ثعباني يهجم علي !! الرجاء المساعدة

[صاحبة وفا]

السلام عليكم وحمة الله وبركاته

صار 3 أسابيع وهو عندي وكل يوم اقعد معاه شوي اشله شوي وبعدين أرجعه الحوض

وكل يوم يوم أتقرب من الحوض ويشوفني يتنفس بطريقه غريبه يعني يوم يتنفس ينتفخ جسمه

مب كأنه يتنفس عادي فأكتشفت أنه يتنفس بهالطريقه أستعداد للهجوم يوم قربت زيادة من زجاج الحوض نقز علي وحاول يعضني تقريبا 7 مرات من دون مادخل ايدي فالحوض !!

فهل في طريقه لترويضه ؟؟!!

للعلم نوع الثعبان اللي عندي أصله ملكية وصغيرة يعني تاكل فار صغير مب البيبي لكن صغير

[هاوي ثعابين]

خلي الحوض في مكان يشوفك فيه طول الوقت و لا تحاولي تشلينه و اذا قربتي من الحوض حاولي ما تتحركين بسرعه او تحركين يدك على الحوض و مع الوقت انشالله بيهدا تقدري تشيليه

[بحريني رومنسي]

بس في شي غرييب!!
انتي بنت وتربين ثعباان!!
والله انجق قويت قلب!!
والله يخليه لج وسويي مثل ماقالج اخوي1!! وانشالله كل شي بيتعدل!!
وتحياتي العنيفه لك وسلملمـــــــــــ،،،

[madrule2002]

كلام هاوي الثعابين صح نعم لاكن ايضا استفسار بسيط ما هو حجم الحوض ، الموقع ، هل هناك اطفال يحاولون النظر ولمس الحوض وهل هناك قط ام كلب في المنزل

[صاحبة وفا]

حجم الحوض كبير يعني مناسب له وحطتنه فوق الطاوله ةعلى زاوية يعني انا متأكده ان القطاو مايقدرون يوصلون له ومحد من اليهال يقرب من الحوض لانهم يعرفون اني بذبحهم

[LiMiTeD]

كلام هاوي صحيح وبالنهاية الثعبان خايف منج

[الخيّال]

كلام الاخوان صحيح ولكن انا عن نفسي انصحك بتغيير الثعبان لانة حتى بعد الترويض يكون غير مضمون وممكن يهاجم فجاة حتى لو كان هادئ

وهاه لا تنسين غيرية بس مو تتركين تربية الثعابين

[LiMiTeD]

مو لازم تغيرينه شيليه بين فترات مو بعيده على شان يعرف انه هالحركه مو خطر عليه

[مربي_تماسيح]

كلام اخوي لمتد وهاوي صح الثعبان سبب هجومه الاذيه او الازعاج يومكن يكون في احد غيرج او اخوانج الصغار يكونون يأذونه فا حرصي على هالشي وكفو والله عليج بكونج بنت اتربين هالحيوان


وشكرا

[صاحبة وفا]

يزاكم الله خير على المساعدة لكن نحن ماعندنا يهال فالبيت غير عيال اختي اللي ايونا بالسنه مره

يعني محد يبهدله .. وأهم شي الحمدالله أنه بعده عايش عندي لان المره الاولى اللي ربيت فيها

مات أظني كان مريض وهذا الثاني والحمدالله الحين قاعد يغير جلده وهذي ثاني مره

لكن خوفي يكبر ويتم على هذي العاده لوووووووول بيستوي فبيتنا فلم الأركوندا هههههههههههههه

وان شالله اليوم بروح أشتري بعد عنكبوت الكبير المشعر