ببغائي طار لأ ما طار

[ابولمعه]

احكي لكم قصة حصلت معي يوم الجمعة
انا ببغائي سمسم من نوع كاسكو عمره تقريبا 7 شهور متعود من فتره طويله على الستاند وما يدخل القفص ويوم الجمعه الماضي قررت اطلع البر مع الاهل واخذ سمسم معي عشان يستمتع بالطلعه ولا يقعد بالبيت لحاله وحطيته بالقفص واخذته معي - طبعا كان متضايق كثير من القفص واحس انه بيقول ليش تحطني بالقفص وانتم لا انا مثلي مثلكم ونزلته بالبر بالقفص وكان متضايق كثير ويحفر بقاع القفص وصراخ وشوي حسيته بينتحر لو بيده سكين.
انا قلت بفتحله القفص عادي يطلع برا لاني قاص جناحه من فترة شهر عند واحة الحيوان وسبق اخذته برا وطلعته وما طار المهم بعد مطلعته برا القفص بشوي لقيته يطير بانخفاض فقلت الحين بيطيح على الارض لكن الرجال شد حيله وشوي شوي ارتفع وطار عالي وابعد عن المكان طبعا انا كنت مصدوم وفاتح عيوني ومو متوقع هالشي وكنت اراقبه عشان اعرف باي اتجاه بيروح لكن سمسم عمل حركة دوران ورجع باتجاهنا وقبل ميوصلنا بمسافة نزل على الارض فقمت ركبت سيارتي واتجهت له وكنت خايف انه لما اقرب منه يطير تاني لكني تفاجئت اول منزلت من السيارة انه جاني يركض على رجليه وطلع على يدي وكان مثل الطفل الضايع والي لقا اهله
طبعا اخذته ورجعته القفص وكنت اهاةوه واقوله يا خاين يا غدار ما توقعتها منك والغريب انه جلس يمكن 3 ساعات ما فتح فمه وما تحرك وكانه صنم لدرجة ان اهلي يضحكون يقولون شكله حاسس بغلطته وماله وجه يتكلم

الحمد لله رجع سمسم وباخذ حذري المره الجايه اني بربطه بسلك السحب حق السيارات عشان اذا قرر يطير يسحب السيارة معه

[Unbelievable]

ماشاءالله أحسدك على هالكاسكو هذا معناته انه ممكن يتعلم يطير ليدك ففترة قصيرة..

والله يخليه لك وتتوفق فتربيته وتدريبه..

[ابولمعه]

شكرا اخوي على الرد
انا الحين اذا دخلت البيت اصفر له يطير على يدي وارجعه الستاند واصفرله يطير تاني مع العلم اني ما اقعد معاه الا قليل باليوم

[أبو ريـــــــــــــان]

الحمدلله انه رجع ولا تعودها مرة ثانية لاكن هذي بتنفعك تعلمة يطير من القفص ليدك

[طير حر]

اخوي
هذي كاسكو والا شاهين ؟ هههههههه
حاسب عليه تراه طير فضولي ويطير لسبب وبدون سبب

[أبو الوليد]

هذا كيف تدربته

[ابولمعه]

اخي ابو الوليد
لا اقول لك اني خبير بتربية الببغاء بل هذا الببغاء يعتبر اول طير وله عندي فترة شهرين وشوي وكنت شريت قبله متنة صغيرة وماتت مباشرة
لكن اخي الطير تعلق فيني لدرجة كبيرة وخصوصا بعد معلمته يطلع على يدي وصار يحب يطلع على كتفي واتجول فيه وطبيعي ان شافني يحاول يطلع على يدي فكنت امد يدي له من مسافه قريبه واحفزه على الطيران وفعلا طار ومع الوقت بديت ابعد يدي شوي اكثر ونفس الشي يطير ليدي
اعتقد اخوي انه مجرد الطير يتعلق بصاحبه كل شي ممكن يسويه

[نوانو]

السلام عليكم
اول شي اقول حضك حلو الأنه رجعلك اطير عقله في جناحه
انا عندي طير جلس سبع سنين طارمني وناديه ملتفتي

[سكون الليل]

ماشاء الله
زين اللي رد لك
الله يحفظه لك

[عازف الكيبورد]

أخوى من الافضل قص جناح الطائر لن الطائر حتى لو كان مدربا أحينا من الفزع يطير


وذا طار ما راح تشوفه لن تعبير عن الخوف والفزع فكلما حلق بلجو أزداد خوفه وزداد

طيرانه