\~ كـذا أستـفـسار عـن قـطوتي ~/

[Xx-Julia-xX]

الـسلام عليكم ، كيف الحال ؟

المهم ، مالي في المقدمات

----

توني شريت " قطوة " من 3 أيـام تقريبـا ، عـمرها 8 شهور أنثى طبعا ، من الهملايا .

و هذا صورة لـها :



----

المهم في كذا حاجة حاب أستفسر عنها :

1- الأكل :
وش مفروض أني أعطيها أكل ، أنا حاليا أعطيها دجاج و أمس الوالد أكلها خيار و كلت خخخ ، المهم حاب تعطوني نصايح من ناحية الأكل و وش يستحسن من البيت ولا معلبات وكذا ؟

2- طريقة الأكل :
طبعا أنا مدري وش قصتها بالضبط ، لمن أجي أحط لها الدجاج بصحن و أعطيها ما تاكله بالصحن ، تطلعه برى و تاكلها بالأرض ، و طبعا ذا شي الوالدة متضايقه منه ، لأن كذا يعني توصخ شوي و ما يصلح ، فـ ما أدري والله وش الحل معها فـ ياليت تعطوني حل عشان أخليها تتعود أنها تاكل بالصحن حقها .

3- اللعب :
مدري كيف ، أحس أنها ما تلعب يعني و ماهي مرحة وكذا ، يعني همها الوحيد تجي تتلزق عندي عشان أمسح عليها خخ ، و عطيتها كورة صغيرة و ما حركتها حتى ، و حتى يعني الأسلاك وكذا إذا جبت لها سلك ولا شي عشان تلعب فيه ما تعطيني وجه خخ .

و سؤال أخير بس ، هل القطط عادةً أكلهم قليل ؟


ملاحظة : ترى أنـا ولد بس النك نيم حقي على نفس أسم قطوتي

[دلوعةقطوتي]

وعليكم السلام ورحمه الله وبركاته
ماشاءالله ربي يحفظها


1- الأكل :
وش مفروض أني أعطيها أكل ، أنا حاليا أعطيها دجاج و أمس الوالد أكلها خيار و كلت خخخ ، المهم حاب تعطوني نصايح من ناحية الأكل و وش يستحسن من البيت ولا معلبات وكذا ؟

الاكل دجاج مسلوق ممكن تضيف له خضار مثل البطاطا او الجزر او الفاصوليا الذره اللي تحب
اما الخضار الممنوعه البصل الثوم الطماطم وكمان الشوكولا ممنوعه
السلق يكون بدون ملح ولابهارات
سمك او جمبري مره بالاسبوع
كبده دجاج مسلوق مع جزر او مع رز مره بالاسبوع
السيريلاك بالقمح
الاجبان مثلث او كيري
زبادي خبز بزبادي او حليب بس لاتكثر الحليب يسبب اسهال
الدراي فوود مره كويس
اما المعلبات خليها مره بالاسبوع كنوع من التغيير لانها مواد حافظه

2- طريقة الأكل :
طبعا أنا مدري وش قصتها بالضبط ، لمن أجي أحط لها الدجاج بصحن و أعطيها ما تاكله بالصحن ، تطلعه برى و تاكلها بالأرض ، و طبعا ذا شي الوالدة متضايقه منه ، لأن كذا يعني توصخ شوي و ما يصلح ، فـ ما أدري والله وش الحل معها فـ ياليت تعطوني حل عشان أخليها تتعود أنها تاكل بالصحن حقها .

نفس حركه قطوتي تطلعه من الصحن عالارض وبعدين تاكله الحل جيب شي وخليه تحت صحنها عشان ماتوسخ الارض

3- اللعب :
مدري كيف ، أحس أنها ما تلعب يعني و ماهي مرحة وكذا ، يعني همها الوحيد تجي تتلزق عندي عشان أمسح عليها خخ ، و عطيتها كورة صغيرة و ما حركتها حتى ، و حتى يعني الأسلاك وكذا إذا جبت لها سلك ولا شي عشان تلعب فيه ما تعطيني وجه خخ .
لسه جديده اصبر عليهابس جرب معاها الفار اللي بالخيط يحبون هاللعبه وكوره القصدير

و سؤال أخير بس ، هل القطط عادةً أكلهم قليل ؟
لاتخلي الاكل قدامها على طول ونظم لها وجباتها
فيه قطاوه اكلهم قليل وفيه قطاوه ماشاءالله 24 ساعه اكل
بس هي بما انها لسه جديده كويس انها اكلت فيه قطط يجلسون ايام ماياكلون لما يتغير مكانهم

[Xx-Julia-xX]

يعطيك العافية أختي ما قصرتي والله ، معلومات إن شاء الله أستفيد منها

مشكورة

[vampire-TW]

وعليكم السلام ورحمه الله وبركاته

الله يخليها لك يا راب

1- الأكل :

حاب ازودك ببعض الروابط
مفيده جداا
http://www.2zoo.com/vb/showthread.php?t=39166
http://www.2zoo.com/vb/showthread.php?t=11886
http://www.2zoo.com/vb/showthread.php?t=23750
http://www.2zoo.com/vb/showthread.php?t=85495
http://www.2zoo.com/vb/showthread.php?t=105807

2- طريقة الأكل :

صحيح كان عندي قط يستخدم نفس الاسلوب لانهما مثل غريزة تستخدم لاخذ الطعام

حاولي تحطي صحن اسفل

3- اللعب :

حاولي توفري لها كور وخيوط و تفادي الاسلاك حتى ما تضريهـــا

وبالاخير نظمي وجباتها حتى تاكل جيداا

بالتوفيــق

[مس شوشو]

مره حلووه ماشاءالله
الله يخليها لك

بالنسبه لطريقة اكلها انا قطاوتي يسوون كذا بعد اذا حطيت الدجاج بدون مااقطعه لهم
جرب قطعه مره صغار وبتاكل من الصحن ان شاءالله

وعاللعب يمكنها كسوله
جرب لعبها بالقصدير الي عندي حتى لو دايخين نوم اسوي كوره بالقصدير
ويستخفون علييه خخخخخ

[Xx-Julia-xX]

يعطيكم العافية ما قصرتو

ترى والله أنـا ولد خخخخخ