قطتى هاتجننى خلاااااااااااااص ,, حد يرد عليا بلييييييز :(

[رضوى عصام]

قطتى كانت تعبانة و بتاخد ادوية و كدة و مانعة الاكل و بديها محاليل و من امبارح بس رجعت تشرب لبن بس بردة بسيط و امبارح الصبح نزل دم بسيط من مكان البول و من بعدها بقت على طول مبلولة من تحت حتى بعد اما انضفها و انشفها بالسيشوار بعد نص ساعة مثلا الاقيها اتبلت تانى و كمان بقت بتعمل بول كتير مش زى الاول و بقت بتعمل برا مكان الرملة بتاعها و بقت بتروح تقعد فى اماكن مستخبية فى الشقة زى ورا الكراسى او تحت الكنبة او فى اى كورنر مستخبى و الاقيها اخدت وضع كأنها هاتعمل تواليت و تفضل تحاول لكن مش بتعمل حاجة انا هاتجنن مش عارفة هوة فيه ايه عايزاها ترجع تعمل فى الرملة بتاعتها لكن بحطها فيها بتسيبها و تمشى هيا نوعها شيرازى و عندها 7 شهور ,, افيدونى بليييييييز :'(