اختبار بسيط لاعضاء هواة القطط ..

[تفاحه حمرا]

السلام عليكم فرداً فرداً شخصاً شخصاً

كيفكوو اخباااركووووو

اليوم

قلت بسويلكم اختبار بسيط

بماإنكم محبين للقطط .. حبيت اعرف شقد عندكم معلومات عنها
<< بوهقكم

المهم ادخل فالموضوع ع طوووول اخاف قطو كويتي ولادومينك يدخلون والقى موضوعي مشمعين عليه بالخط الاحمر وكاتبين محذووف لوول

المهم يلا خلوني اكمل لاتسولفون واااايد << مادري منو يالس يتكلم من الصبح

السؤااااال يقوووووووول << شيقوول خلصينا يابنت

لماذا انتشرت مقولة بإنه القطوو له سبع اروااح ..؟؟

طبعاً هالجملة مشهوووره وشائعه بين الناس...

وسؤالي هوو .. لماذا هالجملة شائعه ولماذا القطو بالذات ولم يكن حيوان أخر....؟؟

هل فعلاً القطوة لها سبع ارواح ..

ام يوجد هناك سبب أخر ؟؟ واكيد مافي دخان من دون ناار.. يعني اكيد لهالشي تفسير..

المايك عندكم ..

بس لاتطولون لوول..

السؤال مش مقتصر على هواة القطط .. للكل ..

في الانتظار...

[قطو_Q8te]

انا اقولج ليش
الله يسلمج هذي المقوله طلعت بسبب:
انه القط لما ينط من أي مكان مرتفع ويهبط عالارض
مايصيرله شي
( سبع ارواح )
والسبب ؟
السبب انه جسم القط لما يحذف نفسه يتقوس ويصير مثل المظله فنسبة الهوا تقل ويطيح مع اتجاه العجله وعكس اتجاه الرياح فيصير جسمه خفيف وايدـ ..

[مخاوية قطاو]

اشوى اني جيت اول وحده قبل ماتجي دومينك ولا قطو كويتي ويتم الحذف على قولتك
ايووووووه
وش كنت تقولين
ايه
ياطويلت العمر تمت تسميته بذلك الأسم وذلك لمرونة عظامها..وهذا التفسير العلمي لها
ولكن الناس يضنون انه تمت تسميتها بذلك الأسم لأنها لو تطيح من اعلى مبنى فإنها راح تقوم مثل الجني
وايضا لكثرة المصائب والوادث اللي تقع فيها تلك القطوه المسكينه ومع ذلك لايحدث لها شي.
وبس..

[مخاوية قطاو]

ياحليك قطوكويتي من وين طلعت على بالي انا اول رد
بسم الله علي

[مدمنة قطط]

بس ترى مثلا اذا صدمته سياره (الله يحفظهم يارب ) ترى مايموت الا اذا جاته الضربه على راسه يعني اذا قفز من مكان مرتفع جدا هو عادةينقلب يصير كانه واقف وهو فالهوا لانه اذا طاح على راسه يموت على طول وهذي المعلومات اللي عندي

[تفاحه حمرا]

الله يسامحك ياقطو كويتي على الاقل عطي فرصة الاعضاء يجاوبون لووووووووول...شوف الفرق كم دقيقه بين ردك وموضوعي ماشاء الله اللهم لاحسد .. إجابتك صح 90%

.. عالعمووم الإجابة كـ التالي:-

للقطط قدرة فائقه في حفظ توازنها بحيث انها عندما تقع من مكان مرتفع
تسقط وهي واقفه على الاقدام الاربعه والنتيجة انها لاتصاب بأي ضرر
ولذلك يقول الناس ان القطط لها سبعة ارواح


منقول من كتاب غرائب وعجائب

[مخاوية قطاو]

معليش تفاحه حمراء
الجواب الرئيسي هو لمرونة عضامها

[Lonely Hunter]

اهوه فعلا الناس يقولون جذي لانها مرنه و تقدر اطيح من اماكن عاليه و مايصير فيها شي

بس ..ليش السبعه " 7 "

ليش ماقالوا تسعه او ثمانيه ...

انا ماعرف ..شتقولون انتوا

انا اقول ان يمكن لانه 7 رقم كوني .. كل شي سبعه

سبع ايام سبع سماوات ..الخ

او يمكن اسهل بالنطق

[اناوبس]

يلا انتظر السوال الثاني
عموما عالم القطط حلو محبب للكثير
وموضوعك حلو ياعسولة

[تفاحه حمرا]

مخاوية قطاو

لوول اجابتج صح لكن قطوكويتي جاوب قبلج ..
وماشاء الله طلعتوا عندكم خبره وانا اخر من يعلم عن المعلومة


مدمنة قطط

مشكورة حبيبتي عالرد والكلام الي قلتيه شوهو مصدره ؟لاني انا قريت المعلومة من كتاب وهو فيه غرائب وعجائب الحيوانات ..