مساعدة صغيره..

[°•»X«ζ͡ĄβąĐy»X«•°]

السلام عليكم ورحمة الله وبركاته
اخواني الأعزاء عندي بعض الاسئلة بخصوص الرقاد على البيض وابغى شوية اجوبه

قبل 9 ايام دجاجتي رقدت على ابيض ( كانوا 3 بيضات)
وطبعاً انا قلت دام رقدت لازم احلل معاشها بـ اضافة بيض زيادة
أنا حطيت 17 بيضة مخصبة زيادة على دفعات
كنت احطهم يوم بعد يوم
والحين تحتها 20 بيضة وهو مايسعها حضنها
وكانت احطه جنب جناحها
وهي طبعاً تفكره بيضها وتظبطة وترقد عليه
واليوم هو اليوم التاسع لها
انا حاط الاكل والماي صوبها
بس مااحسها تاكل عدل
واتوقع صادها نقص كالسيوم
لانه الريش المنتوف اختفى من جنبها
واليوم حاولت اطلعها من العش وقلت ( يلعن ابوه بيض , اخسر البيض ولا اخسرك انتي)
وقمت شلتها وحطيتها على الارض
( حصلت صعوبه في شيلها لانها كانت تعض )
ويوم نزلتها صارت مثل الام المجنونه الا بايقيين حلالها
فقمت ورديتها للعش
وظبطت البيض وردت رقدت فوقه
( العش مفروش بـ نشارة الخشب)
بجيب صورة قريباً
وها هنا سؤالي....
شلون احافظ على تغذياها بحيث اخليها تاكل زين وهي راقدة في مكانها...
وابغى بعض التعليمات لتربية الصغار اول مايفقسوا
اعرف انها بتربيهم
بس لو اقدر اساعدها بإني احط نوع محدد من الطعام....الخ
---------------------------------



والمشكلة الثانية
عندي دجاجة سوت لها عش تحت القفص ( مكان مايقدر يوصل اليها الديك فيه) وقامت باضت فيه وباليوم الثاني قاموا الدجاج باضو فيه ( بنفس العش)
والحين عدد البيض تقريباً وصل 15
وهي ترقد عليه بالليل فقط
وبالصبح تيي دجاجة ثانية وترقد عليه
حسبي الله ونعم الوكيل
كأنه الدجاج صاروا يشتغلون زامات
مرة هذي ومرة هذي
فيه حل لهذي المشكلة؟
وشكراً

أتمنى اني فصلت المشكلة تفصيل دقيق