بنتي تبي قطه وأنا محتار

[قطو عود]

السلام عليكم ,,

عندي بنت عمرها 8 سنوات وصار لها شهر تزن تبيني اشتري لها قطه وأنا كل مره أقول لها يصير خير ... الى أن جت في يوم وقالتلي متى الخير بيصير

الصراحه أنا خايف من 5 أشياء قالولي عنها في القطاو:

1- خايف من الحساسيه والأمراض اذا بتسببها لأهل البيت.
2- مادري أي نوع قطه أجيب لها والعمر وشنو نوع الأكل.
3- طريقة ألله يعزكم الحمام للقط والروايح .
4- تخريب الأثاث ومن راح يقص أظافرها كل مره.
5- وأذا جيه وقت التزاوج وين أوديه ..........

أتمنى الاقي رد على هذي الأمور وبعدين يصير خير

مشكورين
أخوكم قطو عود

[oOعبودOo]

هلا والله اخوي

بالنسبه للقطط صراحه تربيتها صعبه للي ما يحبها

اما الي يحبها كل شي يهون

البسس للصغار انصح انك تقتني وحده كبيره عمرها على الاقل 8 شهور مطعمه لانها اكثر تحمل وتعتمد على نفسها

وان شالله تكبر بنتك وتكتسب الخبره وبيصير عندها صغار من البسه الكبيره وتقدر تربيهم

اما عن الاظافر في مقصات خاصه سهل تسهل قص اظافرها وبالنسبه للحمام حط كم حوض فيه تراب في جهات مختلفه عشان القطوه تاخذ راحتها

وبالنسبه للنوع مو مشكله اي شي يصلح


وهذا الي عندي

[قطو عود]

المشاركة الأصلية كتبت بواسطة oOعبودOo

هلا والله اخوي

بالنسبه للقطط صراحه تربيتها صعبه للي ما يحبها

اما الي يحبها كل شي يهون

البسس للصغار انصح انك تقتني وحده كبيره عمرها على الاقل 8 شهور مطعمه لانها اكثر تحمل وتعتمد على نفسها

وان شالله تكبر بنتك وتكتسب الخبره وبيصير عندها صغار من البسه الكبيره وتقدر تربيهم

اما عن الاظافر في مقصات خاصه سهل تسهل قص اظافرها وبالنسبه للحمام حط كم حوض فيه تراب في جهات مختلفه عشان القطوه تاخذ راحتها

وبالنسبه للنوع مو مشكله اي شي يصلح


وهذا الي عندي

مشكور أخوي على ردك المفيد

[!شاربه بيبسى ومدلعه نفسى!]

- خايف من الحساسيه والأمراض اذا بتسببها لأهل البيت.
فى تطعيم مخصص لهذه الاشياء بخمسه وعشرون جنيه مصرى
2- مادري أي نوع قطه أجيب لها والعمر وشنو نوع الأكل.
تجيب لها احلى شئ قطه شيرازى مون فيس بيضاء او ابيض فى مشمشى هذا الى تحيه البنات عمرها لا يزيد اطلاقا عن الخمس شهور والافضل انه يكون شهر ونصف بالظبط3
- طريقة ألله يعزكم الحمام للقط والروايح .
تعودها على الحمام او تجيب لها الى يقولون عليه الرمل الصحى بس غالى شوى ممكن تجيب بداله رمل عادى وتحط عليه بيكربونات
4- تخريب الأثاث ومن راح يقص أظافرها كل مره.
ممكن تجيب لها قصافه مخصصه بالقطط لقص اظافرها
او ممكن تسوى لها عمليه نزع اظافر ما تطلع اظافرها ابدا
5- وأذا جيه وقت التزاوج وين أوديه ..........
جيب قطو ذكر
ما يتزاوج الانثى فقط هى الى تتزاوج

[قطو عود]

المشاركة الأصلية كتبت بواسطة !شاربه بيبسى ومدلعه نفسى!

- خايف من الحساسيه والأمراض اذا بتسببها لأهل البيت.
فى تطعيم مخصص لهذه الاشياء بخمسه وعشرون جنيه مصرى
2- مادري أي نوع قطه أجيب لها والعمر وشنو نوع الأكل.
تجيب لها احلى شئ قطه شيرازى مون فيس بيضاء او ابيض فى مشمشى هذا الى تحيه البنات عمرها لا يزيد اطلاقا عن الخمس شهور والافضل انه يكون شهر ونصف بالظبط3- طريقة ألله يعزكم الحمام للقط والروايح .
تعودها على الحمام او تجيب لها الى يقولون عليه الرمل الصحى بس غالى شوى ممكن تجيب بداله رمل عادى وتحط عليه بيكربونات
4- تخريب الأثاث ومن راح يقص أظافرها كل مره.
ممكن تجيب لها قصافه مخصصه بالقطط لقص اظافرها
او ممكن تسوى لها عمليه نزع اظافر ما تطلع اظافرها ابدا
5- وأذا جيه وقت التزاوج وين أوديه ..........
جيب قطو ذكر
ما يتزاوج الانثى فقط هى الى تتزاوج

معلومات قيمه ... شكرا جزيلا .

[غزل]

يا أخي الكريم بقولك نصيحة

اذا أنت فعلا ناوي انك تجيب قط لبنتك فلازم أحد كبير يتحمل المسئولية معاها لان البنت لسه صغيره وما بتقدر تتحمل مسئولية قطه لحالها

يعني اذا كنت انت مستعد للمسئولية أو أمها فجيب القطه أما اذا بتخلون المسئولية على البنت فلا تجيب لها بسه

لان اهي طفله راح تفرح فيها اول الايام بس بعدين وخاصة مع المدارس وهي قريبة وعلى الابواب فما اظن ان بيصير عندها وقت للقطه

اقترح تجيب لها طيور على الاقل مسئوليتهم اقل وبيكونون بالقفص

[همستراويه]

انا راي من راي (غزل)

[قطو عود]

المشاركة الأصلية كتبت بواسطة غزل

يا أخي الكريم بقولك نصيحة

اذا أنت فعلا ناوي انك تجيب قط لبنتك فلازم أحد كبير يتحمل المسئولية معاها لان البنت لسه صغيره وما بتقدر تتحمل مسئولية قطه لحالها

يعني اذا كنت انت مستعد للمسئولية أو أمها فجيب القطه أما اذا بتخلون المسئولية على البنت فلا تجيب لها بسه

لان اهي طفله راح تفرح فيها اول الايام بس بعدين وخاصة مع المدارس وهي قريبة وعلى الابواب فما اظن ان بيصير عندها وقت للقطه

اقترح تجيب لها طيور على الاقل مسئوليتهم اقل وبيكونون بالقفص

والله كلامك مضبوط .... المشكله أن امها تحب القطط بس دايما خايفه من ناحية أمراض الحساسيه وكذا.... الله يعين

شكرا لك

[Dominique]

هلا اخوي

انشالله تييب قطوة وتصير من ربع هالقسم

وهي صاجة مسكينة متى الخير بيصير

قولها يبا الخير باقبال

ييب لها قطوة مون فيس لو اهيا تبي قطوة شعرها طويل وكثيف

او ييبلها سيامية لو اهيا تبي قطوة تلعب وماتوقف لعب


بالنسبة للامراض لاتحاتي

تطعيم منتظم بالبيطري


تسبحها مرة كل اسبوعين بشامبو خاص

ماتخليها تخطي عتبة الباب

يعني لو ماتبيها تنعدي من قطاوة الشوارع وتييبلكم امراض وبلاوي
لاتخليها تطلع من البيت تتمشى وترجعلك

خلها محبوسة بالبيت

وهذا اللي صاير مع دمدم قلبي

والحمدلله مافيه الا العافية



بالنسبة للحمام
لازم صندوق خاص تلقاه بمركز سلطان

وتراب خاص

مو تراب الشارع العادي ( لأن هذا يكون فيه دود وحشرات )


وتنظف التراب كل يومين مرة بشبل خاص يكون مع الصندوق


وقت التزاوج يعتمد على القطوة اللي بتييبها نثية ولا ذكر

الذكر وقت التزاوج لو مالقى نثية

يمشي ويبول بالبيت كله ( يعني يحدد منطقة التزاوج مالته )


النثية تماوي طول الليل وماتسكت



الحل انك تتفق مع احد عنده قطوة

ووقت التزاوج توديها وتتزاوج وتريح عمرك



وبالنسبة لبنتك

اخذلها قطوة عمرها 4 او 5 اشهر اولا تكون بعدها موبالغة ولا راح تأذيكم بالتزاوج

ثانية لابنات يحبون القطاوة الصغار

ثالثا سهل تعلمها على الحمام

رابعا تكون توها صغيرونة يعني ماتكون فيها فطريات او مرض خطير او كآبة ( طبعا يعتمد من وين بتشتري القطوة يعني من محل ولا من احد يربي قطاوة )


بالتوفيق انشالله

ونبي نسمع عن الخير جريب


ميرسي
.
.
.

[قطوطة]

السلام عليكم و رحمة الله و بركاته ,,


عن الأمراض التي تسببها القطط إضغط على الرابطيين التاليين

http://www.2zoo.com/vb/showthread.php?t=11224

http://www.bintnet.com/club/showthread.php?t=144471


لكن لا تخاف يوجد ناس عاشوا مع القطط لأكثر من عشرين سنة و لم يصبهم أي مرض .

عن نوع القطة ممكن اتجيبلها سيامي أو شيرازي.
والعمرشهريين و نصف إلى ثلاثة أشهر .
الأكل اشترلها أكل مخصص للقطط نوع ويسكاس ,بورينا Purina , ناين لايفز Nine Lives .......... أكل جاف
و تعطيها من 3-4 وجبات بمقدار ربع كوب يومياً.
إلى أن يكون عمرها 6شهور 2-3 وجبات بمقدار ثلث كوب يومياً .
و عندما يكون عمرها سنة 1-2 وجبة بمقدار نص كوب يومياً .

أما عن الحمام اتجيب طاسة و تحط فيها رمل أو نشارة خشب ( اتجيبا من النجار ببلاش ) و أحسن شيء هو الرمل الصحي المخصص للقطط وتغير الرمل مرة في الأسبوع وتشيل الفضلات كل يوم و لكي اتدرب القطة عليه بعد الأكل و قبل النوم حطها داخل الطاسة و هي تفهم و إذا ما فهمت خربش في الرمل اشوي و تعرف شتسوي وإذا سويت في مكان ثاني لا تضربها و أكرر لا تضربها لإنك إن ضربتها فسوف تخاف منك و لن تفهم و ينبقي أن تشيل إلي عملته بشيء و اتحطه بالطاسة و تخليها تشمى و إن شاء الله تتعلم .

و عن تخريب الأثاث يمكنك أن تشتري عامود للخربشة واتعودها عليه .
ويبقي على أحد أن يقص أظافر القطة لكن عندما تقص الأظافر إنتبه أن لا تقص عند المكان إلي لونه أحمر فقط عند الحافة لإنك إن قصيته راح يطلع دم من الظفر و راح تتعور القطوة .

و في وقت الزواج يمكنك أن تتفق مع أحد نفس ما قالت Dominouqe
أو تعرض القط أو القطة هنا و تلقالك أحد من نفس الدولة .