اشترك في نشرتنا البريدية ليصلك كل جديد

العـامـودي · 10-08-2011, 06:10 AM

سلااااااااام عليكم ورحمة الله وبركاته...
تحية طيبة للجميع..:-- احد يكتب موضوع هالوقت 6 الا ثلث الصباح.. المهم

بداية ً..
شكري وتقديري لجميع اداريي ومشرفي الموقع.. واعضائه المحترفين والهواة جميعا ً على مجهوداتكم ومشاركتكم خبراتكم في تشجيع هواية تربية الكائنات الاليفة بشكل عام.. والببغاوات من خلال هذا القسم بشكل خاص.. وكلي شرف بالانضمام للمنتدى .. وأمل في الافادة ..ومشاركة الخبرة.. <-- توك جديد وش هالطموح..!! وحماس لهالهواية..

<-- اخلص مع مقدمتك هذي..

طيب.. نجي دغرري للموضوع..

امسس.. قدررر الله عليي.. ودخلت محل طيور لأشتري كيس علف لطيور بيت عمي..
المهم.. والعامل يحمل الكيسس للسيارة.. وانا معاه.. وقلبي باقي المحل..

أسررته دررة صغنطوطية جدا ً هادئة ولطيفة..

عجبتني..حبيتها من اول نظرة.. فحتوتة مأنتكة كذه.. المهم قلت له هذي..!!
قال ايش..!!
قلت هاتها..! <--مافي اسلوب..!!
وانا اللي اعطيه الحساب واضرب الباب..

ومن زود العشق والحب من اول نظرة والحب اعمى وهالكلامات..

نسيت و رجعت له مرة ثانية..!!
نسيت اخذ اكل للدرة.. هات احسن نوع.. قال خذ.. واخذته .. ومكتوب على العلبة باكبر خط..وبولد عاده.. الكروااااااااااااااااااااااااااآااااااااااااان..!! بس قالي زييين ويجي.. قلت يجي سلام عليكم..!!

طيب.. <-- وين موضوعك يالخايس للحين.. احسه بينحذف من هالمقدمات..!!
نجي للمهم..

اول شيء..
باركوا لي..!!

ثاني شيء.. سموا عليها.. تراني حبيتها وسميتها ... <-- مستحي يقول الاسم

اظن صامطة اسم زين..!

اما عااد اخر شيء يطلع ذكر.. ههههههه بنسميه صامط.. وليس صامت..

لا لا امزح معكم.. مافكرت بـ إسم لسه.. :$
عاد كل واحد يدخل الموضوع يطرح لي اسم.. بس بعد ثالث شيء..!!

ثالث شيء..
هذي.. أنثى..؟
او هذا ذكر..؟

لاينط لي واحد يرمي لي لستة مواضيع حقت فحص الدي ان ايه.. ولا عينة دم..

اوالعلامات.. ابشركم.. لفيت القسم والمواضيع المثبتة..

وقريت مواضيع ياكثرها.. اللي يقول حدقة العين سودا واللي يقول حولها عنق اسود..

وتضاربت الاراء..

رابع شيء..
كم عمرها او عمرهـ..؟ وعلى اي اساس نقدر نحدد..؟

وشغلة الفصيلة او المنشأ.. قريت ان في هندي ونيبالي.. واظن افريقي.. ايش الاختلافات الوااااااااااضحة والقاطعة بينهم.. وأيهم دررتي اللطيفة..؟

خامس شيء..
اتمنى من الخبراء.. سكر سيدهم.. والبقية ممن لم اعرف بعد من اصحاب الاختصاص والمعرفة..
ارشادي بالمختصر اللطيف والفعال في تهدئة وتأنيس هالدررة الـ دررة..
وياليت اصحاب التجارب السباقين بهالمجال يفيدون بطرح تجاربهم قدر المستطاع..

سادس شيء..
هذي الصور..
والسمووحة.. ادري يمكن ولا وحدة واضحة..ههههه شسوي هي من اقررب لها تقعد تنطط والجالكسي.. عفوا ً الكاميرا اي كلام..

بس دخلت يدي بمنشفة وطلعتها وصورتها كم صورة ان شاء الله يكونون واضحين..

الله يحفظكم ويسعدكم.. كل صاحب معلومة وافادة يساعدني..

تراني متحمس مررة وابغاها من اصفر لها مدري له..يجيني من اخر البيت :$
<-- شكلي أحلم