استفسارات عن البلابل

[عشق طفولي]

,‘

بسمـه تعآلـــــــى

السلام عليكم ورحمـــة الله وبركااته

لدي استفسآرات عن البلابل ,,


من ما يقارب السنه والنصف ، اصبح لدي بلبل وكان صغير ودربته " ذكر "

وبعدها بكم اسبوع جابوا لي بلبولين اخوان " ذكر + انثى " بس ما دربتهم

المهم ، اني ربتهم جميـع بس البلبل الاول بقفص ، والاثنين الاخوان بقفص غير

ولما شافتهم اختي كذا آلمها قلبها وحطتهم مع بعض بقفص واحد

فـ اصبحوا " ذكرين + انثى " بنفس القفص

وبعدها اخوي عصب وفصل الاخوان عن بعضهم ، وشال الاخ وترك الانثى مع المدرب

قال وشو .. عشان يتدرب اذا صار بقفص لحاله وهو كبير مدري من وين يا حظي

المهم بعدها قلت ابجمع شملهم وشريت قفص جديد وحطيتهم ثلاثتهم فيه

والقفص كان نوعاً ما معفن ، لآن البيبآن " الباب " اذا انفتحوا ما يتسكرون بالضبط

فـ لذلك الذكر أخو الانثى شافه شوي مفتوح فـ حب انه يتلقف ويطلع برى القفص ، وشبكت رجله بالباب وصارت " رجله برى القفص وجسمه داخل القفص "
وكان خايف ، ورحت اركض وجبت سكين
وفتحت الباب بس رجله كانت مفصوله نوعا ما عن جسمه

وقلت لـ اخوي وديه للدكتور بس ما ودوه ، يقولون ما تعتدل رجله خلااااص

وبعدها مضت الايام و انفصلت رجله نهائياً عن جسده

والحين ما فيه الا رجل وحده

والذكر المدرب لآعب فيه ومكفخه وما يبيه ونتف ريشه
لين البارح حبسه بجهه وكان يشيل يشيل بالريش وشال ذيله كله

وانتبهت ان الانثى ما تخاف مني ومن تشوف الذكر المدرب يوقف على راسي تجي معاه توقف على راسي

عذراً على القصه الطووووويله .. بس لازم امهد لكم السالفه

نجي الحين للمهم :

* هل هنآلك علآج لـ رجل الذكر المفصوله ؟؟
لانه مسيكين ما يقدر بعض الاوقات يوقف على رجله لحالها
وحتى ما يقدر يطير عدل ..

* واذا ما فيه وش اقدر اسوي له ؟
اخواني اللي يقول لي اذبحيه وخليه يرتاح
واللي يقول لي طيريه وهو مسكين مو عارف يطير


* وش السبب اللي يخلي الذكر المدرب يكفخ الذكر الثاني ؟
هل معنآه وسبب المشكله هي الانثى ؟؟


اذا افصل المدرب عن الذكر والانثى عشآن يرتحون منه ومن شره
واحطه بقفص لحاله يصارخ بقوه ويغرد بصوت عآلي وبنبره حزينه
واهم بعد ينادون عليه بصوت عآلي
وقلبي يوجعنـي عليهم وارجعه لهم .. ويرجع يكفخهم على طول انثينهم

وش اقدر اسوي ؟؟

ساعدوني

[محمد جمعة]

1- لا يوجد علاج فقط ابعدة عن الطيور الاخرى

2- افصلو احسن حل

3- هذا شيء في غريزة الذكور يعني لو شلت الانثى راح يضلو يضرب فيه

[عشق طفولي]

,‘



مشكوووور أخوي


يعني اخليه ع هالحال لين يموت ويرتاح


طيب عندي سؤال آخر ,,


البلابيل كبآر ‘‘ وأكلهم ما يعرفون يآكلونه لوحدهم ,,

اكثر من مره اشوفهم يحاولون يدخلونه بمنقارهم بس دايم تطيح

وما يعرفون يآكلون لوحدهم ، يعني لازم ااكلهم

وشلوووووون اقدر اخليهم يعتمدون على انفسهم ؟؟

وهل اذا أكلوا لوحدهم يخترب التدريب وما عاد يعرفوني ؟

ومشكور مره آخرى

[محمد جمعة]

ضع لهم الطعام الطري يعني مثل البندوره وراح يتعودا وطبعا حاول ان تطعمهم بيدك على الاقل مرة واحدة قي اليوم

[فجر77]

قصة مأساوية

[Dark.Love]

قصة تكسر الخاطر



في حلين
1/انك تفصل الطير المدرب عنهم

2/خلي المدرب مع الأنثى >> عشان يتزاوجون

وافصل الذكر الآخر عنهم

هذا رأي ولكن ربما يضرب بالحائط



الله يوفقك

[abo-khallody]

فعلا قصة مأساوية

والذكور في الطيور مثل النار والبنزين مايجتمعون

[عشق طفولي]

محمد جمعه :

مشكووور أخوي ع المسآعده

وحطيت لهم طمآط ,, وما اكلوه

وَ للحين أأكلهم بنفسي

*********

Dark.Love :

حالياً فصلت الذكر " اللي فيه رجل وحده " عنهم

وخليت الذكر المدرب مع الأنثى ,,

بس ما فيه فايده

رجع الذكر المدرب يضرب الأنثى ويحبسها بمكآن وما يخليها تآكل

ومن كم يوم فصلت الأنثى وخليتها مع الذكر الثآني ,,

وما كانت ترضى تنزل معآه ومتعلقه بالشبط حق القفص

وتنآدي على الذكر المدرب وهو كذلك

" اللي متعجبه منه ، أنه يضربها وَ تبيه "

وخايفه اجيب لهم عش وما ينفع معاهم

مشكوووووور أخوي

*********

abo-khallody :



والحل ؟

الذكر اللي لحاله ,, صار ما يغرد وإذا وقف على العصآ يطيح ع طول

[Dark.Love]

Dark.Love :

حالياً فصلت الذكر " اللي فيه رجل وحده " عنهم

وخليت الذكر المدرب مع الأنثى ,,

بس ما فيه فايده

رجع الذكر المدرب يضرب الأنثى ويحبسها بمكآن وما يخليها تآكل

ومن كم يوم فصلت الأنثى وخليتها مع الذكر الثآني ,,

وما كانت ترضى تنزل معآه ومتعلقه بالشبط حق القفص

وتنآدي على الذكر المدرب وهو كذلك

" اللي متعجبه منه ، أنه يضربها وَ تبيه "

وخايفه اجيب لهم عش وما ينفع معاهم

مشكوووووور أخوي

*********

العفوو

ربما الأنثى توالفت مع ذلك الذكر والآن فترة تزاوج وهي ربما تريد التزاوج معهـ

ولكن إذا كانو في قفص اتوقع مايتزاوجوا

لأن البلابل تتزاوج في حاله الطيران >> كما سمعت

[Taboo]

الله يعيينك..

وان شاء الله تلاقي الحل من الاعضاء ,,

تقبل مرووري..