 07:39 AM

توكل على اخوي
اذا كان فعلا هولندي
سعره معقول يطلع على اليد
ربي يوفقك
وانتظر راى باقي الاخوان

سكر · 26-05-2009, 08:30 AM

إذا ماكان يجعر,,, واذا كان يسمح لك تمسح عليه ولا يعض,, توكل على الله,,

سعره مناسب بشرط انه هولندي, يعني محجل,, وحجمه كبير,, وعمره مثل ما قال

تحياتي

حب استطلاع · 26-05-2009, 09:26 AM

ما قصروا الشباب معك
وتوكل على الله
وأول ما يوصل عندك أبدأ بكورس مضاد لا يقل عن 7 أو 5 أيام
وريحه أسبوع وأبدأ بطارد الديدان
وإذا بتعطيه لقاح ضد ( النيو كاسل ) يكون أفضل
وأهتم فيه من ناحية الغذاء وأبعده عن التيارات البارده
وبإذن الله يسعدك
بالتوفيق

ibrahem2 · 26-05-2009, 11:57 AM

اخوي احساس طفل مشكور وماقصرت ......

سكر تصدق انك سكر المنتدى والببغاء حجمه كبير ومحجل ....

ibrahem2 · 26-05-2009, 12:15 PM

اقتباس:

المشاركة الأصلية كتبت بواسطة حب استطلاع

ما قصروا الشباب معك

وتوكل على الله
وأول ما يوصل عندك أبدأ بكورس مضاد لا يقل عن 7 أو 5 أيام
وريحه أسبوع وأبدأ بطارد الديدان
وإذا بتعطيه لقاح ضد ( النيو كاسل ) يكون أفضل
وأهتم فيه من ناحية الغذاء وأبعده عن التيارات البارده
وبإذن الله يسعدك

بالتوفيق

اخوي حب استطلاع ممكن توضح الكورس المضاد يعني وش اسمه ووين احصله
وماهي فايدته

وطارد الديدان كيف طريقته

وين احصله ...

واللقاح حق النيو كاسل احصله عند البيطري ؟؟؟

ازعجتك بالاسئله

وش رايك وين احسن بيطري بالرياض ؟؟؟

حب استطلاع · 26-05-2009, 01:05 PM

اقتباس:

ibrahem2
اخوي حب استطلاع ممكن توضح الكورس المضاد يعني وش اسمه ووين احصله
وماهي فايدته

أي مضاد شامل يفي بالغرض وتكون صناعته غير عربيه
تحصله عند الصيدليات إللي بالعزيزية ( سوق الطيور بالرياض )
وفايدته يقضي على البكتيريا التي قد تظهر مستقبلاً

اقتباس:

وطارد الديدان كيف طريقته وين احصله ...

تحصله بالصيدليات البيطرية
وطريقته
تعطش الطير وتحط له الماء المحلول بالدواء لمدة 24 ساعة مرة وحده
وتعيد الجرعة بعد أسبوعين
وبالنسبة للعلاج فيه أنواع كثيرة وكلها تأدي الغرض

اقتباس:

واللقاح حق النيو كاسل احصله عند البيطري ؟؟؟

آآآآآآآي

اقتباس:

ازعجتك بالاسئله

لا ولا يهمك

اقتباس:

وش رايك وين احسن بيطري بالرياض ؟؟؟

عندك الدكتور/ سعيد في واحة الحيوان ( الملز )
وفيه سوداني في جون ( التخصصي ) ما أذكر أسمه تحسه ملحوس بس ممتاز
وفيه مستشفى خاص بالببغاء ( عيادة الرياض البيطرية )
مخرج ( 9 ) على طريق الإمام سعود بن عبدالعزيز ( الجامعة سابقاً )
بعد الصندوق الأسود وأنت متجه للغرب
بس مشكلتهم دوامهم
يعني إذا مثلي ترجع من الدوام وتسحبها نومه بتحصله مسكر

ibrahem2 · 26-05-2009, 01:13 PM

ياخي انت فله ههههههههه

طيب رايك اسوي له فحص عند البيطري

وجنحانه اخليها ولا اقصها كبوريا ولا كدش <<<< يسمع بالكدش

بالعربي وش اسوي بجنحانه

حب استطلاع · 26-05-2009, 01:25 PM

اقتباس:

المشاركة الأصلية كتبت بواسطة ibrahem2

ياخي انت فله ههههههههه

طيب رايك اسوي له فحص عند البيطري

وجنحانه اخليها ولا اقصها كبوريا ولا كدش <<<< يسمع بالكدش

بالعربي وش اسوي بجنحانه

وأنت شقه

وجنحاته فكها وطير فيها
لا تصدق عاد وتسويها
قص الريش ببساطة
أترك ثلاث ريشات من البداية ( للشكل الخارجي حتى ما يتأثر ))
وقص تقريباً أربع ريشات بعدها بمستوى الريش الصغير إللي بالجناح
وجرب في غرفة طيرانه كيف
إذا تحس أنه ما فيه خوف أنه يهرب ويقدر بنفس الوقت ينزل من القفص ولا يتأثر
تمام
وإذا العكس قص أكثر من الريش

ibrahem2 · 26-05-2009, 01:36 PM

ابتوكل على الله وبشتريه اليوم ودعواتكم للبغاء بالتصفير والكلام

حب استطلاع شكرا لك عاد المرة هاذي انت حي كامل ههههههههه