تعبت من الكلبة اللي عندي ......

[السادات]

السلام عليكم ورحمة الله وبركاته

ويعطيكم العافية ياجماعة الخير على كل مشاركاتكم وردودكم القيمة

الموضوع اني من فترة احاول اعدل سلوكيات الكلبة اللي عندي وهي من نوع الجيرمن شيبرد

الغلطة اللي كانت عندي هي من معلومة قالي اياها واحد الله يسامحه بان الكلب ما يتدرب الا بعد عمر سنة

والحقيقة اني حصلت على الانترنت ناس تدرب كلابها من عمر 8 اسابيع والكلاب تستجيب للتدريب بشكل سريع

اما انا فركزت على اشياء اساسية مثل قضاء الحاجة والجلوس في عمرها ولكن مثل ماذكرت في مواضيع سابقة عن ان الكلبة كانت مع حارس البيت وما كان عنده علم عن تربية الكلاب وهذا بدوره ادى الى سلبيات كثيرة في سلوكياتها

هي الحين بتقرب على سنة وانا يوميا معاها في تدريب وتعليم واستخدمت وسائل عدة منها تجويعها و وضع الاكل عندي وقت التدريب واعطاءها على حسب طاعتها واداءها للمطلوب منها ولكن بعد هذا ترجع مثل ما كانت

ما تسمع الكلام وتهرب وتقضي حاجتها في اي مكان في البيت يوم اناديها ما ترد خربت حديقة البيت

الليه يعزكم قطعت احذية اهل البيت كلهم

وعندي دراجة كانت مغطاية قطعت الطربال مالها

يعني الخلاصة صارت ضارة

واللي افكر فيه الحين اني اجيب جرو صغير وابدء معاه من جديد

ارجو منكم اخواني افادتي في مشكلتي

وشكرا

[~S3ood~]

اخوي اقرا مواضيع تدريب
ولا تحط الاكل جدامها وتقولها جذي مرح اتكون منتبها لك
عطها مكافئات
ويفيدك الرزام بخصوص التدريب

[Musab Pro]

اخي اولا التدريب يكون على حسب المراحل العمريه .

يعني تدريبات الحراسه البحته بعد سنه

اما بالمراحل الاولى لها تدريباتها الخاصه ولها حدود في قابلية الكلب .

اما بالنسبه لتصحيح الاخطاء انا انصحك تكثر جلوس ومراقبه لها .

ترتيب وقت الاكل وما تاكل ابد لين تنفذ الاوامر بالشكل الصحيح .

اجعل لك وقت للعب يوميا معها عشان ما تحس انك شخص ممل .. بل انت اللي تتوجه

له اذا بغت تلعب وتاكل وتتنضف و تحس بالحنان انت الكل بالكل .

انهرها ولو استلزم الامر اصرخ عليها لو عضت شي ما تبيه

وفر لها البديل مثل العضاضات ...

بالاوقات اللي ما تكون انت موجود فيها معها حطها بالبيت حقها ولا تخليها تطلع .

لازم تكون مسوي كنترول على كل حركه الكلب يسويها .

اما بالنسبه للحفر في الحديقه فالنهر هو المفروض انك تسويه مع المراقبه .

واذا حفرت لا تضربها بعد فتره فهي ما راح تمييز .

طريقة تعلمناها من الرازم ... ضع فضلات الكلب اكرمك الله في الحفره وادفنها .

او بلون فيه مويه وادفنه .. ولما ترجع تحفر راح تتفاجئ بشي سيء

طريقة ايضا مجربه بالنسبه للعض ولكن حطها الخيار الاخير ..

لما ترى ان كلبك يحب عض الاحذيه حط عليها شطه شوي وبيكرهها .

ارجو لك التوفيق في حال جبت كلب جديد

او استمريت مع هذا الكلب .

تقبل مروري
[/B]

[السادات]

لكم مني الف شكر وتقدير