مدينـة الهــــدوء ..

[ناصـر]

الموقف اللي حصل كالآتي :

طلعنا من الخـُبـر متجهيـن وعاقدين الهمـة
للرياض ..

الى الآن كل شيء تمام والسوالف السفره
والضحك والحكيّ عن السياسـة وكل موضوع تطرقنا له

بقى على مسافة الوصول للرياض
حدود 280 كيلو ..

مؤشر خزان الوقود بالضبط
على الربع الاخير

للعلم الخزان يتقسم الا نصفين
يعني فيـه ( اربع ارباع )

نوينا على التوقف للمحطة
ونعبي ونشتري آكل وشايّ وكيك و و و و

وقفنا في المحطة

طلعت محفظتي المصونــة لدفع قيمة البنزيـن
الا مافيها 5 ريال فقط ( نسيت اصرف من البنك )

وقريبي مامعـه الا 3 ريال هو كذلك نسى .!!

راح تتسألون شلون هالآوادم الطيبيـن
سافروا من دون ان ياخذون كامل احتياطاتهم ..

للأسف اقول لكم لأنه يوم نوينا العوده
نويناها على حيـّن غرة ..

يعني وقتها كنا في الخـُبر
متجهيـن لـ بيت خالتي ..

لكن مدريّ اللي غيرنا واقتنعنا
بالسفر للرياض ..

عشان كذا ما فكرنا بالامور الماليـة
والمصاريف الخطيـــة ..

نعود للحظاتنا في المحطــة
الآن حنا في نقاش يسود فيه التوتر

أنا : ياخي ليش ماصرفت من أول
أو ذكرتني على الاقل أصرف أنا

وهو : نفس السؤال رجع لي

تأكدنا أن هالنقاش مامنه فود ( فائـدة )
ورضينا بالامر الواقع ..

الآن كل تفكيرنا يصب على كيفيـة
الحصول على الفلوس ..

لندفع قيمـة البنزيـن الكافي
لإصالنا الى مدينتنا ..

فكرت ابيع جهاز جوالي
لكن الهنود البخيليـن عيووا ( رفضوا )

شراءه ، فكرت ابيع التي شيرت اللي لابسه
والبس الثوب ، وكذلك رفضوا ..

وصلنا لقناعـة انهم
رافضين بتاتاً عقد اي صفقة معنا

الآن رأس مالنا 8 ريال وداخلين على الله
سفطنا منها ريالين لشاي ..

وستـة ريال للبنزيـن
وتوكلنا على الله ..

ومشينا والبنزين الآن تحت النص بشويتيـن
وطبعاً صرت انا اللي متوليّ القيادة ..

وقلبنا على ايدينا خوفاً
من إنقطاع البنزين علينا

مابقى على الرياض الا حدود 30 كيلو
والبنزين تقريباً بيصفــــر .!!

والحمدلله وصلنا لأول محطة في الرياض
وفيها صرافـة بنك البلاد

وهاتك انواع الابتسامات وانشراح الصدر
ونعبي السيارة بنزيــن للاخر

ووصلنا بيوتنا سالمين غانمين
وخذينها درس ماينسى : )


..