موسم التزاوج عند الهمستر + وقت الفصل بين الذكر والانثى ( معلومة مهمه)

[صاحبة وفا]

السلام عليكم ورحمة الله وبركاته

بخصوص العيش وحيدا او بجماعات .. طبعا اللي يسمع يقول تحطهم بوقت التزواج .. أنتو بتفكرون
بتقولون متى موسم التزاوج وفأي يوم وكم المدة اللي تخلونهم فيها مع بعض ؟؟؟؟

مافي شي اسمه موسم التزاوج عند الهمستر والعذر من الجميع .. الانثى اذا فصلتها عن الذكر

4 أيام أو 5 أيام ورديت حطيتها مع الذكر بنفس القفص راح تشوف الذكر يبغي الانثى يعني يبغي عملية التزاوج .. تسوي هذي الطريقه اذا كنت تبغي تضمن ان الانثى راح تحمل ويجب مراعاة بان يكون الذكر بالغ .. اذا ماكان بالغ ماراح تشوف عملية التزاوج او حتى ماراح تشوف يتصرف بانه يبغي يتزوجها .. الذكر والانثى فقط تخليهم مع بعض يعني ماتضيف ذكر وانثى ثانية بنفس القفص
لان راح يتذابحون .. وقت فصل الانثى يكون عند الحمل وليس بداية الحمل يكون على آخر أيام الحمل وتفصلهم ايضا عند الولادة.. لان الانثى راح تهيج وتعض الذكر اذا قرب منها او يبغي يتزوجها مثل القطوة خاصة بقرب موعد الولادة

وبخصوص الامراض .. ماينقلون للانسان مرض وماسمعت مره انها صارت وخاصه اني كنت اربي مايفوق 30 همستر .. لكن يصيدهم زجام ولازم تسكر المنفذ اللي يدخل منه تيار هوائي او تسكر المروحة اذا كانت شغاله وتكون حرارة الغرفه درجة حرارة اي غرفه عادية والامراض اللي عادون فيها بعض هي الزجام والكحة والفطريات .. والفطريات يعادي بسرعه فأفصل من بين المريض والسليم مع مراعاة تعقيم الاقفاص وشعر الهامستر وتغيير نشارة خشب كل يومين للمريض ووضع ايدين فمكان الفطريات واذا دخل بعينه ايدين راح ينعمي ويكون الفصل من بنهم ليس فقط تحطه بقفص وبعدين تخلي القفص لازق بالقفص الثاني .. لازم ينعزل بروحه بعيد عن باقي الاقفاص

وهذي هي من خبرتي في تربية عدد كبير من الهمسترز