كيف اسمن قطي ؟

[Im_free]

السلام عليكم
عندي قط شيرازي ذكر والحين عمره تقريبا 4 شهور
واعطيه مقدار ملعتين كبار تونه اللي يسمونها سردينه في الصباح
وفي الليل 3 قطع على طول الاصبع دجاج مسلوق بقايا طعام البيت
طبعا الدراي فود موجود على طول بصحن مخصص في مكان تواجد القط
والحين اسبوعين مستمره اعطيه زيت كبد الحوت 1سم كل يومين

لكن

مازال جسمه ضامر ونحيف مع انه لعوب فوق العادة
لا اي عادة
فوق فوق
مشكلتي الحين مع الجسم النحيل مره مره مره
ومع نفسيته للأكل يعني سردينه الصبح
الغالب الغالب انه ماياكل الدجاج بالليل
وبرضه الشعر ماهو طويل ابد ابد ابد يمكن احسن من البلدي لكن ابد مو زي الشيرازيات
وايضا العض يعض بصورة ممله
طبعا مايعور لكن مزعج بجد
جربت الملح معاه ولقيت انها مجرد وقت لما يروح الملح يرجع يعض



اتمنى القى حل عندكم

[دلوعةقطوتي]

غلط تعطينه تونه او سريدين او سمك يوميا مره بالاسبوووع لانه يسبب اسهال وتساقط شعر
اعطيه دجاج مسلوق مع خضار مسلوقه واذا حبيت اخلط معاه شوي جبن واعطيه سيريلاك وزبادي وجبن مثلثات
او شوربه شوفان بالخلاط مع دجاج وشوي دراي فوود وانتي نظمي اكله واعطيه حبة فيتامين باليوم
و2 نقطتين زيت زيتون مع الاكل مرتين بالاسبوووع كفاااايه ولصحة شعرهاا
العض بهالعمر شي طبيعي انا تصحيني من النوم على عالعض جيبي لها العاب محشوه صغيره وخليها تعض فيها ليييين
تمل او خلي على يدك قشر برتقاله او ليمون افركي يدك فيها وبتبعد عن يدك لانهم مايحبون ريحة البرتقال او ادهني يدك بلوووشن فيه عطر ماراح يعض

[Im_free]

ربي يسعد قلبك ويوفقك في الدينا والاخره
الف الف الف شكر

[HaiDy]

التونه او سردين انسييييه ومعه المعلبات بعد انسيهم هذولي اكثر عدو لشعر وصحة القط بشكل عام


سويله دجاج مسلوق بماء فقط بدون ملح وبهارات وحطي معه جزر او بطاطس او كوسه او رز او مكرونه << هذي

الانواع المفيده وانتي كل يوم نوعي له بنوع.. وبعدين اخلطيه بالخلاط خلط خفيف لان يمكن مايحب الخضار اذا

صار على شكل قطع ياكل الدجاج ويخليه فاخلطيه عشان تضمنين انه اكل كل شي واذا قدمتيه ولا عجبه رشي

على الاكل شوي دراي فود مطحون عشان يشم ريحته وياكله كله واذا ما اكل جربي تاخذين شوي

من الخليط باصبعك وتقربينه لانفه راح تلاقينه يلعقه وقربي اصبعك من الصحن عشان يجرب ياكل

ويارب يحبه والصباح عطيه قطعة جبن مثلث او اي نوع

ومري على المواضيع المثبته عشان تتزودين بمعلومات اكثر

ويسكاس لاتعطينه ابد ولا نوع منه .. اذا تقدرين توفرين له رويال كانين افضل لك

زيت الزيتون وزيت كبد الحوت مو كل يومين .. بس مرتين بالاسبوع مره هذا ومره ذاك لاتحطينه كل يوم او كل

يومين يجيه اسهال زي بستي وقعدت فترة وراح وزنها وضعفت وخفت عليها كثير واستعملت كذا علاج لحد

ماطابت الحمدلله

[Im_free]

الله يوفقك هايدي بجد ممنونتك
الف الف شكر معلومات كافيه ووافيه
الله يسعدكم يارب

[HaiDy]

تسلمين حبيبتي واجبي اساعدك ..

انتي طبقي اللي قلنا لك وتزودي من المواضيع .. وعلمينا وش يصير معك

لاتستعجلين عليه انتي بس عطيه الاكل المفيد وبشكل صحيح .. اهم شي صحته حلوه وان شاءالله بعد فتره يدبدب

مو ضروري يتختخ يصير كوره لكن يكفي ان صحته زينه

[دلوعةقطوتي]

تسلمين عالدعووه الحلووه

[Im_free]

المشاركة الأصلية كتبت بواسطة HaiDy

تسلمين حبيبتي واجبي اساعدك ..

انتي طبقي اللي قلنا لك وتزودي من المواضيع .. وعلمينا وش يصير معك

لاتستعجلين عليه انتي بس عطيه الاكل المفيد وبشكل صحيح .. اهم شي صحته حلوه وان شاءالله بعد فتره يدبدب

مو ضروري يتختخ يصير كوره لكن يكفي ان صحته زينه

استاذتي الفاضله
يسعدك ربي هذا اولا
وثانيا ومن الله عز وجل ثم منكم اول النتايج بدت تظهر اليوم
أول مره اشوفه شبعان من فتره
حطيت له اليوم الصبح جبنه مثلث وكلاها كلها
واشتريت له السيرلاك وناويه ان شاء الله اخلطه مع البطاطس المسلوقه والخضار بس بجد خايفه من الخضار لأنه مره مايحب الكوسه ابد ابد ابد في مره هرستها له مع رز وحطيت عليهم شوي دراي فود مطحون وصار يحاول يدفهنا زي اللي الله يكرمكم لما .........
الف الف الف شكر لك ومن القلب بدعيلك انتي والأخت دلوعة قطوتها

[Im_free]

المشاركة الأصلية كتبت بواسطة دلوعةقطوتي

تسلمين عالدعووه الحلووه

العفو ولووووووووووو
حق وواجب
وياااااااااااااارب الاستجابه

[mooooode]

انا ما اعطي قطوتي الا مره كل اسبوعين سمك والاكل الجاف على طول وزي ما قالت اختي الدجاج المسلوق بس انا استعمل النقانق اكثر واوقات اخطله مع روبه قليل الدسم