ممكن مساعدة ياشباب بخصوص الكاسيكو الافريقي

[مجنون الكاسيكو]

مرحبا شباب انا عندي كاسيكو رمادي صغير تقريبا عمره 4 شهور المهم يصفر ويتكلم بعض الكلمات

وساعات مايتكلم ولا كلمه كل ساكت ولما اجي احط له حب شمسي يحدفه برا القفص

وبعد الاحيان ياكل بشراسه بس هالكاسيكو لظيف امسح ع ريشه مايعض يبي حنان شكله

بس المشكله البعوض والدود متواجده في القفص كل يومين اغسل القفص ويرجعون هل تأثر عليه ولا عادي وكيف ا خليه يتكلم بكل وقت وياكل بشكل منتظم وفيه مره اكلته حب شمسي مالح هل يأثر عليه ولا عادي وش الاكل اللي يحبه الكاسيكو غير الحب شمسي ؟ وشكرا لكم

[راينو]

اخوي ما اقدر افيدك على كل شي
بس بالنسبة للدود و البعوض اذا كان القفص مصنوع من خشب
انا انصحك تغير القفص و اما اذا كان حديد ما ادري
و بالنسبة اذا بغيت يصفر و يتكلم
انا عندي طريقة انا جربتها
انك تسجل صوت او فيديو
و هو يصفر و يتكلم
و اذا بغيت يتكلم اقعد عنده و شغل الصوت او الفيديو
و انا جربتها و نفعت الحمد لله
و ان شاء الله تنفع معك
تقبل مروري

[د. إحتـراف]

السلام عليكم

اخي العزيز اتوقع انك ماتنظف القفص زين

اذا غسلت القفص لازم انك تغسله بديتول مطهر يقل الحشرات والدود

وحاول ان القفص يكون مرتفع عن الارض عشان الحشرات ماتقدر تطلع له


تقبل مروري

[vipaltear]

بالنسبة الى الدود والبعوض اهني لازم تجوف وين مصدرهم ووين محل القفص بالاساس هل اهوا في خارج البيت في محل رطب ام داخل البيت انا اتصور اذا داخل البيت والقفص اكون من حديد ومطلي بمادة ضد الصدى اهني شبه استحاله يجتمع الدود والبعوض فاتمنى منك توضح الامر من شان نقوم بالرد المناسب
ولكن بصفه عامه لاتخليه في مان بارد ولا حار جدا خليه في جو معتدل بعيدا عن المكيف والتيارات الهوائية

اما بالنسبة للحب الشمسي الماله انا ما انصح به فاعطه حب غير مملح وايضا من متى الكاسيكو في طبيعته بس ياكل حب شمسي؟
يعني نوعله بالاكل هناك خلطه ابعونها في المحلات للكاسيكو فيها فواكه مجففه وحب شمسي ومكسرات والى آخره وايضا لاتكثر من الفول السوداني فاعطه في اليوم وحده ولا ثنتين فقط لا اكثر لان ممكن اسبب له اسهال راح تجوفه احب الفول السوداني بس انت خلك منه واعطه وحده او ثنتين

اما بخصوص انك تمبيه يتكلم دائما استنى عليه اكثر لانه صغير جدا ولما يكبر بصير كلامه اوضح واكثر وبتتمنى انه يسكت وراح اجننك من كلامه ان شاء الله

بس حافظ عليه وهوا في هذا العمر لان مناعته جدا قليله

والمعذرة على الاطاله تحياتي لكم