قطوتي ولدت قبل أمس و موترتني بشكل ! ساعدوني بليز ("

[Miss S]

السلام عليكم ورحمه الله وبركاته ،

بقوولكم السسالفه و اللي يعرف بليز لا يبخل علييه ،

تاريخ 21-8 < قبل أمسس ، ولدت ليلي قطوتي ، هاي اول ولاده لها ، هي تقريبا عمرها سنه ، ولدت و يابت 3 كيتينز جمييلييين ربي يحفظهم :'(❤
بدأت ولادتها من قبل المغرب تقريبا ، والحمدلله تمت على خييير الساعه 8 بالضبط ، وكانت هاديه و بقرب عيالها والحمدلله
ع الساعه 2 تقريباً ، دخلت اشوفها ، نطططت على طططول عندي وتماوي وتلهههث و شكلها مثل اللي خايفه ومتوتره ، عقب انسدحت بقرب عيالها و تمت تلهث ، شككيت ان في بيبي بعده ما طللع !!! بس ماصصصار شي ! ونظفتها ونقلتها من كرتون الولاده لكرتون دافئ ومرتب

اليوم اللي بعده < البارحه ، دخخلت عندها ، انصصصدمت ان عيالها مو بمكانهم ! نقلتهم لمكان ثاني ، انا حاطتنها فالصاله ومسكره عليها ، لان عندي بالبيت اطفال واخاف على ليلي وعيالها منهم ، واخاف عليهم من ليلي لو قربوا لعيالها !
المههههم ، نقلتهم لمكان بين الغنفتين ، و على الأررررض !!! انا انصصعقت ، ع ططول يبت لهم فراش ونقلتهم عليييه ، و حطيت لها هي اكل وماي وكل شي

و لازالت هي متوتره وحركتها كثييره وماتثبت ابداً ، حتى لما عيالها يرضعون ، عادي تقوم فجأه عنهم وتخليهم يطيحون تحت !
يبت طشت أو حوض دائري ، ماعرف شو تسسمونه بس هالشي الدائري اللي يغسلون فيه الملابس ويكون مفتوح من فوق :$
وحطيت فيه فراش و حطيته بين الغنفتين نفس الكان ، وحطيت فراش من فوق بحيث يكون المكان مظلم شوي ، وخليتهم !

لما رجعت قبل شوي ، لقيتههها نقلللت عيالها مره ثانييييه !!! لبين غنفتييين أخريين و على الأررررض !
رجعتهم مكانهم و ليلي ما قالت شي

بسس مشكلتي وياها انها واييد واييد متوتره ، وتتحرررك ، و تبغي تطلع من الصصاله ! افتح لها الباب وتطلع ، تظل واقفه عند الباب و تبخ ! رغم ان مافي حد غيري وغيرها بالمككان !

وبعدين ترجع الصصاله مره ثانيه !
تخوفني يوم تلهث ، احسس فيها شي ! اأو حراانه ، ف أشغل لها المكيف ، الصاله يوم ادخل تكون حححاره ><
ف اشك بسبب الحروره ، بس ف نفس الوقت اخخخاف على الكيتينز من البروده >< !!!

ب شو تنصحوني ؟ أوديها الطبيب ؟ أو كييف اتصصصرف وياها ! هي متوتره وموترتني وياها ، حتى احس اني صرت عصبيه ويا الكل بدون داعي !
حتى اكلها ماكلته كامل ، والحمام راحت له مره وحده من يوم ولدت وكانت الكميه جداً قليله مب نفس العاده


ساعدوني ربي يسعدكم 

[فاتـــو]

اهلين ياحلوة
حمد لله على سلامه قطوتك
بصراحة انتي ماقصرتي معها بس في شي مهم انتي نسيتيه
القطة تبي تجلس معك
هي متوتره طول الوقت لانها تفتقد وجودك جنبها بالذات لانك انتي اللي تساعدينها قبل وبعد الولاده وهي متأكده انك انتي الوحيده اللي تعتنيين فيها ومايصير تتركينها
انا قطتي تسوي نفس الشي وماتحب تجلس بالاطفال بمكان وحدها واضطر احطها على سرير بالاطفال وهم بالكرتونة علشان تطمن
انصحك تحطين الطشت اللي هي فيه على سريرك ايه سريرك هي محتاجة لوجودك او حتى جنب السرير
وحطي اللتر بوكس قريب منها والاكل والموية

[Miss S]

المشاركة الأصلية كتبت بواسطة فاتو.

اهلين ياحلوة
حمد لله على سلامه قطوتك
بصراحة انتي ماقصرتي معها بس في شي مهم انتي نسيتيه
القطة تبي تجلس معك
هي متوتره طول الوقت لانها تفتقد وجودك جنبها بالذات لانك انتي اللي تساعدينها قبل وبعد الولاده وهي متأكده انك انتي الوحيده اللي تعتنيين فيها ومايصير تتركينها
انا قطتي تسوي نفس الشي وماتحب تجلس بالاطفال بمكان وحدها واضطر احطها على سرير بالاطفال وهم بالكرتونة علشان تطمن
انصحك تحطين الطشت اللي هي فيه على سريرك ايه سريرك هي محتاجة لوجودك او حتى جنب السرير
وحطي اللتر بوكس قريب منها والاكل والموية

الله يسلمج من ككل ششر ياربي ، فرحتي فيهم جداً كبييره ربي يحفظهم لي كلهم .
ألحييين نقلتها هي والكيتينز بكرتونها اللي مجهزته من قبل ، وحطيته جنب سريري بالضبط ، دخلت رضعت الكيتينز والحين يالسه على السرير بقربي ،
بس انا إنسانه مستحيل أيلس بدون تكييف ، بيكون عادي بالنسبه للكيتينز او بيضرهم >< ؟

وحطيت لها عدال الكرتون ماي و ودراي فود والأكل الأساسي أعطيها اياه على فترات بس في مكان ثاني و من تخلص ترجع لهم ان شاء الله ، عشان الريحه بس ><
بس الليتر بوكس مُستحيل أقدر أدخله غرفتي ، الريحه تذببببح والعايله الكريمه كثير تتأذى وتتحرطم ، وأمي تخاف علي من الريحه تقول مب زيين ، انا حاطته لها فوق الدري الداخلي عندنا بالبيت ، و هي تعرف مكانه ومتعوده عليه ، يوم تبي تقضي حاجتها تروح وبعدين ترجع . ..

وعندي سؤال ؟
عادي أهلي يدخلون يشوفون الكيتينز من بعيد أو لا ؟
لان كلهم متحمسين ويايه ، و يحبونها و من زمان ينتظرون ولادتها مثلي !

و إذا عندج لي أي نصآيح وتوجيهات لا تترددين ، تراني مُبتدئه

ويزآج الله ألف خيير عزيزتي ، ماتتصورين شقد فرحت يوم شفت ردج ، دعيتلج من قلبي
و يحفظج البآري 3>

[Miss S]

و عندي سؤال ثآني ، الأم ترضع ضغارها وتدفيهم بشكل طبيعي و لله الحمد ،

بس كيف أعرف إن تم الإخراج ؟ أقصصد بالنسبه للكيتينز ، كيف أعرف إن الأم قامت بهالشي و تعرف كيف تسويه x_x ؟

[فاتـــو]

شوفي بالنسبة للتكييف انتي بتحطينهم في كرتونه مسكره من كل ناحيه ماعدا باب صغير يكفي الام للدخول والخروج وحطي الكرتونه تحت السرير
ساعتها تقدرين تشغلين التكييف على راحتك
بس حاولي تبعدين مكان الكرتونه عن اتجاه تيار الهواء
والاكل مو زينه كل شوي تترك الصغار بروحهم وتروح غرفه ثانية علشان تاكل
وش فيها ريحه الاكل عادي حطي لها الصحن واول ماتخلص غسلي الصحن وماراح تبقى ريحه
واللتر بوكي اهم شي يكون بمكان قريب من غرفتك وهادي
واكيد عادي الاهل يشوفونهابس اهم شي تكونين انتي موجوده
وملسي على الام علشان ماتحس بخطر
وبالنسبه للاخراج ماعليك منهم امهم تسوي لهم كل شي سبحان الله فطره في كل امهات القطط
بس مافي مانع تراقبينهم وتشوفين اذا مهمله احد فيهم تقربينه منها علشان يرضع وتلعقه للنظافة

اي سؤال انا حاضرة