~~ (**شــــى مــعـذبـنــى ... تعبت من التفكير**)~~

[Mo0oMo0o]

صحيح ياما ينشوف عجايب الألوان تكون الام بيضا والاب مثلا رمادي غامق او هملايا وبيطلعو الكتن اشكال والوان يعني الجينات تلعب لا تقلقي دام الاب نوع مختلف جدا

^_^ انا قطي كريمي او زي مايقولو مشمشي مع ابيض بس حابه أم الكتن يكون لونها ابيض ولسا حشوف كيف يطلع لون الانتاج بين وبين كريمي وابيض بس القطط اللي تجيني فيها شي بسيط زي ماتفضلتي مثلا عالراس شي بيج او رمادي هادا لأنو اعتقد الأب كمان فاتح جدا وفيه نفس الخاصيه
أنا عن نفسي أحب الألوان الفاتحه جدا بالقطط زي الابيض الكريمي
بس في ناس يحبو يخلطو بس نصيحتي لكي لا تجيبي ذكر ملون فيه ستمية لون كاليكو او تورتيلا لأنو مو دايما الانتاج يطلع حلو وممكن تطلع الالوان مو مرتبه على الجسم فـ انصحك تبعدي عنها

ممكن إذا بيضا تزوجيها من راغ دول مثلا حيطلع الانتاج خورافي جدا ورائع أو هملايا بكل درجاته > الوانه
حيكون كمان حلو بس ممكن يكون احلى شي أحسو اللي هوا الاورانج هملايا لأن الوانو حلوه فاتحه

ممم انتبهي تزوجيها قط لونو اسود وابيض حيطلعو خبيص مو حلو لأنو برضو مو دايما انتاج الابيض والاسود يطلع حلو

سيسي فكرتيني بقطك لودي ماشاءالله لونو مع إنو ابيض وأسود لكن مرتب ماشاءالله تبارك الله جدا مرتب وطالع حلو

بس مو دايما لأنو ممكن يكون جسمو مبقع بالاسود ومايكون حلو شكلو ,

بغض النظر عن الألوان كمان الفيس مهم

أحب الدول فيس يطلع عالكتن خرافي والفلات فيس والمون فيس والهاف بيكي فيس فقط أنصحك كل انتاج يكون مختلف الذكر حيكونو تحف *_* وخرافيين بشكل رائع

ممم وبس هادا رأيي الشخصي أتمنى أكون افدتك ..