ببغاء جديد

[mnoool]

صباح الخير
انا اشتريت بلوفرنتد في نفس عمر ببغائك ، بالبدايه حاول تخليه بالصاله عادي ، وحاول انك ما تنقله من مكان لاخر طول الوقت لمدة اسبوعين تقريبا ، ببغائي يحب الاطفال والازعاج والحركه .. بس المهم ما يأذونه ويخوفونه ،

طالما غير اليف الافضل تقص جناحه حتى تقدر تدربه ويتعود عليك مو يهرب ويطير منك ،
تسبحه بعد فتره لين يتعود ع المكان ترشه بالماء بشكل خفيف مره بالاسبوع ،
الاكل تنوع له فيه من خضار وفواكه وحبوب مشكله ووووو

حاول تأكل الطير من يدك بس ابدا لا تحاول تمسكه باللحظه هذي ، خله يتعود ع يدك ،
بعد كذا اعطيه العاب بيدك وهو جوا القفص خله يقرب منك ويلمس يدك لا تخوفه وتحاول تمسكه ، وبعد كذا مره حاول تمسك راسه بهدوء وتحكه الطيور تحب هذي الحركه

استمر ع هذا النظام فتره شهر تقريبا ، خل في بالك اول شي لازم يتعود عليك ويحبك ، عشان يكون تدريبه سهل عليك ، هو تلقائي لما يحبك بيسوي اللي تبي ،

بعد الشهر خرجه من القفص في غرفه مقفله وشيل القفص من الغرفه حتى يجي يجلس عندك ،

فيه كثير مواضيع بالمنتدى اخوي تقدر تستفيد منها ، اللي اقوله لك انا مجربته مع ببغائي والحمدلله سنه كامله وببغائي ماشاءالله ،
ركزت على انه يتعلق فيني اكثر من اني ادربه ومااشاءالله يتكلم ويسمع كلامي والحين اعلمه كيف يطير لعندي لما اناديه


انا مبتدئه ترى وكلامي اللي قلته كله عن تجربه ، اتمنى تستفيد مثل ما انا استفدت من اخواني هنا جزاهم الله خير ،

معليش اختصرت الكلام لكن فيه كثيير مواضيع هنا بتستفيد منها ان شاءالله حاول تقرأ كثير عنها ،،