هذه مشكلتي مع الكاسكو..أرجو المساعدة

[<<الملاك>>]

سلام لكل الاعضاء الكرام..
رح خبركم قصتي من اولها واتمنى منكم مساعدة.
خالتي عندها كاسكو من 7 سنوات.اهتموا فيه فترة وبعدين أهملوا, وصار المسكين ينتف ريشه وبقى على هالحال شي 5 سنوات.لحد ما بالأخير ما عاد يحكي ولا ياكل.وبعد مفاوضات مع اصحاب الببغاء اتفقنا انو اتبناه واعتني فيه.وهو ضيف عندي منذ سبع ايام.والحمد الله رجع ياكل بشراهة ويحكي
ويرقص وكل شي تمام.بس المشكلة اني كل ما طل عليه ان كان ليلا او فجرا بلاقي مو نايم.
وبس يشوفني بصير يرحب فيني ويرقص.على فكرة, الكاسكو ما عليه ريش وانا بلبنان يعني برد
وعواصف فانا حاطتلو المدفأة جنبه. كمان مشكلة ثانية ما عم يقبل ياكل فستق عبيد ولا الفيتامينات الخاصة بالكاسكو.
عذرا على الإطالة.
وشكرا سلف.
تحياتي