صور كليتي (:( كلية الحقوق):)

[عاشقة الظلام]

بسم الله الرحمن الرحيم

السلام عليكم ورحمة الله وبركاته

اشلونك يا احلى اعضاء وزوار لمنتدانا الغالي توزو ان شاء الله بخير

ومبارك عليكم الشهر ورمضان كريم

من فينه ما يحن الى ايام الدراسة بحلوها ومرها ومغامراتها سواء الدراسة الجامعية او المدرسية احلى ايام العمر والله معني ما صار لي 8 شهور من اتخرجت من الجامعة وفتكيت بس احن الى ايام وازقة الجامعة وحتى دكاترتها السيئين او الي ينحطون على الجرح يبرة فليوم قررت اني اوريكم صور كليتي (كلية الحقوق ) وهية كلية من الكليات على تضمها جامعة البحرين الغنية عن التعريف.

فنبدأ بسم الله


اول شي نبدأ بنبذة بسيطة عن جامعة البحرين ومن ثم انوريكم الصور

جامعة البحرين هي الجامعة في مملكة البحرين . تأسست في العام 1986 . بها حوالي 24000 طالب .
يعود اصل الجامعة إلى أواخر الستينات مع ظهور مؤسسات التعليم العالي. أنشئت الكلية الجامعية للاداب والعلوم والتربية للمرسوم الأميري رقم 11 لعام 1978 ، وإنشئت كلية الخليج للتكنلوجيا في 1968. ثم تمت تسميتها بجامعة الخليج للمرسوم الأميري رقم (2) في 18 شباط\فبراير 1981. كانت الكليات مستقله وتقدم شهادات في درجه البكالوريوس في مختلف التخصصات والفنون والعلوم والتعليم واداره الأعمال والهندسة. في 24 ايار\مايو 1986 ، اصدر المرسوم رقم (12) لعام 1986 ، علي إنشاء جامعه البحرين بدمج الكليات. وتضم الجامعة حاليا الكليات التالية:
* إدارة الأعمال
* تقنية المعلومات
* الهندسة
* التربية
* العلوم
* كلية العلوم
* الآداب
* الحقوق
* العلوم التطبيقية
وكل كلية تتفرع الى عدة تخصصات عدى كليتي (كلية الحقوق)

نبدأ في الصور

هذي الصورة للبوابة الرئيسية للكلية


اما هذي الصورة لطرقها والحديقة

وهذي لحديقة الكلية ويبرز في الصورة مبنى التسجيل والقبول للجامعة.

صورة لعموم الكلية
وهذي الصورتين لجه من باركاتها حتى الباركات صورتها ووحدة من هل سيارات سيارتي بس ماني معلمتكم من هية
في الصور الاولى تبرز فيها حلبة البحرين الدولية للسباقات كرهتها من جد في اخر امتحان وهو المالية العامة نهائي اقدمة في حياتي كان يقام فيها سباق وصوت السيارات واصله للكلية معنها تبعد عن كليتا مسافه جدا كبير بس ما ادري ليش انطرشنة من هل صوت والصورة الاخرى يبرز فيها مبنى لكلية تقنية المعلومات والتطبيقية والعلوم والهندسة





وهذي مجموعة من الصور الداخلية للكلية


مكتب للامن
[URL=http://www.2zoo.org][/URL]
هذى المكان نموت فيه انه وصحباتي ونجلس عليه في الفترة الصباحية قبل دخول المحاضرة الاولى موقع اتسراتيجي يعدي علية كل الطلاب وتشتغل التعليقات ونشوف مواقف تفطس من الضحك.




تكملة لبقية الصور




وهذي صورتين للكفتيريا

والطاولة الى في الزاوية اليمنى في الاخير طاولتنة المفضلة ودايم نقعد عليها





واخر صورة لصورة لرسمة الدكتور فاروق الله يذكرة بالخير درسني قضاء اداري وما ادراكم ما اقضاء الاداري كان يشرح ولا حد يفهم له وكل واحد في وادي وانه جلست ارسمة في المحاضرة وهذي النتيجة الي طلعت فيها.



وكل هذي الصور صورتها يوم اروح استلم افادة التخرج عدى صورة الدكتور اتمنى ان تنال اعجابكم
ودمتم بصحة وعافية

[بايا]

**** ماشاالله عليج تقرير مسكتـ ****

اممم خليني اخمن ايهم سيارتج امممم اتوقع المكسيما البيضه الي ع اليسار ههههههه >> اجابهـ خاطئه << خخخخخ

ربي يوفقج بـ كليتج

[عاشقة الظلام]

المشاركة الأصلية كتبت بواسطة بايا

**** ماشاالله عليج تقرير مسكتـ ****

اممم خليني اخمن ايهم سيارتج امممم اتوقع المكسيما البيضه الي ع اليسار ههههههه >> اجابهـ خاطئه << خخخخخ

ربي يوفقج بـ كليتج

شكر على الرد الحلو

بس انه كملت جامعة ونظر وظيفة كان من الاحسن لو قلت ربي يوفقج بوظيفة سنعة

[m_jood]

ما شااء الله

جامعتكم تجنن ما شاء الله بس آحـلى
شيء صوورة الدكتور

مشكورة ع‘ـتغطية الحلوة

[عاشق الكوكتيييل]

انشاءالله ما تحصليين الوظيفة وتحطين لنا صور شغلكم بس آآآآخ متى اخلص من المدرسة والجماعات وبلاويها واللي قاهرني أخوانيكلهم مخلصيين الـ انا اصغر وااحدواتوقع سيارتش سني منت نوع نيسان لونها ابيض وادري ان مي هيبس قولي لي

[عاشقة الظلام]

المشاركة الأصلية كتبت بواسطة m_jood

ما شااء الله

جامعتكم تجنن ما شاء الله بس آحـلى
شيء صوورة الدكتور

مشكورة ع‘ـتغطية الحلوة

تشكر على الرد الحلو والجميل
والله يذكرة بالخير هل دكتور بذات هل صورة انشهرة في الكلية

[عاشقة الظلام]

المشاركة الأصلية كتبت بواسطة عاشق الكوكتيييل

انشاءالله ما تحصليين الوظيفة وتحطين لنا صور شغلكم بس آآآآخ متى اخلص من المدرسة والجماعات وبلاويها واللي قاهرني أخوانيكلهم مخلصيين الـ انا اصغر وااحدواتوقع سيارتش سني منت نوع نيسان لونها ابيض وادري ان مي هيبس قولي لي

تسلم عاشق بس شيل اليمم الي بعد انشاء الله
اووووووه يا عاشق باقي لك مشور طويل وجايتنك مغامرات فيها وان شاء الله تكمل مدرسة وجامعة وتذكر ايامها.
وبالنسبة للسيارة لاتحلمون ما ني قايله من هي

[بايا]

المشاركة الأصلية كتبت بواسطة عاشقة الظلام

شكر على الرد الحلو

بس انه كملت جامعة ونظر وظيفة كان من الاحسن لو قلت ربي يوفقج بوظيفة سنعة

**** ههههههههههههههههههههههههههههههههههه لوووووووووووول ****

واللهـ سببتيلي احراج بس مو مشكله متعود مو اول مره

يلا عشانج ربي يوفقج ان شااللهـ بوضيفه زينه لا و بـعد بـ ارامكو وعندنا اهني الي بـ الخبر

[الآسطورهـ]

ماشاء الله ..

والله كشخه كلياتكم

بالتوفيق يـَ رب ,, وإن شاء الله تحصلين احلى وظيفه

+ عقبالي : )

S.W.E.D

[فخاخ]

يآ حركآآآت

يالله ان شاء الله تتوظفين وتنكرفين كرف

والجآمعه خطيييرة وربي مو زي جآعآتنا هنا هع

يعطيك العافيه