افيدوني الله يسعدكم...

[افراح الليل]

انا قبل سنه تقريبا اشتريت زوج هامستر روسي ومر شهر بسلام وبعد هذا الشهر ولدت الانثى باربعه صغار في الليل والحمدلله رحت نمت وانا فرحان ومبسووووووط وصحيت الصباح لقيت كل المواليد ماتوا ونظفت القفص وبعد هذي الحادثه باربعة ايام بدات الانثى تعتدي على الذكر بشكل مستمر وتضربه وتعضه وما تبغاه يطلع من الكوخ الصغير اللي في ركن القفص واذا طلع بتفقع وجهه
واستمر الحال كذا يومين وبعدين قررت افصلهم واشتريت قفص ثاني وحطيت الذكر فيه وخليتهم بعيدين عن بعض لمدة خمسة عشان تهدى النفوس وينسون المشاكل وبعد الخمسه الايام هذي اللي ضلوا فيها بعيدين عن بعض قلت ارجع الذكر للانثى واشوف وكان موعد لقائهما بعد العصر وياليتني مادخلت الذكر انهالت عليه الانثى ضربا وعضته في رقبته عضه قويه وطلع شوية دم ورجعت الذكر مسكين لقفصه وهو حزين من الاستقبال اللي شافه من الانثى .. وانا احترت وش السبب اللي يخلي الانثى ماتبي الذكر اللي اعرفه انا ان النوع الروسي عادي يجتمعون والسوري ما يجتمعون الا وقت التزاوج فاحترت من الموضوع المهم..مات الذكر في اليوم الثاني من عضة الانثى وبعدين خفت اشتري ذكر ثاني للانثى ويطلع مو رجال ورمه واتورط قلت احسن شي ابيع الانثى ورحت محل صغير حق حيوانات يبيع سمك وعصافير زينه وبس وقلت للعامل اللي فيه بكم تشتري الانثى هذي قال انا مافي يشتري هذا(بنقالي)قلت تكفى يامحمد وبعد محاولات ومفاصلات وكلام كثير رضي ياخذها ببلاش ويبيعها ويستفيد..
والحين جا في بالي اني اشتري زوج هامستر روسي بس اخاف يصير مثل ما صار اول واخاف
اشتري سوري لان مشهور عنه ان ريحته جدا معفنه وكريهه تكفووووون يا اهل الخبره ساعدوني واختارو عني ودلوني للشي الصح واتمنى محد يمر على الموضوع من دون مايرد ارجوكم ارجوكم..وشكرا مقدما...