قطتي تعبانة بليزز سعدوني

[الدلوعهـ]

السلام عليكم
اخواني بلييزز ساعدوني قطتي تطلع شوي مخاط في انفهاا قليل وتعطس كتير الموهم وديتها البيطري اداها ابرا مع مضاد اخدتو من الصديلية البشرية امكسول شراب لمدة 5 ايام وتحسنت شوي ورجعت الحالة لها مرة تانية وديتها البيطري مرة تانية اداها ابرا وقال لازم تيجي كمان مرة تانية وجيتو اداها ابرا خلاص طفشت منو وحاسة انو نصاب ولا اثق في دكتور بيطري يعني بالعربي همو بسس فلوس انا ماعمري تعاملت مع بيطري ولا غيرو الموهم ادا فيه حل قولو لي الموهم اخر ابرا اخدتها قطتي قبل شهر تقريبا
المشكلة دحين فيها بس في المخاط القليل ع الانف والسعال الكتير بليزز فيه دوا اخدو لها من الصدلية البشرية

[باغيرا]

وعليكم السلام ورحمة الله وبركاته
اهلا وسهلا فيكي اختي
الف سلامة على قطتك ماتشوف شر ان شاء الله
الظاهر انه جايها فايرس لانه بصراحه منتشر هالايام
وكثير من القطط شفتها تعاني منه بسبب الجو الي ينقله وتعرفي كيف صاير الجو بجده
عموما لازم تشوفي لك طبيب بيطري اخر غير الطبيب الي بس يدي ابر هذا لانه فعلا شكله
بس يبى فلوس وكمان حاليا احمي قطتك حطيها في مكان دافئ وامسحي لها وجهها
وقولي لي هي بتاكل ولا لا ؟؟؟
بتشرب موية ولا لا ؟؟؟
وجيبي لها مضاد بيتاموكس من الصيدلية البيطرية
او مضاد ايموكس من الصيدلية البشرية
واذكري لي عمر قطتك عشان اعطيكي الجرعة المناسبة
وشوفي لي حرارتها من خلال لمسك لاذنها من الداخل
وهل يوجد استفراغ ؟؟؟
ولو حابة اعطيكي طبيب بيطري في جدة راسليني عالخاص
وياريت تجاوبي على الاسئلة

[بسبس مياو]

مره
قلتي عطاس كثير ومره قلتي سعال ياليت تحددي!!!!! اهم شي الحين تدفيها
مضبوط وياليت تحطيها بغرفة فيها دفاية ،كمان ياليت تحددي عمر القطة وهل في
اعراض خمول وكيف أكلها؟ جيبي بيتاموكس من البيطري وعطيها الجرعة حسب
عمرها،لو بالغة عطيها قطارة كاملة ولو من اربع شهور الى تسع عطيها نص
القطارة ولو بيبي صغيرة اربع نقط،بس تأكدي من حرارتها ضروري مش عن طريق لمس
الأذن لازم تقيسيها بالترمومتر واهتمي بأكلها عطيها دجاج مسلوق وزبادي
وتأكدي انها ماتتنفس هوا بارد الله يشفيها

[فاتـــو]

اهلين ياعسل
دامك مو واثقه من الدكتور واول مره تروحين لدكتور مو تستفسرين هنا اول؟!
يعني مو معقوله جرعات الابر اللي خذتها وما فادتها بشي ويمكن ضرتها كمان
مايصير تروحين لطبيب قبل ماتستشيرينا لان مو كل الاطباء يشتغلون بضمير والله المستعان
المهم الحين سوي زي ماقال يك باغيرا وعطينا العمر علشان الجرعه
ماتشوف شر ان شاء الله