pleez me7tar محتار؟

[azeezoon]

اخواني انا فكرت اني اشتريلي قطه صغيره لكن الانواع كثيرة و انا بصراحة احترت

انا ابي قطوه حلوه لعوبه صغيرة << و اهم شي ما تكون راعيت مشاكل يعني تخرب الاشياء الخ

انا بصراحه القطط الي عجبتني هي القطط ذات الشعر الكثيف

وعندي بعد كمن سؤال:

1-شنو الاغراض اللي تحتاجها الاساسيات << انا شفت مواضيع لكني تعقدت لانه في اشياء واجد

2-شلون اعرف انها سليمه ما فيها مرض

3-هل تفضلوون اني اشتريه من مربي ولا من محل

4-ابي طبيب بيطري بلكويت عشان التطعيم

5-انا راح احطها برا بلحوش بقفص كبير على ما تتعود على الليتر بوكس هل مافي خطر عليها << تبعا راح اطلعها منه

6-افضل انواع الاكل لها

7-انواع حبيبات الليتر بوكس اللي ماتطلع ريحه


ادري تعبتكم معاي لاكن مايخالف سامحوني

مشكور على تعاونكم

[القط مياو]

1-الاساسية مي قليلة لازم اشياء كثيرة وكلها موجودة في الفهرس

2-شوف في الفهرس ماعندي معلومات كثيرة

3-اذا تبغى تشتريه مربي مافي مشكلة

لكن لو انا عندي بسة بشتريهة من محل علشان تتعود علي واكتسب خبرة

4-ماعرف طبيب بالكويت سوري

5-القط حيوان يحب الحرية وما يطيق المناطق المغلقة حتى لو كانت كبيرة شوي

6-لو عندي قط انوع له الاكلات مرة داري فود ومرة اكلات اخرى

معلومات عن الداري فود

http://www.2zoo.com/vb/showthread.php?t=124132

معلومات عن كل الاشياء المتعلقة باليتر بوكس ل السنيورة انو

http://www.2zoo.com/vb/showthread.php?t=101695

اكلات شيقة وسهلة للقطط

http://www.2zoo.com/vb/showthread.php?t=55253

ماذا عليك ان تشتري لقطك قبل احضاره المنزل كثيرة لكن مهمة

http://www.2zoo.com/vb/showthread.php?p=539023

بس وان شاء الله اكون افدتك

وبالتوفيق

القط مياو

[مِسك الكويت]

3-هل تفضلوون اني اشتريه من مربي ولا من محل

كيفك بس انا انصحك بمحل بسوق الحمام قطاااوته تجيب العااااافيه ..

ماعرف اوصفه لازم ادلك عليه لأنه مع لويه المحلات مادري بالضبط

4-ابي طبيب بيطري بلكويت عشان التطعيم


بسوق الجمعه جدام سوق الحماام بالضبط يعني يصير بين سوق الجمعه وسوق الحمام اسمه مستشفى الدهماء البيطري وفي وراه واحد بعد بس الكل يمدح مستشفى الدهماء واذا تبيني ادلك يالسمي ماعندي مانع وبس

[مِسك الكويت]

1-شنو الاغراض اللي تحتاجها الاساسيات << انا شفت مواضيع لكني تعقدت لانه في اشياء واجد

ايي بالنسبه للأغراض تحصلهم عند سوق العلف اللي يصير يمين سوق الحمام تشوفه كله اقفاص وعلف .. تلقى عندهم كل اللوازم بس كاسر الهندي

[azeezoon]

ههههههه

مشكوور اخوي و ما قصرت انا صراحت اب بالي الراغدول هل تنصحني فيه و لا الفارسي احسن او الشيرازية

انشاءالله انا رايح يوم الجمعة اشتري وحدة

مشكوووور اخوي و ما تقصر

[مِسك الكويت]

ما تحصل راغدول يمكن تلقى هجين سيامي مع شيرازي انا افضل تاخذ شيرازي ومو ابيض لأنه يبيله اهتمام بسرعه يتوسخ على فكره سوق الحمام يبطل كل يوم بس الزحمه والشغل والناس اللي تعرض برى المحلات من بيوتهم اكثر شي جمعه وسبت طبعا من الصبح للمغرب احسن وقت لوووول واذا تبيني اروح معاك ابشر انا فاضي .. رووح السبت عشان يكون البيطري مبطل وتروحله على طول يبطل الصبح والعصر ماعدا الجمعه