قطوتي توحشت

[banotat_dxb]

السلام عليكم ورحمة الله ..

مثل ما مبين ف العنوان

انا عندي قط شيرازي مهجن مع أمريكي
ذكر

عمره 3 شهور هو ماكان يعض وكان وايد كيووت ولعوب معاي

لما كان عمر شهرين وديته للتطعيم ورد البيت ولا جنه فيه شي

بس المره الثانيه اللي وديته وعمر 3 شهور

الحين راد البيت ولا كأنه القط مالي
كله يعض ومتوحش ومايحب حد يلمسه ولا إيي عندنا

الحين صار له على هالحاله إسبوعين

حاولت معاه كل الطرق مب عارفه شسوي =(

تعبت

[sisi_moon]

التطعيم يقلب مزاج القط لمده يوم ولا يومين بالكثيير

..

اانا اتوقع ان بس من نشااطه الزايد هالفترره

لان القطط بهالعمر تكون نشيييطه و لو تلعبها لعب خفيف قامت تعض

لان دام تعاملكم وياه ماتغير وتوه صغير وكل شي اوكي .. شاللي يخليه يتوحش

انتي بس لاتتعاملين معه بعنف

واكليه بيدج وامسحي عليه وقت مايكون نعسان وبتشوفين انه حبووب مايسوي شي

[آنـــــو]

لا ماعليه أن شاءالله بيرجع مثل أول بس لعبيه بخفيف وأجلسي معه وأفضل وقت أنك تشيلينه وتمسحين عليه
هو بعد ماياكل لأن القطط بعد الأكل بتنعس ويصيبها خمول .. فـ حاولي معه

[عاشق الجنان]

الحل بسيط ياختي

القط اذا كان متحوش او خايف لا تلمسيه ابدا ابدا خليه لوحده


ولا تجلعي احدا عنده يزعجه اذا كان عنده اطفال او ازعاج الناس خليه في الغرفه لحالة لايخرج خليه عندك كي يعرفك جيدا لان القط يريد له صاحب معين يتعلق به

واذا قدمتي له الطعام قدمية من بعيد وتكلمي معه بصوت خافض عند اقدام الطعام لان القط يفهم يحتاج الى شخص يتحدثه
واذهبي عنه وتركيه يلعب لوحده الى ان يجيك وا يكون لطيفا معك

ثم افتحي له الباب ويخرج هو لوحده بدون ان يشيله احد او يتعرض له احد وهكذا حتى يتعود القط ثم يكو ن اليفا طيبا

وهذه المعلومية اختصار من المصدر الحقيقي لكيفية تربية القطط الخايفة والمتحوشة

ونريد ان نعرف ذاا كان القط تغير