اشترك في نشرتنا البريدية ليصلك كل جديد

Mr.wagdy · 15-05-2013, 07:21 PM

السلام عليكم

كلبي عنده 4 شهور

اول امبارح وانا بحميه بماء عليه بوتكس لحس شويه

الاول بدأ يرجع رغاوي بيضه والبول بتاعه فيه دم

روحت للدكتور اداني حقنه اباتريل اديته سنتي ونص بالفم وسنتي ونص في العضل

ده امبارح الظهر

بعد كده وديته لدكتور تاني اخر النهار اداني الادويه دي ليه

Mucogel و decal b12

ماشي عليها من امبارح

وبشربه لبن على بيض ني بالسرنجه والمياه بردو بالسرنجه

مش بيرجع رغاوي دلوقتي بس بيرجع تقريبا بعد كل مره اديله اللبن او الدواء

ولسه البول في اثار دم خفيف

جبتله دلوقتي حالا

حقنه cortaplix عليها 1 سنتي زنتاك

والكلب من امبارح حالته سيئه جداااا وخس خالص في اليومين دول بقى جلد على عضم

نايم طول الوقت على الارض مش بيتحرك غير لو انا حركته

وكل شويه بلاقيه دخل الحمام نايم جوا جردل فيه مياه , بشيله منه وانشفه وبيرجع تاني لو قدر

اعمل ايه بالله عليكم ؟؟؟

انا روجت ل 3 دكاتره وواضح انهم مش فاهمين اي حاجه

ابن سورية · 15-05-2013, 08:47 PM

اخي الغالي خذه الى بيطري اخر يكون متمكن ولا تستنى الردود فالبيطري هو الاقدر على تحديد الحالة

Mr.wagdy · 15-05-2013, 10:04 PM

الكلب مات.

كريم ميمو · 15-05-2013, 10:08 PM

يعم قدر الله ماشاء فعل

و انتا عملت اللي عليك ومقصرتش

ان شاء الله ربنا يكرمك بواحد احسن منه

لعله خير !!!

ابن سورية · 15-05-2013, 11:07 PM

الله يعوضك بأحسن منه

**الهولي** · 16-05-2013, 01:29 AM

يريتك ماكتبت ان الكلب مات
يشهد الله اني تأثرت كثير
الله يعوض عليك وانت والله ماقصرت نهائي
قدر وماشاء
بس عندي احساس انه مش من الصابون او تسمم
احساسي يقولي انه بارفو حاصد الجراء
ان شاءالله خيره لك
يغلق الموضوع