البت بوول لا يصلح للحراسة!!!

[بو نايف]

السلام عليكم ورحمة الله وبركاته
إخواني ذهبت اليوم لأحد باعة الكلاب في البحرين وكنت أريد الإستفسار عن الجيرمن والبت بوول
ولكنه سألني ماذا أريد بالكلاب فقلت للحراسة فقال البت بوول لا يصلح أبداً للحراسة والبت بوول لايهاجم البشر إنما فقط يهاجم الكلاب بما معنى أنه لن يهاجم اللص في حالة دخوله المنزل
ونصحني بالجيرمن وأكد على فعالية الروت وايلر وإنه شرس جداً مع البشر بعكس البت بول الذي يكون شرس فقط مع الكلاب
فأنا قد وضعت بين أيديكم كلام الرجل أو معنى كلامه والموضوع للنقاش فمى رأي الأعضاء وخبراء الكلاب المذكورة في ما سبق ذكره حتى تعم الفائدة على الجميع وأرجوا عدم الإنحيازية وجزاكم الله خير

[majo0ode]

والله من ناحيتي سمعت نفس الكلام
انه البت بوول ما يهجم الا ع الكلاب بس
وانا صراحه من ناحيتي ما ادري هل هذا الكلام صحيح ولا لا

[BHR]

اخوي بعيطك الزبده مب على الجلب على التدريب حتى لو كان جعيري وكلام الريال البحرين مب صح

بعصب عليه KILLER لانه قال عن البتبول جذي

[dirty luck]

المشاركة الأصلية كتبت بواسطة BHR

اخوي بعيطك الزبده مب على الجلب على التدريب حتى لو كان جعيري وكلام الريال البحرين مب صح

بعصب عليه KILLER لانه قال عن البتبول جذي

لووووووول اي والله بيعصب كيلير ههههههههه

(( اخوي معلومات راع المحل غلط انا عندي بت بول نافع للحراسه والحمدالله البت بول يعتمد عالتربيه ان انت تبي تسوي مجاول يستحيل انه يكون بت بول حراسه لاكن ان عزلته عن البشر راح يكون اشر من ما يمكن وقوي وحراسه وكل شي ولله الحمد بت بول يحرس وفكه قوي يعني ابي حرامي يدش بيتنا انا ادوره اقوى فك بالعالم البت بول يعني لي مسكه الحرامي ما هده :d وانا ما اقول البوليسي مو زين اكيد زين بس انا اقول كلام الرجال غلط يمكن البت بول اهو بس جذي كلام يقول عنه بس عشان يبي يبيع مسرع البوليسي ))

وتحياتي اليك

واتمنى انك فهمت كلامي عدل

[hisham_D]

هو صح كلام راعي المحل اذا كان الباتبول مو متدرب على العض فهو مايعض اوادم بس الجرمن افضل الباتبل من عض الحرامي يعني بتدفع ديه لول الجيرمن بيعوره بس

[LORDROOOBIN]

اخوى انا انصحك بالدوبر مان لانه جيد جدا للحراسه اما بالنسبه لل بت بول فهوا كلب شرس جدا
مع الكلاب و مع الانسان بس لازم فى اى حاله من كل الحالات تدريب جيد و القرار ليك
فى الاخر وانشاء الله ربنا يوفقك

[الشندو]

الموضـــــــــــــــــــــــــــــــــــــــــووووووووع كله في التدريب بدرب الكلب على شي بسويه
وانا عندي البيت بول احسن كلب

[BEBO 14]

الكلام ده صح لأن البتبول يستخدم في معارك الكلاب اما الجيرمن فللحراسه..

[killer]

والله يا شباب هاكم كل هالفيديوات واحكمو بأنفسكم

وهذي كلام يطلقونه اعداء البتبول علشان يشوهون سمعته ذلين الي قالو هالكلام مولفين البتبول على الناس وقالو انه ما يهجم بالعكس البتبول غيور وومايرضة على مملكته وراعيه

والبتبول لين عض اليد ما يترك ابدا والله العظيم وانه جايف بنفسي


http://www.youtube.com/watch?v=9FUbIAHmG4A


والي يبغي فيه مزيد من الفيديوات

[killer]

ياخي البتبول استاذ في الشراسة وهاكم صور تسكتكم كلكم

هذي الصورة مطلعها من فيديو لما حاول انه يصطاد البتبول وصار الي صار



اولا هذي صورة حق التدريب


وتعالو فريجنا في البحرين وانا اوريكم شلون البتبول ما ينفع حق حراسة