انقذوا قطة صغيره

[Nora_M]

السلام عليكم و رحمة الله و بركاته
قطة بلدى صغيره , عمرها من ثلاث إلى خمس شهور بقالها يومين عمالة تنونو ليل نهار فى الجنينه اللى تحت العمارة
نزلت انا و اختى عشان نشوف مالها و لقيناها واقفة على سور عالى و مش عارفه تنزل , طبعا معرفناش ننزلها
جبنا ناس , الراجل طلع عالشجره عشان يجيبها فعشان يطلع قعد يكسر فروع منها فالقطه خافت و جريت بطول السور بعيد شويه , رحنالها من الناحيه التانيه حد يحاول يجيبها بعصايه ناحية الراجل عشان يجيبها بس معرفوش
هما الحقيقة مصبروش قوى يعنى و بيقولوا ان امها حاطاها هنا و بتيجى تأكلها فوق , طبعا دا بالنسبه لى كلام مش منطقى لان اليومين اللى فاتوا دول الدنيا كانت حر جدا , مش معقول تكون سايباها فى الحر
و هى امبارح طول النهار و فى عز الحر عماله تنونو و باليل و لا كلت و لا شربت و سامعه صوتها بيقتل فيا و هى بتموت قدامى و مش عارفه اعملها حاجه
و انا لو نديت حد مش هيعمل اكتر من اللى عملوه اللى قبليهم لان مش بيبقى عندهم احساس بالحيوان
يا ترى ايه الحل يا جماعه ؟ حد يساعدنى

[دلوعةقطوتي]

الحل جيبي لوح خشب وخليه عالجدار بشكل مائل وقربيه منها وهي تنزل منه فهمتي علي اللوح يكون بشكل مائل زي الزحليقه وبعدوا عنها شوي وحطوا اكل عند الارض ومويه وهي تنزل ان شاءالله ولاحد يقرب لانها تخاف

[لولي100]

ايوه بالضبط هذا اهو الحل اللي فوق

[دلوعةقطوتي]

نزلت القطوه والا بعد؟

[Nora_M]

المشاركة الأصلية كتبت بواسطة دلوعةقطوتي

الحل جيبي لوح خشب وخليه عالجدار بشكل مائل وقربيه منها وهي تنزل منه فهمتي علي اللوح يكون بشكل مائل زي الزحليقه وبعدوا عنها شوي وحطوا اكل عند الارض ومويه وهي تنزل ان شاءالله ولاحد يقرب لانها تخاف

احنا برده فكرنا كده ,ربنا ييسر
المشكله ان دا ممكن يأذى الجيران اللى فى الدور الأرض
خاصه انها مش هتنزل بسرعه لانها خايفه فلازم نخليه فتره
جزاكى الله خيرا , ادعلها

[Nora_M]

المشاركة الأصلية كتبت بواسطة لولي100

ايوه بالضبط هذا اهو الحل اللي فوق

جزاكى الله خيرا يا لولى

[Nora_M]

المشاركة الأصلية كتبت بواسطة دلوعةقطوتي

نزلت القطوه والا بعد؟

لا لسه , امى و اختى نزلوا بعد كده ملقوهاش
مش عارفه كانت مستخبيه فى الزرع و لا راحت فين , بيقولوا انهم دوروا عليها كتير
بعد ما طلعوا سمعنا صوتها تانى
مش عارفه بقى
ادينى سامعه صوتها اهه

[كوكي]

هو السور عالي كتير ولا ايه؟؟

لان عمر ثلاث شهور - خمس شهور يقدر ينط
يمكن عندها مشكله تانيه

يعني زي ما تكون امها ماتت او ضاعت و هي تبحث عنها

عالعموم انتم خلو لها قطعة لحم و لما تشمها بتنزل ان شاء الله

[دلوعةقطوتي]

خلي اكل على الارض وهي بتشم الاكل وتجي ان اشاءالله وطمنيني

[محبوبة من الحيوانات]

ايوا صحح حطي لها لحم و خليها لوحدها