الديك مقروص بعينه ........ عطوني حل

[ام ليان]

السلام عليكم
حبيت اشاوركم
زوجي اشترى دجاج وديك
ولما جا اليوم الثاني لقى الديك مسكر عينه والله اعلم انه مقروص فيها اما العين الثانية سليمة
حاول ينظف العين بمنديل رطب فيه مويه لكن مافاد
حتى الديك ماصاح ولا له صوت ونشاطه قل عن اليوم الاول
ومازالت عينه مسكره وش العلاج والحل

[فراوله بالعسل]

ما أتوقع مقروص
يمكن يكون مريض و الأفضل عزله عن بقية الدجاج حتى ما يعديهن

[صمت الأمل]

وعليكم السلام ورحمة اللهـ وبركاتهـ .


أهلين وسهلين بام ليان .


اختي حبيت اسألكـ ,, هل عينهـ المغمضهـ أو انفهـ فيها اي نوع من الافرازات ؟؟


عموما خذي صحن ماء دافئ وذوبي فيهـ ملح خشن أو ملح بحري ..


وغمسي قطنهـ أو قماش فيهـ وامسحو على عينهـ المصابهـ .


في الأيام الأولى امسحوها مرتين في اليوم .. اذا صار فيهـ تحسن فمرهـ باليوم تكفي .


وحاليا العزل ضروري ,, اعزلوهـ بقفص أو مكان بعيد عن الدجاج ..


واذا صار لهـ تحسن بإذن اللهـ فخلاص ممكن ترجعوهـ مع دجاجاتهـ .


وعطو الدجاج والديكـ هالخلطهـ لتقوية المناعهـ عندهم :


عصير ليمونهـ + بصلهـ متوسطهـ + فصين ثوم .


(( اذا كان عدد الدجاج قليل فنصف الخلطهـ تكفي ))


تخلط بالخلاط وتضاف لماء الشرب .. واتركوها عندهم من الصباح حتى الظهر عشان تضمنو انهم شربو منها .


ثم بدلوها بماء الشرب النظيف .


عطوهم اياها مرهـ بالشهر في الصيف ,, ومرتين بالشتاء .


هالخلطهـ من أحد الأعضاء اسمهـ أنس .. وطبقها على دجاجهـ والحمدللهـ نفعت .


بالتوفيق لكـ .

[ام ليان]

الله يجزاك خير هو كان سليم وعلى طول اليوم الثاني حصلنا عينه مغمضة
وعينه مافيها اي افرازات
مشكورين ماقصرتوا

[دجاج 2010]

اختي هل هو واقف ومايتحرك وينود اذا كذا يمكن يكون عنده مرضض في التنفس و اتمنا توديه للبيطري