إيكو بالصور.... وشويه استفسارات...

[maya the cat]

السلامو عليكم ورحمه الله وبركاتو

كيفكم ان شاء الله تمام

انا على قد ما اربي حيوانات ما قد فكرت بطيور

بس جاني ببغاء رمادي هديه بقفصو

وانا للاسف ماعندي اي نوع من الخبره في دا النوع من الطيور او في الطيور بصفه عامه

فياليت احد يساعدني ويرد على شويه استفسارات

هو عندي من شي اسبوع تقريبا

ودي صور إيكو (يعني صدى بالانجليزي لانو متأمله على قدام ان شاء الله يتعلم يتكلم ويردد الكلام)




دي صوره من قريب اعتقد تقدرو تميزو العمر من لون العيون




طيب نجي للأسئله

_ كم عمر االتقريبي للببغاء تبعي؟؟

_ وايش حكايه الحلق الي برجلو؟؟.... حاولت اقرا ايش مكتوب بس خفت يعضني ... خلي كمان كم يوم عبال ما ياخد عليا ....

_ وكمان من اول بقرا بالمنتديات عن القفص الي ينفتح من فوق ... لي تبعي مو زي كده
وهادا قفصو



_عندي مشكله انو مررره مما يحب القفص... جدا اتعب معاه لمن ارجع ادخلو القفص وقت النوم يفضل يجعر ومرره يعصب ...ايش اعمل؟

_ كمان شي.... انا عندي بساس بالبيت ... والين دحين الوضع تمام.. وشايفه انو بساسي هيا الي خايفه من العضو الجديد بالعيله....
يعني اطمن على قدام ما يحصل بينهم شي؟؟؟؟؟

_وشي تاني ... بدي اروشو ... لانو حاستو بيهرش بجسمو... اخاف يكون في فطريات ولا شي..... بس اخاف يكرهني ويزعل... لانو جدا مزاجي الي عندي .... وغير كده اخاف يمرض عليا ... ايش الحل؟؟

_ وكمان سوال للقافه.... كم سعر دا الببغاء ... اتوقع اشترولي هوا من جده... مو راضيين يقولو سعرو على اساس هديه وما يسير

_ اخر شي في بيطري كويس في مكه لحالات الطوارئ لا قدر الله... وعشين اضافيرو مره نكبتني بدي اقصلو هيا؟؟

وتشكرااااات مقدما لكل نفر ونفره