صآحبي يسألني

[A A A]

السلام عليكم

والله منحرج منكم بسبب كثرة طلباتي واستفساراتي<< يعني اصبروا عليه

صاحبي سألني ان عنده دجاجه ماتأكل ولاتشرب من صباح هذا اليوم الى وقت كتابة هذا الموضوع, ( ومو باين عليها علامات المرض) ويتوقع انها بتبيض ....
- يقول هل ممكن انها من البيضه اللي فيها ( قلتله وربنا مااعرفش ) ، س / وش الحل معاها ’
مع العلم انه دايم ينوع لها الطعام >> والله مسكين كسر خاطري>>> اللهم لاشماته

ماحبيت والله اتفلسف عليه وقلتله انا أسال لك في المنتدى وان شاء الله يفيدونك

وانا بأنتظار مشورتكم الله يفتح عليكم ويارب الدجاج اللي عندكم يبيض في اليوم 2000 بيضه >>> كثر منها

[صمت الأمل]

وعليكم السلام ورحمة اللهـ وبركاتهـ .


أهلا وسهلا فيكـ أخوي ..


لاشدعوهـ !! لا كثرة طلبات ولاشيء .. افا عليكـ .


حياكـ في اي وقت .. القسم قسمكـ (( وزعت أقسام المنتدى براحتها ))


طيب اخوي بما انهـ مو باين عليها علامات لمرض ,, هل هي تتحركـ بشكل طبيعي ام عليها اعراض مختلفهـ ؟؟


اذا هي خاملهـ وماتقدر تمشي زين وتعرج .. اظن عندها احتباس في البيضهـ !!


وطبعا هذا الشيء فقط من توقعاتي ,, صاحبكـ راح يأكد لنا بطريقة الكشف عليها ..


خليهـ يمسكها ,, ويفحصها من الخلف .. اذا المنطقهـ منتفخهـ ومحمرهـ ,, وفيهـ مثل بروز للبيضهـ أو اي شيء يدل على تواجد البيضهـ ..


ففعلا فيها احتباس ,, والحل جدا بسيط ..


ياخذ سطل أو جيكـ عميق شوي ويضع فيهـ مويهـ دافئهـ (( مو حارهـ )) .. ويدخل الدجاجهـ فيها ..


راح تستسلم الدجاجهـ تماما ,, وتسترخي فيهـ ..


بعدها بعشر دقائق او ربع ساعهـ راح تبيض الدجاجهـ البيضهـ المحتبسهـ بإذن اللهـ ..


لأن المويهـ الدافئهـ تساعد على فكـ الشد الحاصل بعضلة الإخراج .


واذا مافيها هالإحتباس ,, فقول لهـ هالمعلومهـ في حالة حصول احتباس لاقدر اللهـ ,,


طيب ممكن تسألهـ ,, من متى وهالدجاجهـ عندهـ ؟؟


بإنتظار ردكـ (( أو ردهـ )) .

[A A A]

الله يسعدك على تجاوبك


يقول : معه الدجاجه من قبل اسبوع ومافيها الا العافيه وكانت كل يوم تبيض

بس من صباح اليوم وعلى قولته(( اللهم اجعله خير )) تغيرت 190 درجه لاتأكل ولاتشرب ولاتمشي مع باقي الدجاج منعزلة لوحدها

مع انه باين على الصحه والنشاط

بأنتظار ردك

[صمت الأمل]

آهااا .. يعني لسى شاريها جديدهـ .


اللهـ يستر لايكون أخذت مرض الدمعهـ من الدجاج اللي كانت معهم .


لأنهـ يسبب مثل هالأعراض اذا كان الدجاج جديد ..


مرض الدمعهـ مرض تنفسي .. ويحدث بسبب اكتظاظ القفص بدجاج كثير وانتقال احد الأمراض من دجاجهـ الى الباقي .


ويسمى بالدمعهـ لأن اهم عرض لهـ هو ظهور الدموع في العين .


يكون الدجاج صحي وطبيعي ,, فجأهـ ينقلب حالها .. وبعدها ببضع أيام تموت .


مانبي نتفاول بالشر عليها أو على اي دجاج آخر .. لكن هذا من اللي شفتهـ من اعراض هالمرض .


علاجها كلما بكر فيهـ يكون أفضل .. وهو مضاد حيوي راح يلاقيهـ عند البيطري ..


وبعد مايخلص من علاجهم ,, يعطيهم بشكل دوري كل اسبوع أو عشر أيام شوي بصل مفروم .. أو 2 فص ثوم لكل 5_6 دجاجات !!


لأن البصل والثوم يقوي المناعهـ بإذن اللهـ .


ان شاء اللهـ ماتشوفو في أنفسكم أو دجاجكم الا العافيهـ ..


وبشرنا بالأخبار اول بأول .