مأساتي مع طيري المغرد "الكناري"

[راعي الرخويات]

السلام عليكم ورحمة الله وبركاته..

كيفكم وشو أخباركم

اليوم حبيت احكيلكم ئصة وفاة كناري اللي حدست من 4 سنين تئريباً

المهم بيوم من الأيام
كنت نايم الصبح .. فئمت فجأة كانوا ماما واختي راجعين من مطرحون ..
لئيتون جايبين كنار حلوووووو كتير وبيجنن .. بس ماكان عم يغرد..
فسألت ماما إلتلا ليش جبتيه ما بيغرد ؟
آلتلي انو هونيك كان طول الوئت عم يغني ويغرد ويصفر .. بس لما إجا عنا استغرب واستحى ..
فالمهم مرت الأيام وصار يصفر صفيير ماشاء الله عليه .. كان خطير ..
كل ماحدا يجي يزورنا يجن عليه وعلى صوتو الرائع ..
يومها اجا زوج اختي من السفر وشافوا .. جن فيه وبصوتوا ..
آل انو هالعصفور حرام يكون لحالو.. خلينا نجيبلو واحد تاني ..
المهم رحنا تنجيب كنار تاني من سوء الحمام ..
يومها جبنا عصافير كتير غير الكنار
وئتا الكنار التاني كان مشرد .. يضلوا ينتف بحالو وينزل دم من لحمو وصوتو نشاز × نشاز
وكنارنا الأديم يضل يخاف منو لما نحطلون الأأفاص جنب بعض ..
ومرة حتى لئيناه فاتح باب الأفص وعم يطير ..
..
المهم مرت الأيام ومات الكنار المشرد..
وانا من هيدا اليوم زاد تعلئي بالكنار الأديم اللي بيغرد.. وصار بيحبنا كتير وتعود علينا
كنت ضلني إلا لماما بدي إمسكو بس كانت تمنعني
فمرة كان البيت فاضي .. رحت طلعت لعندو وحاولت امسكو بس صار يعضني ويرفرف
يعني ما خلاني امسكو..
وكلنا كنا نحبو .. حتى ماما اللي ما بتحب الحيوانات صارت تموت عليه وتطعميه بإيدها
..
مرت الأيام وصارلو يومها عنا حوالي سنة تئريباً
زارتنا وحدة حسودة الله يبلبص عيونها .. وسمعت صوتو عم يغرد
آلت ياعين شو جايبين كنار ؟؟
وراحت تتشوفو
وشافتو .. وصارت كل يوم تيجي لحتى تشوفو وتسمع صوتو الخيالي ..
راح والله العظيم انعطب !!
وسهل ومرض وما عاد يطلع صوت نهائياً
ويضلو نافخ ريشو وتعبان..
وئتها بابا راح وداه عالبيطري عطول وكلنا كنا خايفين عليه..
ويومها كنت عم بلعب نيمو شريط البلايستيشن
ورجعوه وآلوا لبابا انو لازم نطعميه سيريلاك الأمح بالإبرة ..
وفعلن ماما اتبعت أوامرون ..
بس للاسف بعد كم اسبوع من هالحالة ..
كنت آعد عم بلعب تومب رايدر بالليل .. اجا أخويكان طالع من المطبخ و وشو أصفر وآلي الكنار مااات
أنا هون ما بعرف شو صار فيني .. رحت فتت نمت عطول وأعدت اتزكرو .. واتزكر أيامو
يالله وئتها شو انحرئ دمي عليه ..
وئمت تاني يوم الصبح لئيت الكل حزينين ..
ومرلو كم يوم وئلت لماما شو رأيك نجيب واحد تاني عشان ما نحس بفراغو ؟؟
آلتلي التوووبة .. عشان ما نرجع نتعلئ فيه ونحبوا ويرجع يموت ..
من وئتها حقدت عليها حقد للحسودة ودعيت عليها دعاوي ..
استغفر الله منها !!
..........
عشان هيك بنصح كل اللي عندو كنار نشيط وحلو أو أي حيوان مغرد .. يحاول يحافظ عليه ويبعدو عن الحسودين
بس عشان تاخدوا العبرة

[Bruce]

شكر على القصصصصصصصه الجميله ليش ما جبت بداله ديك رومي؟

[m.m.m]

مشكووووور

[The black knight]

قصة مؤثرة فعلا ...............................
الله يعينك ......................................................

[The black knight]

قصة مؤثرة فعلا ...............................
الله يعينك ......................................................

[khaledinho110]

الله يعوضك باحسن منه بكثير تقبل مروري

[kingofbirds]

يالله .. اخي عندما تربي الطيور يجب ان تعرف ان هناك حياة وموت .. وبصراحة هذا كناري جميل جدا وممتاز ان يتدرب .. اخي اشتر اي طير صغير وقم بتربيته وستراه غالي عليك .. ولو راح احكي معك قصة ببغائي الدرة لتغرغرت عيني من الدموع على شدة الفراق ... اذا اردنا تربية طير صغير يجب ان نعلم انه لابد انه سيأتي يوم ويموت .. الحمدلله على كل حال ..

[راعي الرخويات]

bruce
هههه لا ما انا عندي ديك رومي عشان هيك ما جبت واحد بدالو ..

..
ممم العفو ولو

..
البلاك نايت ..امبين عليك حساس ..
وشكرن لتأثرك بئصتي ..
..
خالد.. ان شاء الله بس صراحة كرهت العصافير..
وتئبلت مرورك
..
كنق اوف بيردز .. كلامك فعلن مزبوط .. وكل شي بهالدنيا رح يموت..
وشكرن لمرورك

..

[ظافر عبد الرؤوف قدرى]

ربنا يرحمه ويعوضك بداله

[jordanlion]

خلص انا بعطيك واحد بندوق برزياني مفتل لونه ابيض

بس صوته اللهم لاحسد

بصحي الجيران