ابيلشتري صوص بس مو عافت لهم؟؟مساعده

[قطوطهـ]

السلام

اخواني انا يوم الجمعه رح اشتري صوص بس ماني عافه اي شي وانا ما ابي اشتريهم وانا مو عافه لهم فياريت تساعدوني

اولا شنو ياكل؟؟
ابي قائمه بكل شي يأكله

وهل يعض؟؟؟

ووين بغضي حاجته ((اكرمكم الله)) بكرتونه ولا لازم ادبر له مكان نفس القطو؟؟

وانا طبعا كنت ادور بهالقسم ولقيت موضوع
((تحب صوصك ادخل؟؟))
وصراحه موضوع عجبني
بس عندي مشكله
شنو هاذا؟؟


يعني شنو يسوي فيه الصوص؟؟

وهل يشرب حليب؟؟
صج انه السؤال غريب بس حابه اعرف
وبسسسسسسسس
ياريت تفيدوني

[صمت الأمل]

وعليكم السلام ورحمة اللهـ وبركاتهـ .



أهلين وسهلين فيكـ معنا يا قطقوطهـ ..



شكلكـ ماتعاملتي مع طيور أبدا .. بس عادي كل شيء لهـ بدايهـ ..



وزين سويتي سألتي أول قبل ماتشترين .. هذا الصح .



طيب ماقلتي لنا ايش نوع الصوص اللي تشتريهـ ؟؟ الملون ؟؟



أفضل لكـ بما إنكـ مبتدأهـ تيتعدي عن الملون .. لأنهـ ضعيف ومايتحمل ويموت بسرعهـ ..



خذي لكـ صيصان بلديهـ ,, ألوانها وأشكالها أجمل من الملونهـ . تعرفينها ..؟؟



وترى الصوص والدجاج طيور إجتماعيهـ ومايحب يعيش لحالهـ ,, يعني لاتاخذي واحد ..!! خذي أثنين أو ثلاثهـ على الأقل ..



الصوص يحب يعيش في التراب وفي المكان المفتوح مثل الحوش او قفص كبير وعند الشمس والنور.. مايحب يعيش في كرتون ..



وهو راح يقضي حاجتهـ في التراب بدون تدريب أو شيء ..



الصوص مايشرب حليب .. هو يحب ياكل شوي جبنهـ أو زبادي أو قشر البيض المطحون طحن ناعم .. بس لاتعطيهـ الحليب .



بالنسبهـ لقائمة للمأكولات اللي يحبها تقدرين تعطينهـ أي شيء من اللي تبينهـ يأكلهـ من البيت مثل :



الرز المطبوخ _ المكرونه المطبوخة _ الشعير _ الحبوب والبقوليات _ البطيخ _ الجرجير _ البقدونس _ الخس _ خيار _ طماط _ شوي جبن أو زبادي _ بقايا أكل البيت _ شعيريهـ _ شوي بصل أو كراث عشان المناعهـ _ فواكة مقطعهـ تقطيع صغير من أي نوع ..



يعني الخيارات مفتوووحهـ قدامكـ مافيهـ أكل خاص .. بالعكس الأفضل تنوعي لهـم .



وطبعا أنتبهي تعطيهم الحلويات أو السكر ,, خطير جدا عليهم .



والصوص مايعض .. ممكن اذا أزعجتيهـ جدا ومايقدر يهرب منكـ ينقر نقر خفيف .. لكن ماتوجع . فاتركيهـ يلعب ويستكشف بدون ماتمسكينهـ 24 ساعهـ أو تلعبين فيهـ .



آخر شيء بالنسبهـ لسؤالكـ عن وش الموجود بالصورة وإيش تسوين فيه ؟؟



أقري الموضوع اللي أخذتي منهـ الصورة كامل ,, لأنه يعلمكـ طريقة صناعة بيت للصوص في الكرتون .



بس مثل ماقلت لكـ الصيصان ماتحب تعيش في الكرتون , ممكن في الليل في وقت النوم تدخليهم فيهـ عشان يتدفأو ويناموا مرتاحين .



طيب ماقلتي لنا هل عندكـ مكان تحطيهم فيه ؟؟



الدجاج مو مثل القطط ,, الصيصان تحب تعيش خارج البيت مو داخلهـ .



واذا عندكـ إخوان أو أطفال صغار جدا ممكن يأذوها أو يقتلوها .. فإنتبهي عليهم منهم .



أي أسألهـ أخرى اتفضلي اسألي .. تحياتي لكـ .

[قطوطهـ]

ولله ما ودي اقولج شوكرا واغلط بحقج يا الغلا كفيتي و وفيتي

بس انا غريت الموضوع وهم ما عرفت يعني شنو يسوون فيهم
وشوكرا انج قلتيلي عن نقطة ان اصيصانا ما بحبو بعيشو لوحده اان شاء الله بتستري 2 او 3
بس انا بصراحه احبهم علشان لونه فحبيت انا اشتري اثنين بلدي و واحد ملون بس خايفه انهم يتضاربو هلى هم يتضاربو

ومشكوره جد جد مشكوره دمتى نجمه ساطعه بالمنتدى

[قطوطهـ]

بس عندي مشكاه انا عندي قطوه فهل فيه خوف ع الصيصان؟؟

[mustaf]

لا ما يتضاربون و بالنسبة للقطة اذا كانت بلدية ممكن توكلهم اما اذا كانت صغيرة و الها نوع فما اعتقد انها تقرب عليه لانوا انا كان عندي قطة شيرازية حطيتها عند الصوص خافت منه واتمنى اني افدتك

[طارق (الشام)]

والله معلومات الشباب دقيقة ..
لا يوجد أي إضافة
اتمنى ان يوفق الله صيصانك

[قطوطهـ]

بس ممكن سؤال هل يأكل الصوص(الكتكوت)العدس؟؟؟؟؟

[mustaf]

حطيلوا برغل ناعم احسن شي او ذرة مطحونة

[قطوطهـ]

طيب كم سعر الصوص البلدي بالدينار؟؟
و اسفه على الازعاج

[ولد الغربيهـ]

بالبركة ان شاء الله