اريد مساعده بخصوص الببغاء اريد قاتل(( الفاش)) للاهميه

[TOOOOT]

سلام عليكم ورحمة الله وبركاته

عندي ببغاء ولاحضت انو في الليل حشرات مثل الذبابه وحجمها اصغر من الذبابه

اعتقد انها فاش وابغا طريقه للتخلص منها مجربه الحقو علي جعلها في ميزان حسناتكم

اخوكم:::: ابو شاكر

[مـحـمـاس الـمـنـحـاس]

والله ياصاحبي انا ناسي اسم البودره
لكن روح للبيطري وقول له ابي بودره مالت الفاش وبلغه انك تبغا البودره اللي ترشها على الطير مو المبيد العادي
وهو اكيد راح يعرفها
ترى هي تجي في بكتات صغيره فضيه (نيكل) ومطبوع عليها بالاسود
بس والله ناسي اسمها يابوشاااكر

[TOOOOT]

يعطيك العافيه يابو نوره

وانا راح امر البيطري

لايكون بودرة الدينصور ؟؟

[Al-Anizi]

لازم تتأكد انو فاش الاول بعدين تبتدي بل علاج اول شي تشتري مبيد الفاش من البيطري وترش الطير وتحطه في قفص جديد وتمسك القفص القديم تغسله عدل بل ديتول وتطهر الغرفه كامله الي كان فيها الطير وتهويها وترجع تسوي الطريقه مره ثانيه كل اسبوع عشان تتلاشى بيض الفاش انه يفقص ويسبب مشكله ثانيه نصيحه الي يبي يشتري طير خصوصا من السوق لايدخل القفص البيت الا بعد الغسيل وتركه في الشمس

[TOOOOT]

المشاركة الأصلية كتبت بواسطة Al-Anizi

لازم تتأكد انو فاش الاول بعدين تبتدي بل علاج اول شي تشتري مبيد الفاش من البيطري وترش الطير وتحطه في قفص جديد وتمسك القفص القديم تغسله عدل بل ديتول وتطهر الغرفه كامله الي كان فيها الطير وتهويها وترجع تسوي الطريقه مره ثانيه كل اسبوع عشان تتلاشى بيض الفاش انه يفقص ويسبب مشكله ثانيه نصيحه الي يبي يشتري طير خصوصا من السوق لايدخل القفص البيت الا بعد الغسيل وتركه في الشمس

يعطيك العافيه ياغالي بس حبيت استفسر مايضر الطير البودره الي ارشها على الطيررر؟؟

وياليت تقلي اسم البودره ...


مشكوووور ياغالي على المرووور وتجاوبك معي

[مـحـمـاس الـمـنـحـاس]

والله مدري يابو شاكر عن الديناصور بس اللي انا استخدمتها قبل ماهي الديناصور

ومدري عن الديناصور انا بس اتوقع ان الديناصور بس ترش بها القفص والاعشاش مدري ترش بها الطير ولا لا؟

[مـحـمـاس الـمـنـحـاس]

على فكره اللي اقول لك عنها انا تحلها مع مويه وترش بها الطير مو بس ترش البودره عليه

[TOOOOT]

اها مشكووووووووور يابو نوره جعلني فدوه لك يالغااااااااااااااااالي دايم سباق للخير

[Al-Anizi]

شوف شنو المتوفر عندك بودر ولا رش بس لازم تسويها اكثر من مره عشان الفاش يبيض بسرعه يعني ممكن تعالج الطير وبعد اسبوع يظهر الفاش مره ثانيه يعني لازم تكرر العمليه اكثر من مره

[عبادي1]

ماظنيت انها فاش يبوشاكر

لان الفاش صغيييير جدا وما اعتقد يطير

والله اعلم اللي عندك يجي من الاوساخ

يمكن المكان اللي فيه طيورك مكتوم وماجاه شمس ولا تنظف من فتره

يعني تأخرت بتنظيفه


انا سافرت قبل فتره لمدة 3 ايام والخدامه نست تطلع الزباله وانت بكرامه ومن يقرا

رجعنا لقيت البيت مليان منها يطير

اصغر من الذبانه واظنها تقرص بعد

اذا كانت هي اللي عندك فمالك ياحبيّبي إلا تفضي مكان الطيور وترش ابو جد المكان فليت