استفسار بتربية الكاسكو

[أبو راشد]

السلام عليكم


طبعا مالنا الا الله ثم انتم ياهل الكاسكو نستفيد من تجاربكم

انا عندي كاسكو عمره حوالي 6 شهور او اقل

النشاط ماشاء الله تمام والولافه تمام

صارله عندي اسبوع وشوي

فيه شغلات ماحبها منه وهي العض طبعا هو مايعض دفاع او خوف عضة لعب او يحاول يتذوق اصبعي والله ياعضته توجع بعد

بس مو دايم تجيه حالات


كيف اتخلص منها ؟ لا تقولون عسل وغيره لان اعتقد هذي بتزيد تعلقه بعضة اصبعي

ايضا كيف بامكاني تعليمه الكلام بشكل امر وتنفيذ
بمعنى لما اقوله قلد صوت القطو ... يقلدها


شي ثاني كيف اخليه يحب طلعة اليد .. هو يطلع على يدي لكن للأسف مايبي يوقف اول ماطلعه يقعد شوي ثم يحاول يروح للقفص او يتسلق يدي للوصول الى كتفي




الشي الأخير .... انا عندي كروان والكاسكو بوقت لنوم اخليهم بغرفة مخصصه لنومهم ثم من الصبح الساعة 10 او 11 تجي الوالده وتنزلهم عندها تحت وفي ستاند ويقعدون مع الاهل او معي لين وقت النوم ..

الكاسكو يقلد حركات الكروان بشكل عشوائي كروانتي تحب تتسلق لكتفي ماتحب اليد
والكاسكو صاير مثلها يقلد صوته وحركاته وخصوصا سالفة الكتف ذي ودي اتخلص منها من الكاسكو



استفسار وش الاشياء اللي تخلي الكاسكو يتعلق فيني كثير ...


اسعفووني ياحبايبي