رد: لو سمحتوا خبرتكم في فرخ الدرة (شهر)
اولاً مبروك عليك الفرخ واختيارك للدرة حلو لانه طير مرح جداً اذا ما احسنت تدريبه ونطقه للكلمات جيد
عموماً
بالنسبة للعمر فهو زي ما قال لك في حدود الشهر
كمية الاكل اشوف انه ٢٠ ملي كثيرة لانه باقي صغير ومن المهم جداً ترك ربع الحوصلة فاضي ووجبة كل اربع ساعات كافية جداً
الفطام بالنسبة لي انا ابدا الفطام من سن شهرين ونص بالتفاح والموز والذرة المسلوقة والبليلة المسلوقة وبعض من االورقيات كالخس والجرجير في الاسبوع مرة فقط عشان لا يصاب بالاسهال واغره في اليوم من مرتين الى ثلاثة
اذا بدا الطير الطيران انقله الى قفص
انسب مكان يكون مكان جلستكم وابعده عن تيارات الهواء الباردة وحاول يكون القفص في مكان مرتفع شوي عشان هو يراقبكم ولا يحس بالخوف
السيرلاك اذا كان حق فروخ وشركة معروفه فهو ممتاز
اخيراً الماء هو يستمده من السيرلاك في مرحلة الغر واذا فطم الطير حط له الماء
ملاحظة مهمة جداً لازم تعرضه لاشعة الشمس الغير مباشرة لو ربع ساعة يومياً في هذة العمر على الاقل لمدة اسبوعين او ثلاثة مع تغيير النشارة كل ثلاثة ولا اربعة ايام عشان الاوساخ والجراثيم
وان شاء الله تشوفه يكبر وتتهنى فيه
ان اصبت في كلامي فمن الله وان اخطات فمن الشيطان وانتظر مشاركات باقي الاعضاء موفق خير
|