تجربتي مع تدريب الكاسيكو ( طريقه المسخره)

[badboy_0_0]

بسم الله الرحمن الرحيم


انا اليوم بسبب تقصيري معاكم ما اعرف ايش اقول لكن ارجو ان تعذروني

انا اليوم راح اقول لكم طريقه التدريب الكاسيكو

( طبعاً راح اختصر شوي )


نبدأ ونقول بسم الله"

اليوم الاول <<<<

طبعاً انا من رحت ويا ابوي اشتري الكاسيكو رحت اكثر من محل واحد و شفت افضل كاسيكو

عجبني من حيث الشكل و العمر و التصفير و شفت كاسيكوات اسعارها يتراوح ما بين 950 ريال الى 7000 ريال

و شفت كاسيكو في محل عمره تقريباً 6 شهور ما يبن فيه ذكر لو انثى كان سعره 2500 ريال
مع القفص و الاكل و انا سألت صاحب المحل اذا كان الكاسيكو مدرب او لا قالي لا
قلت له مروض يعض قالي مو مروض اعض ( يعني شرير) قلت له يتكلم قالي توه يتكلم
قلت له طيب ايش اقول قالي مران ( طبعاً صاحب المحل اسمه مروان و هو توه صغير فما يعرف
ينطق عدل) ((( فجدي صار سعره 2500 لأنه احب يصفر و ينطق شوي)))

فأخذته ومن اول ما عودت البيت قعدت وياه مده لا تقل عن ساعتين و كنت طوال الوقت اطلع فيه طبعاً انا ما حطيت له اكل و ولا ماي( ماء)

و قمت احاول ااكله بيدي و كان في البدايه مو راضي يمسك الاكل و يفلته فقعدت اكل قدامه منقه و احاول احمصه و عطيته منقا و شفته قعد ياكل بعدين جبت له رمان صار اموت عليه و كل الفواكه

صار ياكل من ايدي و بعدين حاولت امسح عليه ببطئ و مسكت راسه و هو خاف مني في البدايه
و بس مسكت راسه كافأته برمان

بعدين قعدت وياه حوالي ساعه و نص امسح عليه و صار ما يخاف مني و بدأت اعطيه ايدي ابيه اعضها ما قام اعضها وصار ما يعضني



اليوم الثاني<<<<<<<<

رحت له من الصباح و قعدت اهدر وياه وااااجد صرت ثرثار خخخخخخ

لكن المفاجأه شفته اقولي رمان فعطيته رمان فعرف الرمان بأسمه كل مايقولي رمان اعطيه رمان

و كل ما اشوفه سوى او بسوي حركه يعني بهز ذيله او برفع جناحه احط اسم الى الحركه

مثلاً الحين انا اقوله كيفك؟؟؟ يهز لي ذيه و يصفر
و اذا قلت له السلام عليكم <<<< يرفع لي رجوله و يفتح جناحه و ينحني لي

اذا شفته قريب بسوي حركه حط الى هذي الحركه اسم بسرعه و قوله بس اسويها كافئه عليها

و بعدين راح تلقاه يسويها من غير ماتقول اسم الحركه علشان يبغى مكافأه ماعليك منه لا تعطيه مكافأه
بس اذا انت قلت اسم الحركه و بعدين هو سواها و عطه مكافئه

طبعاً خلصت من جزء الحركات الحين الجزء الثاني

الجزء الثاني<<<<<<<

رحت له قام عضني عضه مو قويه واجد قلت له عيب و طلعت منه طبعاً انا شلت منه الاكل

و عودت له بعد ساعه و شفته ما يعضني و بعد خمس دقايق عضني فقلت له عيب
و شلت منه الاكل ساعتين و عودته له و كل مايعضني اروح عنه ساعاه زياده عن الساعه الفائته

لين ما فهم انهو كل مايعضني ماراح ياكل على حسب العضه اذا كانت العضه رقم 5 راح اروح عنه و اشيل الاكل مده 5ساعات

انتهينه من الجزء الثاني الحين الجزء الثالث

الجزء الثالث <<<<<<<< (تركبه على يدك)

فيه عده طرائق علشان تركب الكاسيكو او الببغاء على يدك و انا اشوف كثير من الاخوه يستعملوا

طريقه تثبيت رجايل الكاسيكو مابين الاصابع ((( و احس انه يتعذب بهطريقه )))

الطريقه هي اللي انا اسويه افتح له القفص من فوق و احط الخشبه بس اوقف على الخشبه اشيلها و هو فيها

و كل ما انزل الخشبه تحت هو يركب فوق لين ما نزلتها اخر شي و هو ركب اخر شي جيت بقلبها

ماعنده اليه يركب على يدي فركب (((طبعاًً انا جوعته قبل لا اطلعه )))

بس ركب على ايدي اكلته كل الاكل اللي يحبها و رحت وياه في جوله على البيت كله

و طلعت وياه بره في الحديقه و احسه استانس و طبق وياه هاذي الطريقه 3 مرات في نفس اليوم

و صار الحين هو من نفسه يبغى يركب على ايدي

------------------------------------
ملاحظات هامه":")

1_ مو شرط تنفذ الطريقه حرفياً
2_هذه الطريقه مكتوبه بإختصار
3_ اي واحد عنده اي ملاحضه او استفسار احطه اهني و انا اشاءالله رااح ارد عليه
---------------------------------
اسف على الاخطاء الاملائيه و و اي استفسار لو حاجه انا موجود
----------------------------------
تدرو الحين انا 24 ساعه اخلي الكسيكو بره القفص اليوم تفاجأت ماشفته موجود فوق القفص ولا بره القفص

شفته قاعد ادور عني في السرداب علشان يبيني امس عليه و قعدت جنبه و شفته نزل تحت ايدي و يلحسها و قام تسلقني الى كتفي و قعد يلحس ادوني و صرت ابوسه و يلحسني و احضنه

و واااجد اشياء ما احب اطول عليكم


((( ها ابغى ردووووووووووووود)

[عاشق وتر]

أخيراً الموضوع شاف النور

الصراحة ألي انا أشوفه من كلامك أن الطير صار أليف معك لأنك صبرت علية بشكل كبير
وهذي مشكلة اقلب الاعضاء ألي أنا من ضمنهم عدم الصبر على الببغاء
ولي ساعدك كثير صغر سن الببغاء

مشاء الله عليك أسلوبك مع طيرك كان غير عن ألي تعلمتة وألي سمعتة عن تربية الببغاء

أنا بجرب بعض من هذي الحركات على طيري وبأشوف وش يصير

مشكور لك على طرحك

بس ماقلت لنا وش سميتة ؟؟؟؟

[badboy_0_0]

المشاركة الأصلية كتبت بواسطة عاشق وتر

أخيراً الموضوع شاف النور

الصراحة ألي انا أشوفه من كلامك أن الطير صار أليف معك لأنك صبرت علية بشكل كبير
وهذي مشكلة اقلب الاعضاء ألي أنا من ضمنهم عدم الصبر على الببغاء
ولي ساعدك كثير صغر سن الببغاء

مشاء الله عليك أسلوبك مع طيرك كان غير عن ألي تعلمتة وألي سمعتة عن تربية الببغاء

أنا بجرب بعض من هذي الحركات على طيري وبأشوف وش يصير

مشكور لك على طرحك

بس ماقلت لنا وش سميتة ؟؟؟؟

نورت الموضوع بمرورك

و سميته ((( ريكو ))) و صار يعرف نفسه و يعرني و اخوتي و امي يناديها اماااا بصوت عالي من كثر ماينادوها اخوتي الصغار خخخخ

[افريكانو]

هلا مشاء الله عليك طريقتك كانت مميزة وحلوه الله يحفظ لك ريكو مشكووووووووووووور على مشاركتك لنا طريقة تدريب ببغاءك



تفبل مروري

[Xref]

ماضنتي اقدر اطبق طريقتك على ببغائي

لانه من افتح باب القفص يقوم يضرب بجسمه بالقفص و يعور نفسه و يصرخ بأعلى حسه من الخوف
فما بالك لو امد له يدي حتى لو مادله اكل ... بينتحر على الاقل خخخخخخخخخخ

وضع الببغاء حقي سيء جدا بس شكلي اذنات يوم بخربها .. بجيب قفازات و بمسكه و بربطة حول يدي يومين اما يتعود علي او يموت خخخخخخخخخ

[badboy_0_0]

المشاركة الأصلية كتبت بواسطة افريكانو

هلا مشاء الله عليك طريقتك كانت مميزة وحلوه الله يحفظ لك ريكو مشكووووووووووووور على مشاركتك لنا طريقة تدريب ببغاءك



تفبل مروري

مشكوووور على المروور و يحفظك انشاءالله

[badboy_0_0]

المشاركة الأصلية كتبت بواسطة Xref

ماضنتي اقدر اطبق طريقتك على ببغائي

لانه من افتح باب القفص يقوم يضرب بجسمه بالقفص و يعور نفسه و يصرخ بأعلى حسه من الخوف
فما بالك لو امد له يدي حتى لو مادله اكل ... بينتحر على الاقل خخخخخخخخخخ

وضع الببغاء حقي سيء جدا بس شكلي اذنات يوم بخربها .. بجيب قفازات و بمسكه و بربطة حول يدي يومين اما يتعود علي او يموت خخخخخخخخخ

والله تراه مو بس حقك حتى حقي كان جدي لكن انت خلي ايدك في القفص شوي على الخشبه و بعدين هو راح يتعب و غصباً عنه راح ينزل و بعدين شويشوي تقرب له و هو يمكن راح اخاف في البدايه لكن بعدين مراح اخاف

[Xref]

بجرب هالفكرة و احط يدي بالقفص حقه
بس المشكلة اللي عندي عنييييييييييييييييييد الى اليوم يصارخ كل ما احط وجهي قدام القفص حقه
و من ابعد عنه مسافة تزيد عن مترين تشوف الوضع عنده عادي يلعب و يصفر ما كأن فيه شي

[يعقوب افريقي]

السلام عليكم ورحمة الله

في البداية انا أقول ان كلمة ( مسخرة ) تقلل من احترام هذا المنتدى يعني لأننا في هذه المنتدى الواحد يترفع شوي عن هذه الكلمات المتدنية لأنه لوكان تدريب الببغاء مسخرة لما ُسخر هذا المنتدى والقائمين عليه هذه الجهود في التعليم والتدريب والجهد الكبير في ( مسخرة ) ...

ارجوا من اخواني واخواتي القراء الترفع عن هذه الكلمات وبالنسبة للعضوء صاحب الموضوع او الكلمة تعديل هذه الكلمة والبحث عن كلمات اجمل وانقاء وارفع ....

اما بالنسبة لطريقة تدريبك فهي ليست بالجديد وأنما طائرك الله يخليه لك هو المختلف تقريبا فالمعروف في علم الببغاء والمدربين المحترفين انه لايمكن تدريب ببغاء متوحش في يومين كما ذكرت وخاصة أن طائرك كما ذكرت تكلم في اليوم ثاني فقط وخاصة أنه ربط الكلمة بالموقف والحركة بالكلمة انا لا أكذبك ابدا ولكن اقول يا أن طائرك هذا شديد الذكاء او أنه طائر متدرب اصلاً ومرت عليه ضروف صعبة او معاملة قاسية تحول بعدها الى متوحش ولما احس منك المعاملة الممتازة احبك ورجع الى وضعه السابق مع العلم انا الببغاء عادتا يبدا الكلام في الشهر 8 من عمره بعد التدريب الجيد ....

آسف على الاطالة وشكرا .

[الكروان الاسود]

ما شاء الله طيرك ذكي جدا الله يحفظ لك ويتربه بعزك ,والقصه الي حكيتها تشبه قصتي تقريبا .

تقابل مروري.