سؤالين بخصوص الأكل + المضاد الحيوي

[alwahaj]

السلام عليكم

اولا

اليوم وانا اتمشى في سوق الطيور

شفت نوع أكل وعجبني واخذته وحبيت اخذ رايكم فيه خصوصا المهتمين في الكاسكو

وهل الاكل هذا مفيد له وصحي علما بأنه بلجيكي

هذي صورته




ثانيا

وانا اكلم الشخص اللي هناك وهو دكتور او بيطري شي جيه يعني

سالته عندك مضاد حيوي مفيد للكاسكو واقدر اعطيه اياه

مرتين في الشهر للحمايه والوقايه لا اكثر ومب شرط يكون فيه شي الطير

قالي اكيد ومافي منه مضره ابد وهم ممكن يحمي الطير ويقويه

هذي صورته




السؤال هل استخدام المضاد الحيوي هذا بدون سبب يعني الطير مب مريض

يسبب مشاكل او انه بالعكس مفيد وممكن يقوي مناعه الطير


ودمتم بكل خير

[حب استطلاع]

وعليكم السلام
الخلطات البلجيكية الخاصة بالببغاوات مفيده
لأن محتوايتها عبارة عن خليط من الحبوب
بالإضافة إلى الفواكة المجففة
بس أنتبه لتاريخ الصلاحية
وبالنسبة للمضاد ما يضر
والأفضل إستخدامه وقت الحاجة
أو إذا كنت توك شاري الطير تعطيه من باب الوقاية
وكثير من المربين يعمل نفس الطريقة قبل ما يضيف طير جديد لمجموعة طيوره
حتى إذا كان فيه مرض يعالجه قبل ينتقل لطيوره
بالتوفيق لنا ولك

[alwahaj]

المشاركة الأصلية كتبت بواسطة حب استطلاع

وعليكم السلام
الخلطات البلجيكية الخاصة بالببغاوات مفيده
لأن محتوايتها عبارة عن خليط من الحبوب
بالإضافة إلى الفواكة المجففة
بس أنتبه لتاريخ الصلاحية
وبالنسبة للمضاد ما يضر
والأفضل إستخدامه وقت الحاجة
أو إذا كنت توك شاري الطير تعطيه من باب الوقاية
وكثير من المربين يعمل نفس الطريقة قبل ما يضيف طير جديد لمجموعة طيوره
حتى إذا كان فيه مرض يعالجه قبل ينتقل لطيوره
بالتوفيق لنا ولك

بخصوص الاكل اخوي تراه جديد وتاريخ صلاحيته شفته وتأكدت منه

وحسب كلامك انه اوكي واقدر احطه للطير مرتين او ثلاث في الاسبوع

وبخصوص المضاد هذا هو قصدي انه الطير مافيه شي بس ابي اعطيه من باب الوقايه
وتقويه مناعه الطير هل هالشي يضره او عادي مافي منه ضرر اذا ما نفعه

اشكرك على الرد والتواصل ما قصرت

وبعد ننتظر رد البقيه ونشوف رايهم

[alwahaj]

وينكم يا جماعه

مافي ردود !!!

[naasooh]

حب أستطلاع كفى ووفى
الله يرحم والديه
ويجزاه خير

[alwahaj]

ليش محد يرد على الاساله ؟؟

ترى الا سؤالين والاهم فيهم السؤال الثاني حق اللي كسلان يرد على اثنين !!

ومشكورين

[ابو محمــد]

خخخخ
اخوي قبل ترسل لي ع الخاص انا شايف سؤالك لكن حب استطلاع افادك ولا يحتاج اعيد وازيد على كلامة،،
وتأكد ان الاخوان ما راح يقصرون معك وحط في بطنك بطيخ صيفي.
والمضاد كاوقايه استخدامه في الشهر ثلاث مرات وتوقف.
والحبوب المشكله شيل منها الفلفل الاحمر اذا موجود وعطه في الشهر مرتين.

[alwahaj]

المشاركة الأصلية كتبت بواسطة ابو محمــد

خخخخ
اخوي قبل ترسل لي ع الخاص انا شايف سؤالك لكن حب استطلاع افادك ولا يحتاج اعيد وازيد على كلامة،،
وتأكد ان الاخوان ما راح يقصرون معك وحط في بطنك بطيخ صيفي.
والمضاد كاوقايه استخدامه في الشهر ثلاث مرات وتوقف.
والحبوب المشكله شيل منها الفلفل الاحمر اذا موجود وعطه في الشهر مرتين.

شفت رد اخوي حب استطلاع وبيض الله وجهه ما قصر وادري كلامه ثقه

وهو من اللي نستفيد منهم بس بعد انا حبيت اشوف اكثر من رأي لان الموضوع

حساس وهو استعمال مضاد حيوي بدون اي مرض في الطائر !!

عموما اشكرك بومحمد ورأيك انشرف فيه ولا ماكان ارسلت لك على الخاص ^_^

وخلاصه الكلام وبعد ارائكم بعطيه ثلاث مرات في الشهر على فترات مختلفه

من المضاد بالماي حق الشرب عشان الوقايه

كل الشكر لك من ساهم في الرد على استفساري