تصرف الحية غريب..

[عروس الجليل]

كيفكو شباب وصبايا..

اليوم أجيت بدي احط للحية فأر عنشان توكلو.. لانها صرلها شي جمعتين ما أكلت,
بس ئبل لاحطلها الفار, حطيتلها كاسة مي لتشرب منها, وبعد شوي لمن شربت وراحت عن المي, حطيتلها الفار..
بس اول مرة بشوف هادا التصرف اللي عملتو.. فتحت تمها عالاخر (وما كانت تمد لسانها), وضلت فاتحتو وهي تزحف وكأنها بتشد.. وبالاخر طلعت من تمها مي كتييير,, ورفعت راسها وصارت تضربو شمال ويمين بجوانب الحوض متل المجنونة.. ورجعت مرة تانية تفتح تمها وكمان مرة طلعت مي.. وصارت تلحس من المي اللي اطلعتها.. ورجعت تعيدها وتفتح تمها وتشد بس ما كان يطلع اشي.. ولمن هديت ابعدت عن الفار.. وما عملتو اشي.. بس انا رحت أطلعتو من عندها.


- ليش كانت تعمل هيكا
- وادا هادا طبيعي اللي عملتو, لانو هي اسا كمان بتغير جلدها ؟؟
يا ريت اللي بعرف يحكيلي..





ومشكورين!