اشترك في نشرتنا البريدية ليصلك كل جديد

هنا وهناك · 21-05-2013, 02:03 AM

السلام عليكم
ذكر البادجي اللي عندي بلغ

وهو نوعه اوبلاين
والانثى اكبر منه ب 9 شهور وهي بادجي عادي

اللي لاحظته هالفتره انه يتهاوش معها كثييييييييير
ويضع وحده من ارجله على ظهرها ( كأنه يثبتها عشان يضربها ) وتبدأ حرب المناقير
ومايرتاح الا اذا طاحت
ويتفرج فيها وهي طايحه بالارض ( مسوي بريء )

مع انهم اغلب الوقت حلوين
لكن يوميا لازم يستلمها المسكينه
احيانا افرق بينهم
واحيانا اقول يمكن الولد يحاول يكون رومنسي ويتقرب منها للتزاوج بس مو عارف

ارشدوني
وش قصتهم
اتركهم عادي؟ وهم يعرفون يتصرفون؟ ( مدري ليه احس انهم ماراح يفهمون موضوع التزاوج لأن حياتهم كلها ماكانت بين مجموعه يتعلمون منهم )

او افصل بينهم في كل مره يتهاوشون؟

الشي الثاني : هل ممكن الذكر الابلاين انه ينتج؟
لأني سمعت ان انتاجه ضعيف
علماً بأنهم كلهم مروضين ترويض خفيف
يعني عادي العب معهم ويوقفون على يدي وياكلون منها ويفهمون بعض الاشارات واترك لهم باب القفص مفتوح على طول

النورس الذهبي · 21-05-2013, 03:55 AM

اما التهاوش فهوه بداية تعلم طقوس التزاوج

**لمســة خيـــال** · 21-05-2013, 08:27 AM

وعليكم السلام ورحمة الله
هل انت متاكد ان الطيور ذكر وانثى
وجاهزين -اذاتقدر ترفع صور ونتاكد.
قديكون السبب الذكر ماعنده خبره
يريديلقح الانثى ومايعرف اواظافره طويله
ويزعج الانثى وترفض التزاوج
ويحدث شجار..
اتركهم مع بعض اذا الشجار ليس عنيف
وقدم للذكرمحفزات كألجرجير والخس ..
واذا بقي الحال كماهو عليه اعزلهم اسبوع بعيدين
عن بعض بعدين دخل الانثى على الذكر

ابو على2 · 23-05-2013, 01:15 AM

هلا اخوي لو تقدر ترفع صوره لهم علشان نعرف نساعدك