كم سؤال عن قطوتي وصغارها !

[NoArH]

السلام عليكم (:
كيفكم ان شاء الله تكونوا بخير (:

انا عندي كذا استفسار ،*
انا قطوتي الحمدالله ولدت وجابت 4 كيتنز 😊
اللحين عمرهم 24 يوم 😘
قطوتي حطيتها بغرفه مناسبه وحاولت تغير مكانها يمكن بعد 10 ايام من ولدتها وراحت بيت الدرج < ماعرف له ترجمه ثانيه 😁
المهم انه المكان مررره مو مناسب ويصعب اوصلهم واخاف يجيهم نمل )؛
وقطوتي مصره الا تبيه مدري وش اسوي فيها
عادي اجبرها ع الغرفه اللي هي فيها ؟؟؟
هذا السؤال الاول << مطوله شكلي
الثاني : بدوا الكتنز يطلون باكل امهم ويشربون معها مويه < ابدا اعطيهم اكل ؟ < مدري احسهم صغار !ووش نوع الاكل ؟

الثالث : واحد من الصغار عينه مغمصه وامسحها بمويه دافيه تفتح وبعدين ينام وترجع نفس الشي مغمصه في حل ثاني غير المويه ؟
السؤال الاخير 😁 متى اقدر العب مع الكتنز واشيلهم عادي من دون ما امهم تعصب ولا يضيق صدرها <خايفه من قطوتها

وبس …♡

[فاتـــو]

هلا بك ياقمر
حمد لله على سلامتها ويتربوا بعزك .
بالنسبة للسؤال الاول انا ما ادري وش تقصدين ببيت الدرج بس اذا المكان بعيد عنك وماتقدرين تتابعينهم على طول
طلعيهم وسدي المكان بكرتونه او اي شي
وحطي له كرتونه الولاده عندك بالغرفة تحت السرير او المكتب وملسي عليها وهديها
وبالنسبة للكيتين انتظري عليهم لين يتموا شهر يعني بعد 6 ايام وابدأ قدمي لهم اكل رطب وطري مقطع قطع صغيره
واللي عينه مغمصه هذا حالته طبيعيه واغلب الكيتين يصيبهم هالشي
كل ماعليكي انك تجيبين قطنه مبلله بماء مالح وتمسحينها وبعدين تجيبين قطره بروزلين من اقرب صيدلية
ونقطين بعينها المغمصه
واي احد من اخوانها عنده نفس المشكله سوي له كذا
تقدرين من الحين تمسكينهم وتلعبين معهم بس اول لازم تملسين على امهم علشان ريحتهم ماتتغير
اتمنى تكوني فهمتي قصدي ..

واي استفسارلاتترددين ..

[NoArH]

هلا بگ زود ..
الله يسلمك يآرب 3>
والله ماقصرتي مرررره شكراً .
طيب ايش الاكل اللي اعطيه لصغار ؟

[فاتـــو]

جبن مثلثات - بطاطس وكوسه مسلوقة - قطع دجاج مسلوق - خبز صامولي بالحليب - اهم شي التنويع والالبان خليها مرتين بالاسبوع

[NoArH]

يعطيك الف عافيه فاتو 😘
واشكرك ع ردگ السريع ^_^