التسنين عند القطط

[pomme]

السلام عليكم ورحمة الله وبركاته

توكلت على الله
الموضوع يا جماعة الخير عن التسنين

----------------------------------------------------------------------

من كم يوم قطوي "بيسو" كان يعاني من مشاكل في التغذية وما كان راضي ياكل بالمرة
حسيت أنه في شي مضايقة حتى لين يلعب معاي ما يقدر يعض
قلت ليش ما أشوف أسنانه
يوم أطالع أسنانه شفت أنه في لثته إلتهاب شديد مانعه من الأكل واللعب

خفت عليه وكنت أحاتي أنه في شي خطير
وكان لازم أنه ياكل صارله يوم ونص مو قادر ياكل

فحطيتله قطعة من خبز التوست ونقعتها بحليب ورشيت عليها شوية دراي فوود مطحون
يالله قدر ياكل (حبيبي هو عور قلبي)

اليوم إلي بعده على طول قلت لأخوي يوديه الطبيب يوم فحص الطبيب أسنانه قال لا تحاتي (لأخوي) القطو بصحة زينه بس عند إلتهاب في اللثة لازم تعالجه بالدوا وهذا شي طبيعي ليش أنه قاعد يسنن ( الحمد لله اهني ارتحت على بسبوستي أنه بأأألف خير)
المهم ماني مطولة عليكم

----------------------------------------------

هذي صور إن شاء الله تفيدكم
وبعض المعلومات إلي راح تفيدكم عن الدوا

دواعي الاستعمال:
--------------------
يوصف لمعالجة الالتهابات الناتجة من الجراثيم الحساسة التي تسبب إصابات الجهاز التنفسي
مثل ذات الرئة والالتهاب الشعبي الحاد والمزمن والتهاب البلعوم واللوزتين والتهاب الأذن الوسطى .إصابات الجلد والأنسجة الرخوة ،إصابات المسالك البولية وتشمل إلتهابات الكلية والحويصلة والتهاب المثانة والتهاب الجيوب الأنفية ،التهاب الأحليل السيلاني ،التهاب العظام والمفاصل.

الحمل والرضاعة:
------------------
يفرز السيفالوسبورين في حليب الأم بتراكيز قليلة يجب الانتباه عندما يعطى السيفاكلور للأم المرضع أو الحامل وعلى أن يكون ذلك تحت رقابة طبية.

الدوا إلي وصفه الدكتور أسمه ميداسيف 125
ممكن يكون بشكلين
أقراص وكبسولات

ومعلق يتخفف بماي

بعد ما يتخفف الدوا بالماي نستخدم الاسرنجة (الإبرة) ويعطى الدوا عن طريق الفم بمقدار 0.6ml

ودمتم بألف خير إن شاء الله أنتم وقطاوتكم

[الخبيرة ناديا]

ماشاء الله موضوع مميز

طرح تجربتك للاعضاء حتى يستفادو منها بادره خير منك

يعطيك الف عافيه

تقبلي مروري

[pomme]

الله يعافيج إن شاء الله
ومشكورة على المرور الطيب

[sisi_moon]

حليييييله بيســوو

تدرين / أنبسسط عليهم بهالمرحله .. أحسـهم صج بيبي

الله يسسسلمج والله ياقمـره

ماقصـرتي على عرض تجربتــج ,,

انا بصــراحه ما أستخدم لهم ولا أي شي وقت التسنين ، لان الإلتهاب طبيعي مجرد مايطلع السن تقـريبا يرووح

بس انتي لان قطوج تعب أكثثر وصاار شبه مـاياكــل .. انا قطـاوتي لا الحمدللــه , كان حالهم أفضل من كذا بكثير


بالتوفيـق والله يخليـه لج يااارب ,, ويـضاف للفهـرس تقسيـم تجـارب الأعضاء مع قططـهم

[دلوعةقطوتي]

الحمدلله على سلامة بيسووو
وثنكيووو عالمعلوومات

[pomme]

مشكورين ويعطيكم ألف عافية على المرور الطيب
والله يسلمكم إن شاء الله من كل شر أنتم وقطوطاتكم

[Elham]

ربي يعطيج العافية يالغلا ..

[أحبك توتو]

الله بعطيج العآفيه جمـ عمـرهـ و الله يحفظه لج

[الخبير نايف]

اختيار موضوع مميز

مشكوره على طرحك للموضوع

[مربية قطط]

يعطيك الف عاافية
والحمد الله على سلامه قطقوطك