باركوووولي

[عاشقة قطوتها]

السلام عليكم ..

بعد ماكملت قطتي مدة حملها الطبيعي الحممدلله ولدت بالسلامه وجابت لي 5 ...... يهبلوون ماشاء الله ..

كنت خايفه انها تجهض زي اخر مره بس الف حمد وشكر لك يااااااااااارب ..

انشاء الله راح انزل صورهم في اقرب وقت ..

الان عمرهم 7 ايام فديت قلوبهم

بس عندي سؤالين ::

اول شيء لاحظت فيونتي دايما لما تولد تزكم بعدهاا يعني تعطس كثير وكذا بس حراراه مافي الحمدلله ..

وكمان جتها حاله تبي تنقل عيالها من المكان الي هم فيه بعدين غيرت رايها ..

مدري وش السبب وكيف امنعها من هالشيء ..

علما انو القفص مغطى زيين من جميع الجهات ماعدا جهه وحده مفتوحه لاني حطيت لها مروحه عشان يجيهاا هوااء من الشبك ..تدرون الحر وكذا ..

وعبد سعييد

[Octopus]

بالنسبة ل السوال الثاني ف القطط الام هي وحدها تتختار المكان المناسب و الذي فيه امان يعني بعيد عن الاصوات و غيرها من اشياء

و كل عام و انتي بخير و يتربون في عزك الكيتز

[azoz12331]

طبيعي حبيبتي انه تحاول تنقل عيالها انتي جهزي مكان ثاني كرتونه كبيره الحجم وافرشي فيها فوطه وحطيها في المكان اللي تبيه هي بتشوفه وبتنقل عيالها فيه بس انتي المكان اللي ما تبغينها تنقل عيالها فيه لا تخلينها تروحه مثل تحت السرير او تحت مكتب ..
بالنسبه للزكام انتي ابعديها عن تيارات الهواء البارد حاليا واذا ماخف استشيري طبيب بيطري ممكن يصرفلك مضاد للقطه ..
وعيدك مبارك ومبرول عليك الكيتينز ولاتنسين الصور اول ما يفتحوا عيونهم

[فاتـــو]

الف مبروك بس عندي ملاحظه ::ياريت تشيلين المروحه الحين
القطط لسه صغار واي تيار هواء ممكن يسبب لهم برد
انتظري لين يكملون شهر وبعدين حطيها
ويتربو في عزك 6^

["ولودي"]

مشاءالله مبروووك بس كيف يوم ولدت قطوتك اكيد فرحتى كثير بولادتها

[عاشقة قطوتها]

اوكتوبس ..وانت بالف خير ..امين يارب
عزوز ...الحمدلله الزكام راح منها من ثالث يوم بعد الولااده ..اكيد من عيوني انشاء الله وعلى فكره عيونهم فتحت شوووي مو مره ..
فاتو ..مشكوره اختي وماقصرتي على النصيحه وانا عملت فيها وشلت المروحه وغطيت القفص زيين والحمدلله بطلت تنقلهم من مكان لمكان ..

ولودي ..الله يبارك فيك ..والله مرررررره كنت مستانسه اصلا وقت ماجتها الولاده كنت رايحه مشوااار وطول الوقت افكرر فيهاا وقلبي مقططع عليها طيف تولد لحالها وتقريبا تاخرت عليها نص سااعه رجعت ولقيتها في بيتهاا كانت تستنااني واول ماجلست جنبها ومسحت عليها بدات تولد ..فديتها ماتبي تولد الا وانا معاااها ..

الله يخليها لي ويخليلكم قطاوتكم ياارب
ومشكوورين لكل الي ردو على موضوعي ..