ساعدوني يا جماعة

[رحمه من المولى]

مساء الخير يا جماعة .. أنا صراحة عندي مشكلة وأتمنى تساعدوني .. أنا والله أحب الببغاوات مررررة مرررررة وبالأخص ببغاء المكاو وأنا ودي أشتريلي النوع الأزرق والذهبي بس أنا أبغاه ابن أشهر يعني صغير مرررة بس عندي كم مشكلة ... أول شي أنا ماعندي أي خبرة في التربية بس أنا ودي فيه مرررررررة من جد وثاني شي إن أهلي مش متقبلين الفكرة بس ماعندهم مانع بس أنا راح أشتريه من مصروفي وأنا سمعت إنه غالي مرة بس ماعلي أنا موافقة لو أشتريه حتى بأكثر من ألفين بس أنا مش محصلة وأنا أبغ صغير و كل ما أتصل على محلات الطيور يقولي لا ماعندنا حتى إن هم ما يعرفون اسمه و الأهل كل يقولون لي مافي تاخذين صغير لأن راح يموت وراح تجلسين تبكين عليه وما راح تقولين بس ...... ساعدونـــــــــي الله يخلي لكم طيوركم ... وهل صحيح ممكن يموت وقولوا لي في وين احصله وبكم يكون السعر ....... ما عليه طولت عليكم بس والله أنا من جد متعقدة وبا موت على ما أحصل لي واحد ...... والله يعطيكم العافية..

[NSA]

ادخلي على هذا الرابط وان شاء الله حتعرفي كل شئ عن المكاو

http://www.2zoo.com/vb/showthread.php?t=45943

وياريت تحددي انتي من اي مدينة عشان نقدر نساعدك
وعلى فكرة اسعار المكاو اكثر من الفين
ممكن توصل من 6_8 آلاف وممكن اكثر
ومثل ماقالوا اهلك لاتاخذي صغير مرة لانه اذا كنتي مبتدئه ممكن يموت وممكن يموت على ناس خبراء
اذا اخذتي صغير اهم شئ يكون يعتمد على نفسه في الاكل

[رحمه من المولى]

مشكور أخوي على الرد والله يعطيـــــــــك ألف عافية , وأنا من الشرقية بس ما قلتلي إذا أبغ واحد يعتمد على نفسه في الأكل كم يكون عمره ؟؟؟؟؟ مع ألـــــــــــف شكر ويعطيك ألــــــــــــــــــــــــف عافية مرة ثانية ...

[أبو ريـــــــــــــان]

أختي تقدرين تجيبينة من البحرين ارخص لك بس ماراح يكون سعرة اقل من 5000 ريال وعمر الفرخ المفطوم اللي يعتمد على نفسة في الاكل من عمر 4 شهور فما فوق اما سعرة بالشرقية او بالسعودية عامة بحدود 7000 إلى 9000 ريال

[NSA]

اختي انتي اقري الرابط وحتعرفي كل شئ
اما بالنسبة للعمر الذي يعتمد على نفسه في الاكل مثل ماقال الاخ (ابو ريان) 4 شهور وفوق
بس ما اعتقد انه ممكن تدخلين الطير من اي بلد الى السعودية لانه ممنوع

[أبو ريـــــــــــــان]

بس ما اعتقد انه ممكن تدخلين الطير من اي بلد الى السعودية لانه ممنوع

كلامك صحيح أخوي بس في طريقة سهلة جداً انا دايم اتبعها وفية كثير غيري ايضاً وهي لما تشتري الطير يحطونة لك في كرتون صغير فية عدة فتحات علشان الطير يقدر يتنفس وينحط تحت السيت واحلى حاجة انه مايطلع صوت ابد طول الطريق وغير كذا لما يكون معاك حريم بالسيارة مايخلونهم ينزلون يعني سهالات أسأل مجرب

[رحمه من المولى]

مشكور يا أبو ريان مررررررررة والله فكرة حلوة ويعطيك العافية ..
أخوي NSA مشكور عالرابط ويعطيك العافية ..
بس سؤال أخير { طولتها عليكم صح } هل إن من الممكن إن يموت علشان الجو عندنا بالشرقية مع إن أنا ما راح أحط برا أبــــــــــد راح أخليه داخل البيت وبغرفتي كمان ..
ورمــــــــــــــــــــــــضــــــان كــــــــــــــــريــــــــــــــــــــــم على الكل ..

[NSA]

والله المكاو من الصعب وضعة داخل البيت لان صوته مزعج وقوي جدا وحيكرهكم في البيت ههههههه
بس على الجو فخلي الجو معتدل مو بارد ولا حار

[كوكاتيله]

إختي الكريمة
ما في أي مشكلة إنكِ
تحطيه في البيت ولكن
إذا كان في غرفتك مكيف
ما ينفع تحطي الطائر
فيها حتى لا يمرض من
البرد والأفضل تحطيه في
مكان فيه مروحة بس
حتى ما يكون برد ولا حر
والله يوفقكِ

[رحمه من المولى]

كوكاتيلة .. مشكورة والله يعطـــــــــــــــيك ألف عافية وتقبلي خالص تحياتي ..
أخوي NSA مشكور على الرد ويعطيك العافية .. وإذا على الإزعاج ما عليه أنا ودي يزعجني اليوم قبل بكرة بس المهم أحصل عليه وخليه يصارخ ليل ونهار معليه بس يجي .. على فكرة أنا كنت بسألكم إذا تعرفوا محلات بالبحرين تبيع المكاو الأزرق الذهبي بعمر أربع شهور أو أكثر بشوي وياريت الموقع بعد لأن أفكر أشتريلي من هناك .. { ما علية زهقتكم وطفشتكم بكثر أسئلتي بس معليش عذروني ما عندي غيركم والله يجزاكم ألـــــــــــــف خــــــــــــير ويحفظ لكم طيوركم يا رب آمين .. وادعولي رب يرزقني بطير الحلال اللي أبغاه ( حشا عريس مو طير هههههههههههه ) يللا معليش وعذروني على الإطالة } ..