تكفون ساعدوني طفشت منه انا يا اذبحه او يذبحني

[ذيب امعط]

السلام عليكم
ياجماعه الخير ساعدوني انا طفشت من اللي عندي والله مجنني مخليني انا الكاسكو واهو المربي !
اللي عندي طير افريقي كبير بالعمر عينه بيضه مايله للصفار فيه سنتين وشوي والطير ماشاء الله صحته جيده ويصفر ولما تصفرله يرد عليك ومرات تقوله كوكو يرد يقول كوكو بس مشكلته الجعيييييير !! والاخ مايجعر الا على الرجاجيل والحريم عادي قمت اغار على اهلي منه !
وجدوله اليومي الصبح يقعد يجعر يجعر ليمه تجي الخادمه وتفتحله الباب ويطلع يقعد فوق القفص ومرات ينزل بالصاله يتمشى واذا جاه احد انحاش وصعد فوق القفص ولما يجوع او يعطش ينزل ياكل ويرد يطلع مايطيق القعده داخل القفص نهائيا وهذي حالته الصبح كله لين تغيب الشمس لاحس بدوخه نزل داخل القفص وتجيه الخادمه تسكر الباب وتغطيه ينام
وعلى هالحاال يوميا وطبعا حاولت معاه الترويض بطريقه اخونا العزيز سكر ولكن مافاد ولا تغير شيء نهائيا .. واحد من الاخوان قالي عليك بالتجويع هو اللي يخلي الطير يتأدب .. وجوعته حول ال 5 ساعات ولكن هم مافاد ولا كأنه جوعان خفت اجوعه اكثر يموت فروضني اهو وخلاني احطله اكل
ساعدوني ابي حل معاه انا ابيه يترك التجعير لما يشوفني وماينحاش مني ماني عارف ايش اسوي
وهل تنصحوني اجوعه مده طويله مثلا خمس ساعات واذا ما لقيت استجابه اطنشه ساعه زياده واجرب معاه لين يتأدب ويحس انه بيموت اذا ما اكل من ايدي ؟ واذا في طريقه تقترحونها علموني وانا اخوكم الصغير
ساعدوني يالنشاما والله لا يخلينا منكم

[ashrafco]

وعليكم السلام ورحمة الله وبركاته

الله يكون بعونك يا أخي

انا كان لدي نفس القصة منذ فترة ولكن بعته وريحت راسي وشريت واحد مروض بنسبة 80%

طبعا الطير اللي عندك يتروض أكيد ولكن ممكن يأخذ وقت أكثر

إن شاء الله يفيدونك الأخوة اللي أكثر خبرة مني بهالأمور

لكن طيرك عليه طقوس خيالية هههههههههههههههههههه

السلام عليكم

[غسان الاشقر]

ياحبي لك يالذئب

والله موتني من الضحك

طيرك يا سيدى الفاضل يحتاج انك تتواصل معه مو الشغاله

اول شي يبيلك تطول بالك وتصبر عليه
وتتكلم معه وتقوله الجعير ما يفيد ابدا
وعلمه على طريقه اذا بغي يطلع يقولها وهي كالتالي:
وهو داخل القفص تعال عند بابه وافتحه وقله افتح بصوت عالى وسكر الباب ومره ثانيه كررها له كل يوم اكثر من مره يعني 10 بالصبح و 10 بالضهر و 10 بالعصر و 10 بالمغرب و 10 بالعشاء
وخبره بانه ماراح يطلع الا اذا قالها اما الجعير فما ينفع البته <<<<< البته هذى متعوب عليها.
انا كان عندى طير كبير زى طيرك وعلمته على هالحركه فصار لما يبي يطلع يصوت باعلي صوته فيصل فيصل اسم ابني الكبير ولما يرد عليه فيصل يقوله الطير افتح فيفتح له فيصل فيطلع.

الله يسعدك ياشيخ من جد ما ضحكت زى كذا من زمان

اتمني لك النجاح مع الاهو وش اسمه ترى لازم تسميه

اقولك سمه جعار

هههههههههههههههههههه

فائق احترامي وجل تقديرى

[’Parrot ’fofo]

اخوي انا توني مفتك من مشكلة التجعير...

عليك بالعسل...يمكن ما يعجبه في البداية بس بيعجبه غصب بعدين....
حط حب شمسي مع عسل و وكله بيدك...ولا تكثر يعني 3-6 حبات باليوم ...
وبيصير هو الللي يجيك..

[د. إحتـراف]

المشاركة الأصلية كتبت بواسطة غسان الاشقر

ياحبي لك يالذئب

والله موتني من الضحك

طيرك يا سيدى الفاضل يحتاج انك تتواصل معه مو الشغاله

اول شي يبيلك تطول بالك وتصبر عليه
وتتكلم معه وتقوله الجعير ما يفيد ابدا
وعلمه على طريقه اذا بغي يطلع يقولها وهي كالتالي:
وهو داخل القفص تعال عند بابه وافتحه وقله افتح بصوت عالى وسكر الباب ومره ثانيه كررها له كل يوم اكثر من مره يعني 10 بالصبح و 10 بالضهر و 10 بالعصر و 10 بالمغرب و 10 بالعشاء
وخبره بانه ماراح يطلع الا اذا قالها اما الجعير فما ينفع البته <<<<< البته هذى متعوب عليها.
انا كان عندى طير كبير زى طيرك وعلمته على هالحركه فصار لما يبي يطلع يصوت باعلي صوته فيصل فيصل اسم ابني الكبير ولما يرد عليه فيصل يقوله الطير افتح فيفتح له فيصل فيطلع.

الله يسعدك ياشيخ من جد ما ضحكت زى كذا من زمان

اتمني لك النجاح مع الاهو وش اسمه ترى لازم تسميه

اقولك سمه جعار

هههههههههههههههههههه

فائق احترامي وجل تقديرى

افادك المبدع غسان باشا

واحب ازيد على كلامه بعد اذنه , اذا تبي تعلم الطير شي من الساعه 10 الليل شيل الاكل والمويه من عنده وغط القفص وخله ينام ومن بعد صلاه الفجر تبدأ اما في التدريب او تعليم الكلام .

وتذكر اهم شي الحافز واكثر من الجلوس مع الطير عشان يتعود عليك وانت تقدم له الاكل والماء بنفسك وتناديه بأسمه وانت تقدم له الاشياء

تقبل مروري

[Black Die]

اعطيك شي حلو..!(من الآخر)
بتجيني بعد كم يوم وبتقولي زبط.!100 ع 100 إدا طبقت الصح


حط في يدك عسل وحطه في بوزه(فمه) وهو في القفص ولا تخاف منه...ما بيعضك
وتالي بيعجبه الوضع كل مره يبي يلحس.!
بالنسبة للخوف..!هدي يبيلك تسعمل هدي الطريقه

http://www.2zoo.com/vb/showthread.php?t=118919

وإترك عنك سالفة التجويع..<<أحسها ظلم للطير.!-__-"

[يوفاوي الكويت]

الكل يحب الحريم مو بس الكاسكووو ههههههههههههههههههههههههه اتغشمر معاك

بصراحه انا ملاحظ هالشي الكاسكو يحب يتعامل مع الحريم اكثر وسبحان الله ما يجعر ولا يعض من يشوف الحرمه

انا ما راح ازيد علي اخواني شي الا اوصيك بالعسل الي كان عندي والله بثلاث ايام فقط وقف الجعير وبداء ياكل من اليد ويطلع علي اليد والفضل لله اولا ثم العسل
وبالتوفيق يارب

[Need not to know]

أول شي تحتاج تفهم طيرك وتستوعبو,, المشكلة مو في البغبغان إنما فيك إنتا,,

إنتا أهتم بيلو وأتعامل معا مو الشغالة,, أما لما الشغالة تتعامل معا وإنتا ما شاف منك غير التجويع شي مستحيل حيحبك,,

لا تجوع ولا تستعمل الطرق العنيفة,, أفهمو وخلي يفهمك,, خلي يحبك واهتم بيلو إنتا,, في كتير مواضيع في المنتدى عن تدريب البغبغان وكيف تعودو عليك وكدا بس بدون طرق عنيفة,,

الطريقة تبع سكر عشان يطلع على اليد واللي حط رابطها Black Die مهي لبغبغانك,, شوف إيش كتب سكر:

اليوم أقدم بين يديكم طريقة من إبتكاري مناسبة للجميع,,, علماً أنني في الغالب أجبر الطائر على الصعود بسهولة, بالطرق الإعتيادية والمباشرة,,

ولكن هناك بعض الحالات التي لم تستجيب للطريقة القديمة, لذلك ابتكرت هذه الطريقة,,

وتم توثيقها بالفيديو وقت تطبيقها,, بمعنى أن الفيديو يوضح نجاح العملية مع طائر حاولت معه بشتى الوسائل أن يصعد على يدي ولم أستطع إلا بهذه الطريقة,,

يعني مهي لبغبغانك لأنو حسب اللي إنتا كتبتو هوا بغبغان جيد وتقدر تروضو لو حسيت إنو إنتا السيد (السيد الطيب طبعا,, أما من كلامك إنتا عندك قناعة وحاسس إنو سار هوا المسيطر وإنتا بتحاول تكسر سيطرتو بالقوة) وعاملتو بلطف وما استعملت الطرق العنيفة وخدمتو بنفسك,,

في أمان الله ^^

[جزيرة الحب]

انا عندي نفس مشكلتك
بس الفرق انه اذا شافني عديت من عنده يرمي نفسه
في ارضية القفص ويجعفر باعلى صوته
الله يعينك
بيعه واشتري غيره ريح دماغك

[راينو]

اخوي وش ازيد على كلام الاخوان
ما اقول غير
الله يوفقك و انشوفك مروضه ان شاء الله