أبغى أفهم ايش اللي يصير

[*_*nalo*_*]

السلام عليكم

أنا جديدة على تربية الهامستر
والحين ما ادري ايش اللي يصير أبغى اتصرف بس ما ادري ايش اللي يصير وايش اسوي أصلا

انا شريت هامستري قبل اسبوعين والأسبوع الأول كنت دايما أخرجهم لكني بديت ما أخرجهم بعد ما حسيت انو الأهل اضايقوا لكن بعد كذا الهامستر خلاص ما صار يفكر إلا في الخروج يلف ويدور بالقفص إلا يبغى يخرج وصاروا دايما يعضعضوا في القفص أنا أعرف انوا هذا معناتو انهم حاسين بالملل والضجر حتى اني حاستهم مرة نحفانين فايش اسويلهم ؟ما صاروا يفكروا في حاجة قد ما يفكروا في الخروج لدرجة الأكل كمان ما صاروا ياكلوا الين صاروا زي ما قلت نحفانين بالرغم اني احطلهم الأكل 24 ساعة وأنا احطلهم الأكل الجاف حقهم ومرات اديلهم حاجات تانية لكن ما أحطى في الصحن حقت الأكل

وفي حاجة تانية هامستري من ناحية البطن مرات بتتصلع لكن بعدين بيطلع تاني والحين جالهم الصلع مرة تانية علما انا لما اشتريتهم في اليوم التاني اتصلعوا لكن بعد يومين طلعلهم الشعر ومرات مو من جهة البطن لا من عند الرقبة

عارفة اني تقلت عليكم بس ايش اسوي انا خايفة انهم يموتوا عليا