هل كرواني مريض ام كبير في السن؟

[ريش اخضر]

السلام عليكم

عندي كروان شكله كبير في السن فيه حراشيف في رجوله والخدود الحمراء حول وجه دائرتها كبيره ويمشي بتثاقل ويركب على القفص بصعوبه وكثير النوم. لما اطلعه برا القفص يطير بصعوبه بعدين ينام فتره ويقوم ويرجع للقفص او يتفرج يمين ويسار ويكمل نومه. ونومته غريبه مايحط راسه على ظهره كالباقي. ينحي راسه للارض كانه ميت وجناحه معظم الوقت طايحه من ذيله.

وهالايام صاير مرره مو طبيعي. رقبته مايله بشكل مو طبيعي للارض واحس انه يألمه لما يحاول يرفعها.
شوفوا شكله في الصوره. طول الوقت كذا في الاكل او غيره. احس ساعات انه بيموت قريب والمشكله ان زوجته بايضه وهو معظم الوقت جالس عليها كانه طايح ميت. وراسه صار يهتز غير متوازن.

افيدوني الله يرضى عليكم.

[احبكم يا طيوري]

اخوي ياليت صوره اوضح

واضن كبر في السن

[ريش اخضر]

للرفع
حالته تدهورت للاسوأ
صار نصف جسمه او رجوله منشله.
قريت في موضوع ان هناك مرض يصيب الطيور ومن اعراضه ان رقبة الطاير تميل ويتطور الوضع الى الشلل النصفي وماله علاج
.
ما ادري ايش الحل معاه نفسي اخذه لطبيب بيطري بس مااعرف اي بيطري متخصص في الطيور.
هل احد عنده طير مر بنفس الحاله؟ وكيف عالجته؟

كامرتي ماتصور بوضوح فراح اخذ له صورة ثانية بعدين من جوال ثاني..

[بودى محب الكوكتيل]

ياريت صور اوضح او مقطع فيديو يوضح حالته لكن اظن انه مريض ياريت تعرضه على طبيب بيطرى يكون شاطر
تحياتى

[Mr-Yazeed]

سلام عليكم ورحمة الله
اخوي
واضح لاكن مو باين شي لاكن اعلمك بالي شفتة
ان كانك تقصد انة مريض صور صورة ثانية
بخصوص السن
هذا كروان بالغ و كبير في سن تقريبا عمرة سنة و زيادة
وهاذ افضل عمر في التلقيح

[βǺĐ ŦỠ ЎỖЏ]

اتوقع انه احلته طبيعه لو كان جوعان لو معاه شي وروح

لـــــًٍـكَ اجٌـِـُــــًُــمل تحـٍــيــُـٌـِـِِـه

[الطائــر الغامــض]

..:: الطاائــر مريــض مــوو كبيــر فــي الســن !! ::..

..:: لأنــهـ لــوو كبيــر مــاا بتكــوون شــذي حاالتــهـ !! بتكــوون كـ حــاال الصغيــر مــع وجــوود خمــوول وكســل زاائــد وعــدم ضــااء النشاطــاات اليووميــة الحيــووية بـ شكــل ممتــااز !! ::..

..:: وبعديــن أنــاا أشــووفهـ لســاا بشبااابــهـ ^_* ::..

..:: الطاائــر ممكــن يكــوون عنــدهـ مــرض ( السيلامونيــة ) وهــوو كـ الــدوودة اللــي تجــي فــي معــدتهـ وتااكــل كــل مــاا يأكلــهـ وتعطــل الطاائــر !! ::..

..:: لـ التأكــد مــن أنــ لديــهـ هــذاا المــرض ,, امسكــهـ بـ منشفــة صغيــرة أوو قفــااز لـ تجنــب العــض وتحســس صــدرهـ ,, إذاا كــاان القفــص الــصدري بــــااارز وصاايــر كـ السكيــن فـ لديــهـ المــرض وإذاا كــاان متيــن ومــوو غريــب وقفصــهـ الصــدري ماااهــوو بــاارز فـ هــوو سليــم !! ::..

..:: ممكــن يكــوون عنــدهـ حاالــة خمــوول متقــدمة لــوو مــاا عنــدهـ هـ المــرض ::..

..:: الحــل : روووح آيــ بيطــري أوو صيدليــة بيطــري وخلّــهـ يعطيــكـ دواااء لــهـ ,, بـ النسبــة لـ اســم الــدوااء واللهـ مــاا أعــرف ::..

..:: ولــوو شلــت الطيــر لــهـ يشــووفهـ أحســن !! لأنــوو كــن يمــووت لــاا سمــح اللهـ لــوو مــاا تعاالــج ::..

..:: اللهـ يرجعــهـ بـ السلامــة ,, وبـ التووفيــــــــــــــــــــــــــــــــــــــــــق لكــ ::..

[YHK]

ياناس الي مو خبير يسأل قبل لا يجاوب ضيعتو الرجال مسكين

[ريش اخضر]

جزاكم الله خير يا اخوان على التفاعل بس الطير حالته تسوء للاسوأ احسه يسحب نفسه لما يتحرك.
اذا كنت اعرف اي بيطري للطيور كن رحت له من زمان.

ماقدرت اخذ له صوره حاليا لانكم راح تشوفون طير نايم على الارض منسدل الجناح او بالاحرى منشل
ياكل ويشرب ماي كانه طبيعي بس سيقان رجوله ماتتحرك وتوي الاحظ ان منقاره طال لانه طول الوقت وجهه بالارض ومايقدر ياكل الحبار عدل. اذا اي احد ناوي يتبناه ويعالجه يكسب فيه اجر واذا شفى يصير حلاله وانا ما بيدي حيله لابياطره زي الناس في حارتي ولا اعرف صيدلاني خبير بهالامور.

لاحول ولاقوة الا بالله..

[qassem]

ماعتقدر كبر في السن لان الكروان يعيش 10 سنوات وفوق فاتوقع انو مرض