|
عطني رايك بسعر الافريقي .... ضروري وبسرعه
السلام عليكم عرض علي فرخ افريقي هولندي عمرة 6_7 شهور تقريبا الطير يطلع على اليد وبادي يصفر واللي ابغا اشاوركم فيه سعره 2000 ريال سعودي بالرياض هل العمر مناسب ولا لا هل اشتريه بالقيمه هاذي ولا لا ؟؟ وكم السعر المناسب للمواصفات هاذي ؟؟ |
رد: عطني رايك بسعر الافريقي .... ضروري وبسرعه
توكل على اخوي
اذا كان فعلا هولندي سعره معقول يطلع على اليد ربي يوفقك وانتظر راى باقي الاخوان |
رد: عطني رايك بسعر الافريقي .... ضروري وبسرعه
إذا ماكان يجعر,,, واذا كان يسمح لك تمسح عليه ولا يعض,, توكل على الله,,
سعره مناسب بشرط انه هولندي, يعني محجل,, وحجمه كبير,, وعمره مثل ما قال تحياتي |
رد: عطني رايك بسعر الافريقي .... ضروري وبسرعه
ما قصروا الشباب معك وتوكل على الله وأول ما يوصل عندك أبدأ بكورس مضاد لا يقل عن 7 أو 5 أيام وريحه أسبوع وأبدأ بطارد الديدان وإذا بتعطيه لقاح ضد ( النيو كاسل ) يكون أفضل وأهتم فيه من ناحية الغذاء وأبعده عن التيارات البارده وبإذن الله يسعدك بالتوفيق |
رد: عطني رايك بسعر الافريقي .... ضروري وبسرعه
اخوي احساس طفل مشكور وماقصرت ......
سكر تصدق انك سكر المنتدى والببغاء حجمه كبير ومحجل .... |
رد: عطني رايك بسعر الافريقي .... ضروري وبسرعه
اقتباس:
وماهي فايدته وطارد الديدان كيف طريقته :confused: وين احصله ... واللقاح حق النيو كاسل احصله عند البيطري ؟؟؟ ازعجتك بالاسئله :D:D وش رايك وين احسن بيطري بالرياض ؟؟؟ |
رد: عطني رايك بسعر الافريقي .... ضروري وبسرعه
اقتباس:
أي مضاد شامل يفي بالغرض وتكون صناعته غير عربيه تحصله عند الصيدليات إللي بالعزيزية ( سوق الطيور بالرياض ) وفايدته يقضي على البكتيريا التي قد تظهر مستقبلاً اقتباس:
وطريقته تعطش الطير وتحط له الماء المحلول بالدواء لمدة 24 ساعة مرة وحده وتعيد الجرعة بعد أسبوعين وبالنسبة للعلاج فيه أنواع كثيرة وكلها تأدي الغرض اقتباس:
اقتباس:
اقتباس:
وفيه سوداني في جون ( التخصصي ) ما أذكر أسمه تحسه ملحوس بس ممتاز وفيه مستشفى خاص بالببغاء ( عيادة الرياض البيطرية ) مخرج ( 9 ) على طريق الإمام سعود بن عبدالعزيز ( الجامعة سابقاً ) بعد الصندوق الأسود وأنت متجه للغرب بس مشكلتهم دوامهم يعني إذا مثلي ترجع من الدوام وتسحبها نومه بتحصله مسكر :D |
رد: عطني رايك بسعر الافريقي .... ضروري وبسرعه
ياخي انت فله ههههههههه
طيب رايك اسوي له فحص عند البيطري وجنحانه اخليها ولا اقصها كبوريا ولا كدش <<<< يسمع بالكدش بالعربي وش اسوي بجنحانه |
رد: عطني رايك بسعر الافريقي .... ضروري وبسرعه
اقتباس:
وجنحاته فكها وطير فيها لا تصدق عاد وتسويها قص الريش ببساطة أترك ثلاث ريشات من البداية ( للشكل الخارجي حتى ما يتأثر )) وقص تقريباً أربع ريشات بعدها بمستوى الريش الصغير إللي بالجناح وجرب في غرفة طيرانه كيف إذا تحس أنه ما فيه خوف أنه يهرب ويقدر بنفس الوقت ينزل من القفص ولا يتأثر تمام وإذا العكس قص أكثر من الريش |
رد: عطني رايك بسعر الافريقي .... ضروري وبسرعه
ابتوكل على الله وبشتريه اليوم ودعواتكم للبغاء بالتصفير والكلام
حب استطلاع شكرا لك عاد المرة هاذي انت حي كامل ههههههههه |
| جميع الأوقات بتوقيت GMT +3. الساعة الآن 10:56 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو