يا جماعة الخير ! ساعدووني بردودكم رجااءا

[Noor-Mohamed]

السلام عليكم !،، اخباركم شباب عساكم طيبين
انا ادري اني مزودها وغلبتكم معااي بس والله انا شبه ياائس من هالكلب!
وضعي مرة ميؤووس منه!
الجرو لما اطلع معاه الشارع ولا كأنه يعرفني ! يمشي ف عالم وانا فعالم ثاني ،، ما يسمع كلامي ابدا
يعني الاوامر اللي علمته اياه فالبيت احسه نسااها كلها لما يطلع الشارع ،، اجلس ما يجلس تعال ما يجي ! مادري ليش ! والله صرت مستحي اطلع فيه فالشارع !،، احس الكلب كئييب حزيين على طوول .. ما اعرف في شي غلط انا اسويه معاه ولا لا .. الناس كلهم لما يشوفوه يقولولي علمه كويس اضربه خله يخاف منك وانا مابي اضربه .. انا بنفسي اتحيرت والله اللي يقول اضربه واللي يقول لا !
الكلب مررة احسه قطوة .. امشي معاه فالشارع يخاف من ظله يشوف قطوة يشرد ويصيح ولا اذا شاف اي كلب حتى لو صغير مررة يخااف مادري ايش فيه ! انا والله مانا قادر اوصف كيف يكون معاي ماشي فالشارع!
شوفولي حل جزاكم الله خير ،، انا مو عارف ايش حل هالموضوع !
اسف جدا ع الاطاله!
ومنتظر الفرج!

[wasim alhrama]

اخوي كم عمر الكلب يمكن صغير

[Abo_fahed]

وعليكم السلام ورحمة الله وبركاته

لا يالغالي كل ماكثرت الأسئلة دل هالشي على اهتمامك بكلبك

وهذا الشي يفرحنا كثير صدقني


شوف يالغالي موضوعك محتاج كلمة واحدة

الــصـــبـــر

الكلمة سهلة لكن فعلها صعب شوي

وانت ماشالله ان شالله ماكو شي صعب عليك


راح أبتدي معاك حبة حبة عشان نحل كل مشاكلك

ركز معاي في كل كلمة أقولها لك واحفظها وطبقها

وبأذن الله النتيجة بتسرك

الجرو لما اطلع معاه الشارع ولا كأنه يعرفني ! يمشي ف عالم وانا فعالم ثاني

على حسب حسبتي لمواضيعك السابقة

فالجرو الآن عمره 5 شهور !

هذا أمر عادي جداً خصوصاً ان أغلب الجراء في حالة خروجها لأول مرة

تكون بجانب صاحبها وماتفارقه وبعد ماترتاح للمنطقة مع التمشية اليوميه

تزيد ثقته بنفسه

والحل مع الجرو هو انك لما تطلعه تكون ماسكه بالـ (( الليش ))

استخدم (( ليش )) قصير أو (( ليش )) طويل واقصر طوله

بحيث الجرو ينجبر يمشي بجنبك

وكل ماحاول يسحبك أو يغير مساره

تعطيه تصحيح من خلال انك تسحب الليش بشكل سريع على جهة اليمين أو اليسار

ولما يكبر شوي تبتدي تعلمه على (( الهيل ))


وكل مامشى معاك بشكل معتدل تكافئه وتمسح عليه

واذا أخطأ ممنوع انك تمسح عليه

ما يسمع كلامي ابدا
يعني الاوامر اللي علمته اياه فالبيت احسه نسااها كلها لما يطلع الشارع ،، اجلس ما يجلس تعال ما يجي ! مادري ليش ! والله صرت مستحي اطلع فيه فالشارع !

افا والله أبو فهد هنا وتستحي >>> لزوم نبلغ الشيخ بالسالفه

راح نرشدك الى الطريق الصحيح

لكن ابي منك تركز معاي

وتطبق الي اقوله لك

وتتحلى بالصبر مثل مااخبرتك

لان كل كلب له مقدرته على استيعاب التدريب

فلا تضغط عليهم وكل الأمور طيبة ان شالله

أول شي

لأي تدريب تبي تطبقه لازم تعرف نقطه مهمة في الكلب

وهي >> ماهو الشيء الي يجذب الكلب أكثر

التريب / الأكل / اللعبة

كل ماكان الكلب ينجذب الى اللعبة كان أفضل

لكن لامانع من تدريبه عن طريق التريب / الأكل

والمكافئات مثل

.[ قطعة نقانق - المكافئات المخصصة للكلاب في المحلات - قطع دجاج

قطع جبن ].



ثاني شي

أي تدريب جديد تبي تعلمه للكلب لازم تنتبه لهذه النقاط :-

1 - المكان المناسب >> مثل غرفة مصكره تكون فيها مع الكلب وتنتظره الى ان يهدأ

2 - الوقت المناسب >> مثل مو أول ماتطلعه من القفص تدربه على طول !!

تنتظر عليه الى أن يهدأ ويطلع الي داخله

ماتدربه أول مايصحى من النوم / قبل النوم / مطر شديد / حر شديد / غبار ...الخ

3 - الخبرة الكافية >> تكون عندك خلفية وخبرة كافيه عن التدريب الي تبي تعلمه للكلب

ثالث شي

المكافئات الأساسية للتدريب

1 - اذا كان كلبك يفضل الأكل >> يفضل يكون التدريب واهو جوعان

2 - اذا كان كلبك يفضل اللعبة >> يفضل انك ماتخليها عنده طول الوقت

وتزيد حبه لها من خلال انك تلعبه فيها لمدة خمس دقايق الى عشر دقايق

وتخبيها عنه ولازم يشوفك وانك تخبيها عنه عشان تزيد عنصر >> التشويق

رابع شي

مفاتيح التدريب الصحيح

لازم تعرف ان تدريب الكلب تكون على عدة مراحل وهي

1 - مرحلة التعليم

وهي انك تبدي بتعليم الكلب على التدريب المطلوب

مع اتباع الطرق الصحيحة / المكان المناسب / الوقت المناسب

بهذه المرحلة تستخدم

الأكل / اللعبة لمكافئة الكلب عند تطبيقه

2 - مرحلة إعادة تطبيق التدريب مع وجود ديستكرشن

الديستركشن أنواع .:

ديستكرشن منعدم >> وهذا اول مستوى ويكون بمكان مغلق مع عدم وجود آي احد

ديستكرشن منخفض >> ثاني مستوى ويكون معاك صديق / أخوك ويكون داخل الغرفة

ديستكرشن متوسط >> ثالث مستوى ويكون معاكم كلب آخر ويكون بمكان داخل المنزل مثلآ

ديستكرشن عالي >> آخر مستوى ويكون بأماكن عامة مثل الحديقة / الشاطىء

وفي هذه المرحلة أيضآ بجميع مستوياتها

تستخدم الأكل / اللعبة لمكافئة الكلب عند تطبيقه التدريب

3 - مرحلة التصحيح

وهي آخر مر مرحلة أن تم تدريب الكلب وإعادة التدريبات بجميع أنواع الديستركشن

وهي انك تصحح للكلب اذا أخطئ

لكن هذه المرحلة

تكون من غير مكافئة !! << انتبه لهذه النقطة

خامس شيء

الحين تستخدم السر في نقل المعلومة للكلب انه تم تطبيق التدريب بشكل صحيح

وهي انك تستخدم أما

1 - كليكر >> أداة تطلع صوت عند الضغط عليها


أو تقدر ولاعة ( قداحة ) وتفرغها من الغاز ولها مثل صوت الكليكر


2 - كلمة بينك وبينه تعوده عليها مثل >> yess / good / right

سادس شي

بعد ان عرفت الأساسيات والمفاتيح للتدريب

تنتقل الى كيفية تطبيق التدريبات

فتدريب الكلاب يجب أن يكون بطريقة تسلسية

أي انك تمشي على التدريبات مثل صعود السلم

راجع هذا المـوضوع فيه فيديوات وشرح بالكلام يفصلك كل التدريبات الي انت ذكرتها


http://www.2zoo.com/vb/showthread.php?t=232832

وهذا موضوع يتكلم عن طريقة عمل الكليكر

http://www.2zoo.com/vb/showthread.php?t=250648

احس الكلب كئييب حزيين على طوول .. ما اعرف في شي غلط انا اسويه معاه ولا لا

شوف أكثر شي يأثر في نفسية الكلب

المكان النظيف + الغذاء الصحي + متابعة صحة الكلب + تواجد صاحبه

الناس كلهم لما يشوفوه يقولولي علمه كويس اضربه خله يخاف منك وانا مابي اضربه .. انا بنفسي اتحيرت والله اللي يقول اضربه واللي يقول لا !

هو سؤال واحد اترك اجابته لك

مع احترامي لكل الناس الي كلموك


هل أنت شريت الجرو عشان تضربه أو عشان يحبك ويكون عون ورفيق ؟

الكلب مررة احسه قطوة .. امشي معاه فالشارع يخاف من ظله يشوف قطوة يشرد ويصيح ولا اذا شاف اي كلب حتى لو صغير مررة يخااف مادري ايش فيه ! انا والله مانا قادر اوصف كيف يكون معاي ماشي فالشارع!

الجرو الى الان في فترة تأسيس

ممنوع تقدمه للقطط أو لكلاب كبيرة

القطط أحياناً تكون شجاعة أكثر من الكلاب وممكن تمشخ الجرو وتسبب له اعاقه نفسية

والكلاب الكبيرة عدت مرحلة الخوف وقد تحاول ان تحمي أصحابها وتضر الجرو وتسبب له نفس الاعاقه


حاول أنك تقدمه لقطط أليفة في البداية + كلاب كبيرة تعدت الثلاث سنوات

أو لما تمشي معاه بالشارع حاول انك تركض معاه باتجاه القطط

القطط راح تخاف وتنحاش والجرو راح يتشجع شوي شوي

مع تشجيعك له بالصوت والمسح >>> بس لاتتركه يلحق القطط لحاله !

شوفولي حل جزاكم الله خير ،، انا مو عارف ايش حل هالموضوع !

أتمنى اني وفقت بالحل لمشاكلك

وطمنا عليكم بعد التطبيق


والسموحة لو قصرت بالإجابة

أخوك : أبوفهـد

[jassim99]

اخوي اكيد في شي غلط بتدريبك

يمكن انتقالك فجئه من مكان هادء جدا الى مكان منزعج جدا وزحمه ؟؟؟؟

يمكن ماعندك حماس اثناء اعطاء الاوامر

جرب تطلعه وقت الصباح مكان هدوء و يكون بعده ما اكل اول وجبه له

وخل معاك مكافئات يموت فيها و خله يعرف انها معاك

اذا رحت حديقه مثلا لا تفلته من الليش

وهو على الليش خله يشم ريحة المكافئه الي معك

و اطلب منه يجلس او اي امر يعرفه و اتقنه 100% بالبيت

و اول ما ينفذه عطه الماركر الي انت معوده عليه مثلا يسسسس او كلك بالكلكر

وكرر معاه التمارين بمكان شبه هادي

بعدها ناد اصحابك بمكان او روح مكان في شوي ناس اكثر و طبق جميع الاوامر مع التكرار

وبعدها ممكن تعوده على تطبيق الاوامر باماكن مزدحمه

بالنسبه لباقي الحيوانات اذا شفت كلب من بعيد او قط راح ينتبه الجرو من مسافه

بمجرد انتباهه شجعه وكافئه و ابعده عن القط او الكلب

مع الوقت قرب كم خطوه وكافئه

وبعدها قرب لي نص المسافه

وبعدها حاول تقرب اقرب قدر ممكن مع الحذر والتأكد من الحيوان الي بتقرب منه

هل هو حساس اتجاة الكلاب ولا فرندلي !!!!!

مع عدم اللجوء للضرب بتاتا

ممكن انك تعطي كوركشن او تصحيح بسيط اذا كان الجرو قد تجاوز ال 4 شهور

و اي سؤال لا تتردد

موفق خير

[jassim99]

كفيت ووفيت يابوفهد رديت معاك بنفس الوقت

عساك عالقوه

[Noor-Mohamed]

ماشالله والله يا بو فهد .. يعطيك الف الف عافية والله ومشكوور ع اهتماامك
ما قصرت!
انا الكلب حابه كثير بس المشكلة مافي تقدم عشان يزيد حبي فيه ،، يعني بصراحة ايش فايدة الكلب اذا ما يطيعك ويسمع كلامك!
الكلب عمره بالظبط ٤ شهور واذا شفت صووره بتقول لي يا شهرين عمره يا ٣ شهور ،،، مررررررة ضعيف وصغير ورحت اتأكدت من عمره قالولي ٤ شهور!
انا بحاول اطبق كل كلامك انشالله يا بوفهد ويعطيك الف عافية ! مررة ما قصرت!

يعطيك الف عافية اخوي جاسم !! ويسلموو ع المروور
شاكر لك اهتمامك!

[stone316]

الله يعطيك العافيه يا ابو فهد والله حتى انا استفدت من ردك الله يجعله في ميزان حسناتك

[الهولي]

ماشاءالله عليكم
كفيتو ووافيتو
استاذي ابوفهد
استاذي جاسم
ومااقدر ازيد حرف واحد على
هاذا الابداع

[Noor-Mohamed]

يعطيك العافية اخوي الهولي ع المرور!