مشروع جديد لتفريخ الكوكتيل بالصور

[Mr. MeMo]

اعضاء المنتدي الكرام

اضع بين ايديكم مشروعي الجديد لتفريخ الكوكتيل ( وايت فيس )

لقد اشتريت جوز كوكتيل وايت فيس ( منتج ) قبل اسبوع تقريبا من البحرين و هربتهم الي السعوديه و كان فليم اكشن في جمارك السعوديه بس ما راح اقولك القصه عن الفشيله

طبعا و اجهت مشكله في اول كم يوم مع الذكر حيث جاته حاله اسهال اكرمك الله وذلك بسبب تغير الطعام و المكان بس الانثي ما شاء الله و لا جاها شي بس بطلو ياكلون اول يومين بس اللحين ماشاء الله ما عليهم ياكلون و مرتاحين بس يحتاجون شوي اهتمام و انا مو مقصر معاهم

هذه صوره القفص من قريب ( قفص كبير متعوب عليه


و هذه صوره القفص كامل من بعيد طبعا تلاحظون اني حاط سعف نخل فوق القفص عشان يبرد عليهم اشعه الشمس و يسوي جو شاعري شوي



وهذه صوره جوز الكوكتيل ايش رايكم حلوين ؟؟؟؟


و هذا الذكر شكله احلي من الانثي صح؟؟؟؟


هذي الانثي
http://www.ir11.com/File/1148101764.jpg

و هذي صور عشوش التفريخ حاط اثنين عشان يختارون اللي يعجبهم


انشاء الله تكون عجبتكم الصور واللي عنده ملاحظه او سؤال او اقتراح لا يبخل

[الرحال2222]

اولا مبروك عليك الطيور جميلة ماشاءاللة عليها

ثانيا كيف هربتها وكم سعرها بالبحرين

ثالثا لازم يكون القفص كبير لاني شاري جوز منها وقفصهم كان مرة صغير لاكن مليان بيض
يوم اخذتهم البيض كان مشتت بالقفص
وشريت لهم قفص كبير ووضعت صندوق خشب لهم بس لما شفت قفصك جاني احباط
لازم يكون قفصهم كبير للدرجة ذي مع العلم ان قفصهم الاول مرة صغير وترسوة بيض ممكن
11 بيضة بس للاسف صاحبهم ماكان مهتم فيهم والبيض ملقي بارضية القفص


يارب تشوف عيالهم وتبطل تهريب وتكون موزع محلي معتمد

[Mr. MeMo]

هلا بالرحال

لا مو لازم يكون كبير لهذه الدرجه بس انا مسوي القفص كبير عشان المستقبل اذا كثروا او اقدر افرخ فيه ببغاوات. انا دايم افكر لقدام شوي
وتقدر تفرخهم داخل البيت عادي بس كم حجم القفص اللي عندك؟

[الرحال2222]

القفص اللي عندي مو كبير للدرجة ذي ما اعرف بالظبط بس تقريبا ارتفاعة 90 والعرض 60 تقريبا
بس امس انبسط يوم شفتهم متألفين وبداء التزاوج
قلت ياللة بداية الخير لهم شهر اول مرة اشوفة وقد دخل بها

بس من جد ان حاطهم بمكان مكشوف ما يضرهم بالبرد

[Mr. MeMo]

الرحال

عادي يفرخون فيه لا تشيل هم ( ما عليك القفص حقي ) واذا مسويلك احباط اكسره لك اليوم

بالنسبه للبرد الظاهر انك تقصد التكيف يفترض انك ما تحطهم بشكل مباشر امام المكيف و يفضل ان تلاحظ درجه الحراره ما تتعدي 27 درجه بس بشكل عام الكوكتيل من الطيور التي تستحمل الحراره و البرد و لكن خلك حذر.

[العابر]

ماشاءالله فكره حلوه>>>>>>يستاهلون التهريب
والله حلوين والقفص احلى وزين حطيت سعف يبرد وبعض الناس يحطون الشبك الاخضر مال النبات ويرشونه ماء ايام الحر يبرد
ولكن اخوي اذا تربدتهم ينتجون ولا لازم يقعدون داخل القفص دايما
واي احسن اشتريهم مع بعض
ولا اخذ الذكر وبعد اسبوع مثلا اجيب انثى علشان خبري خبرك
وشكرا
وألف مبرووووووووووووووووووووك

[بوفهد]

الله يعطيك العافيه يا مستر ميمو

وان شاء الله يكبر مشروعك الى ان يصبح مزرعه لتفريخ الكوكتيل

بالتوفيق

[Mr. MeMo]

المشاركة الأصلية كتبت بواسطة العابر

ماشاءالله فكره حلوه>>>>>>يستاهلون التهريب
والله حلوين والقفص احلى وزين حطيت سعف يبرد وبعض الناس يحطون الشبك الاخضر مال النبات ويرشونه ماء ايام الحر يبرد
ولكن اخوي اذا تربدتهم ينتجون ولا لازم يقعدون داخل القفص دايما
واي احسن اشتريهم مع بعض
ولا اخذ الذكر وبعد اسبوع مثلا اجيب انثى علشان خبري خبرك
وشكرا
وألف مبرووووووووووووووووووووك

اخي العابر

مشكور علي المرور و الكلام الجميل بس ماني فاهم سؤالك هل بالامكان انك تعيد السؤال بشكل اوضح في كلمه في سؤالك ( تربدتهم ) ملخبطتني ؟


بوفهد

تسلم والله مشكور الله يسمع منك انشاء الله

[fan]

واااااااو حلو مستر ميمو
وانشاء الله توصل إلى اللي تبغيه انشاء الله وتشوف عيالهم يارب
لكن صحيح خبرنا كم سعرهم؟ بصراحة حمستني وخليتني افكر في تفريخهم طبعا بعد ماأنجح في تفريخ الرمادي اللي عندي.

[Mr. MeMo]

اختي فان

مشكوره الله يسمع منك و نشوف عيال الافريقي و الكوكتيل بسرعه قولي امين

بالنسبه لاسعار الكوكتيل (الوايت فيس) طبعا اغلي من العادي وايضا هم غير متوفرين في محلات الطيور بكثره بس شريتهم 350 ريال من شخص ثقه و ولقد سبق لهم الانتاج عنده

سعر الوايت فيس في السعوديه يوصل احيانا الي 500 - 600 ريال حسب حد علمي