ذبحني الكاسكو مدري شبلاه

[kh2kh]

السلام عليكم ورحمة الله وبركاته اخواني

لو تسمحولي بسؤال هذي اول مشاركة لي الله يحفظكم

عندي كاسكو كل مااجي امسح راسه يعظ القفص وينتف ام الخشبة


تجيه حالة نفسيه صارله اسبوع عندي

اذا صعد على يدي ومسحت عليه على طول يتنرفز وينط

واذا عظني عظته خفيفة .. ومشكلته الثانية ماياكل الا حب شمسي

شلت الحب عنه وحطيتله تشكيلة قمح وذرة وموز مجفف وفول سوداني وانواع ثانية

الحين له يومين مااكل .. وحتى قمت احطله حب شمسي ماياكل .. ماسك زاوية بالغرفة وجالس

جبتله عظمة حبار اكل لقمتين بس منها وبعدها بطل ياكل .. فواكه اعطيه نفس الشي نتفتين

ويكتفي .. اخر شي قام يكسر الريش اللي بجناحه هههههههه

استغفر الله عن جد اول مره اخذ كاسكو وكرهني بحياتي ماغير مقابله وماهو هاضمني ههههه

احس مرات انه مجنون لانه اول اليوم يصعد على يدي ويطلع الحوش معاي .. وحنا بالحوش يفصل

علي يا يعظني ياينحاش مني ويحشر نفسه بزاوية مايبي يرجع .. ومشكلة ثالثه

تكرمون كل مااحطه على يدي لازم ينزل حموله ( براز ) وانتو بكرامه


ومشكلة رابعه البراز دائما معاه شوي موية ومرات يصير ثقيل نفس المخاط تكرمون بس

شكل البراز عادي اخضر متماسك وابيض بس مرات اللون الابيض من الموية يصير شكله زي الخيوط

عطيته مضاد حيوي ونفس الشي ماتغير شي ..

ادري طولتها عليكم وشكرا لكم

[دلعي يتعبك]

طبيعي لان تغير عليه المكان اذا انت اسبوع انا له شهور عندي وباقي مخنفر
وبالنسبه للبراز عادي

مبروك عليك وان شاء الله يفيدانك الاخوان

[تشآرلي]

وعليكم السلام ورحمة الله وبركاته

الطير جديد ولازم تخليه بمكان مرتفع وماتقرب منه الا فقط للاكل والمويه

والاكل ماتحط له الا دوار الشمس ولا تكثر بالنظر عليه من قرب او المحاوله في تدريبه الا بعد اسبوعين

بعد الاسبوعين تحاول تدربه بلطف ولمده ساعه او ساعتين بالكثير وبعد كذا تخليه يرتاح

انت الله يهديك الظاهر اخذت الوقت كله تدريب ,,

الطير راح يزيد قلقه وراح ينتف ريشه ويضر نفسه , ودام بدا بإذاء نفسه لازم تتوقف عند التدريب بشكل فوري .

التدريب ساعه الي ساعتين باليوم فقط , ولو زاد توتره تعطيه يومين راحه

من ناحية الاكل

انت لا تغير نظامه الغذائي اول شهر او شهرين , هذا يزيد من قلقه , وبعد كذا تعطيه على حبه حبه .

تبدا بالعنب وهوا اكثر شي يمكن الطير يتقبله

ولا تحرمه من الاكل وتجبره على اكل اول مره يشوفه منك , الا تدريجيا ولمدة شهر .

ومن ناحية اخراجه ( اكرمكم الله )

بيكون سائل لما يخاف او ياكل خضار او فواكه غنيه بالسكريات مثل العنب او التفاح والبرتقال

وحسب وصفك لطيــرك اخراجه ( اكرمكم الله ) جدا طبيعي .

الكاسكو الافريقي يخاف من البشر بشكل فضيع وخاصه طريقة الصيد ونقله من الغابات الي الاسواق المحليه .

اعطي الطير الوقت الكافي لكي يشعر بالامان منك , وتقديم الاكل والمويه تشيل 20% من الخوف

وتابع طرق التدريب بقسم هواة الببغاء وانتظر اراء الاعضاء ان شاء الله يفيدونك اكثر .

بالتوفيق

[kh2kh]

شكرا دلعي يتعبك على مرورك اختي تشرفت بمرورك


---------

اخي تشآرلي تسلم على المعلومات اللي كنت اجهل منها الكثير مع اني اقرأ بالمنتدى من اسبوع

شكرا جزيلا لك اخي الكريم ... انا من اول يوم مخليه يوقف علي يدي غصب ههههههه الظاهر اني

فعلا فاهم الموضوع غلط جزاك الله كل خير اخي الكريم